സമീപനം മാറും; ഇസ്രയേലിന് മാക്രോണിന്‍റെ മുന്നറിയിപ്പ്
Saturday, May 31, 2025 1:22 AM IST
സിംഗപ്പുർ: ഗാസയ്ക്കു സഹായം നിഷേധിക്കുന്നതു തുടർന്നാൽ ഇസ്രയേലിനെതിരായ നിലപാട് കടുപ്പിക്കേണ്ടിവരുമെന്ന് ഫ്രഞ്ച് പ്രസിഡന്‍റ് ഇമ്മാനുവൽ മക്രോൺ.
സിംഗപ്പൂർ സന്ദർശിച്ച അദ്ദേഹം അവിടത്തെ പ്രധാനമന്ത്രി ലോറൻസ് വോംഗിനൊപ്പം പത്രസമ്മേളനം നടത്തുകയായിരുന്നു.
സഹായനിഷേധം തുടരുന്ന പക്ഷം വെസ്റ്റ് ബാങ്കിലെ അനധികൃത ഇസ്രേലി കുടിയേറ്റക്കാർക്കെതിരേ ഉപരോധം ചുമത്തുന്നതിനെക്കുറിച്ച് ഫ്രാൻസ് ആലോചിക്കും. ഇസ്രയേൽ നിലപാട് തിരുത്തുമെന്നാണു ഫ്രാൻസിന്‍റെ പ്രതീക്ഷ.
ദ്വിരാഷ്‌ട്ര ഫോർമുലയ്ക്ക് ഫ്രാൻസിന്‍റെ പിന്തുണയുണ്ടെന്നും മക്രോൺ വ്യക്തമാക്കി.