അ​ധ്യ​യ​നം മു​ട​ക്കി​ക​ളെക്കൊ​ണ്ട് പൊ​റു​തിമു​ട്ടിയെന്ന് അ​ധ്യാ​പ​ക​രും ര​ക്ഷി​താ​ക്ക​ളും
Monday, July 21, 2025 6:26 AM IST
അ​ഞ്ച​ല്‍ : സ്കൂ​ള്‍ തു​റ​ന്നു ഒ​ന്നേ​കാ​ല്‍ മാ​സം പി​ന്നി​ടു​മ്പോ​ള്‍ ആ​റി​ല​ധി​കം വി​ദ്യാ​ഭ്യാ​സ ബ​ന്ദ്. പ​ഠി​പ്പു മു​ട​ക്കും വി​ദ്യാ​ഭ്യാ​സ ബ​ന്ദു​മൊ​ക്കെ ആ​ഹ്വാ​നം ചെ​യ്ത​തി​ല്‍ ഭ​ര​ണ​പ​ക്ഷ​മെ​ന്നോ പ്ര​തി​പ​ക്ഷ​മെ​ന്നോ വേ​ര്‍​തി​രി​വി​ല്ല. ആ​റോ​ളം പ്ര​വ​ര്‍​ത്തി ദി​വ​സ​മാ​ണ് കൊ​ല്ലം ജി​ല്ല​യി​ല്‍ വി​ദ്യാ​ഭ്യാ​സ ബ​ന്ദി​നെ തു​ട​ര്‍​ന്നു ന​ഷ്ട​മാ​യി​രി​ക്കു​ന്ന​ത്.

മു​ന്‍ കാ​ല​ങ്ങ​ളി​ല്‍ നി​ന്നും വ്യ​ത്യ​സ്ത​മാ​യി എ​ല്‍​പി, യു​പി സ്കൂ​ളു​ക​ളെ​യും വി​ദ്യാ​ഭ്യാ​സ ബ​ന്ദു​ക​ള്‍ ബാ​ധി​ച്ചി​രി​ക്കു​ക​യാ​ണ്. സ​മ​രം പ്ര​ഖ്യാ​പി​ച്ചാ​ല്‍ ഉ​ട​ന്‍ ലോ​ക്ക​ല്‍ നേ​താ​ക്ക​ള്‍ സ്കൂ​ളി​ലെ പ്ര​ധാ​നാ​ധ്യാ​പ​ക​രെ ഫോ​ണി​ല്‍ വി​ളി​ക്കു​ക​യോ നേ​രി​ട്ടെ​ത്തു​ക​യോ ചെ​യ്തു സ്കൂ​ള്‍ ബ​സ് അ​യ​ക്ക​രു​തെ​ന്ന് ആ​വ​ശ്യ​പ്പെ​ടു​ക​യാ​ണ് ചെ​യ്യു​ന്ന​ത്. ഇ​തി​ന് വി​സ​മ്മ​തി​ച്ചാ​ല്‍ ഭീ​ഷ​ണി. പ​ല​രും ഭീ​ഷ​ണി ഭ​യ​ന്ന് സ്കൂ​ള്‍ ബ​സ് അ​യ​ക്കാ​റി​ല്ല. ഇ​തോ​ടെ ഭൂ​രി​ഭാ​ഗം കു​ട്ടി​ക​ളും സ്കൂ​ളി​ല്‍ എ​ത്താ​താ​കും.

വി​ദ്യാ​ര്‍​ഥി സം​ഘ​ട​ന​ക​ള്‍ എ​ന്തെ​ന്നോ അ​വ​യു​ടെ പേ​രെ​ന്തെ​ന്നോ അ​റി​യാ​ത്ത ചെ​റി​യ കു​ട്ടി​ക​ളു​ടെ പ​ഠ​നം മു​ക്കു​ന്ന​തി​ല്‍ സ്കൂ​ളു​ക​ള്‍​ക്കി​ട​യി​ലും ര​ക്ഷി​താ​ക്ക​ള്‍​ക്കി​ട​യി​ലും വ​ലി​യ പ്ര​തി​ഷേ​ധ​വും അ​മ​ര്‍​ഷ​വും ഉ​യ​രു​ക​യാ​ണ്.

ര​ക്ഷി​താ​ക്ക​ള്‍ മു​ന്‍​കൈ​യെ​ടു​ത്തു​കൊ​ണ്ട് സ്കൂ​ള്‍ പി​ടി​എ വി​ളി​ച്ച് ചേ​ര്‍​ത്തു തു​ട​ര്‍​ച്ച​യ​ആ​യു​ള്ള സ​മ​ര​ങ്ങ​ള്‍​ക്കെ​തി​രേ രം​ഗ​ത്തി​റ​ങ്ങാ​നു​ള്ള തീ​രു​മാ​ന​ത്തി​ലാ​ണ്. ആ​ദ്യഘ​ട്ടമെ​ന്ന നി​ല​യി​ല്‍ സ്കൂ​ളു​ക​ളു​ടെ കൂ​ട്ടാ​യ്മ രൂ​പീ​ക​രി​ച്ച് വി​ദ്യാ​ര്‍​ഥി സം​ഘ​ട​ന​ക​ളു​ടെ മാ​തൃ​സം​ഘ​ട​നാ നേ​താ​ക്ക​ള്‍​ക്ക് എ​ല്‍​പി, യു​പി സ്കൂ​ളു​ക​ളെ​യെ​ങ്കി​ലും സ​മ​ര​ങ്ങ​ളി​ല്‍ നി​ന്നും ഒ​ഴി​വാ​ക്ക​ണമെന്നു ആ​വ​ശ്യ​പ്പെ​ട്ടു ക​ത്ത് ന​ല്‍​കും.

ഇ​വ​രു​ടെ പ്ര​തി​ക​ര​ണം അ​റി​ഞ്ഞ ശേ​ഷം നി​യ​മ ന​ട​പ​ടി ഉ​ള്‍​പ്പ​ടെ​യു​ള്ള കാ​ര്യ​ങ്ങ​ളു​മാ​യി മു​ന്നോ​ട്ടു​പോ​കാ​നാ​ണ് പി​ടി​എ ക​മ്മി​റ്റി​ക​ളു​ടെ തീ​രു​മാ​നം. കോ​ട​തി​യെ സ​മീ​പി​ക്കാ​നും ഒ​രു വി​ഭാ​ഗം സ്കൂ​ളു​ക​ള്‍ തീ​രു​മാ​നി​ച്ചി​ട്ടു​ണ്ട്. തു​ട​ര്‍​ച്ച​യാ​യു​ള്ള സ​മ​ര​ങ്ങ​ള്‍ മൂ​ലം ന​ഷ്ട​മാ​യ അ​ധ്യ​യ​ന ദി​ന​ങ്ങ​ളി​ലെ പാ​ഠ​ഭാ​ഗ​ങ്ങ​ൾ തീ​ര്‍​ക്കാ​ന്‍ കു​ട്ടി​ക​ള്‍​ക്ക് മേ​ല്‍ അ​ധി​ക ഭാ​രം ഏ​ല്‍​പ്പി​ക്കേ​ണ്ട അ​വ​സ്ഥ​യി​ലാ​ണ് അ​ധ്യാ​പ​ക​ര്‍.
Copyright @ 2018 , Rashtra Deepika Ltd.