കോ​ടി​ക​ൾ ചെ​ല​വ​ഴി​ച്ചി​ട്ടും ക്ഷീ​രമേ​ഖ​ല​യി​ൽ ഉ​ണ​ർ​വി​ല്ല
Thursday, August 14, 2025 4:01 AM IST
പ​ത്ത​നം​തി​ട്ട: കോ​ടി​ക​ൾ ചെ​ല​വ​ഴി​ച്ച​താ​യി ക​ണ​ക്കു​ക​ൾ പ്ര​സി​ദ്ധീ​ക​രി​ക്കു​ന്പോ​ഴും ജി​ല്ല​യി​ലെ ക്ഷീ​ര ക​ർ​ഷ​ക​ർ ബു​ദ്ധി​മു​ട്ടി​ൽ. മ​ഹാ​പ്ര​ള​യ​വും കോ​വി​ഡും ക​ട​ന്നു​പോ​യ ക​ഴി​ഞ്ഞ ഒ​ന്പ​തു വ​ർ​ഷ​ത്തെ ക​ണ​ക്കി​നി​ടെ ജി​ല്ല​യി​ലെ ക്ഷീ​ര​മേ​ഖ​ല​യി​ൽ ചെ​ല​വ​ഴി​ച്ചി​രി​ക്കു​ന്ന​ത് 27.57 കോ​ടി രൂ​പ​യാ​ണ്. എ​ന്നാ​ൽ സാ​ധാ​ര​ണ​ക്കാ​രാ​യ ക​ർ​ഷ​ക​ർ​ക്ക് ഇ​പ്പോ​ഴും ഈ​മേ​ഖ​ല​യി​ൽ പി​ടി​ച്ചു നി​ൽ​ക്കാ​നാ​കാ​ത്ത സ്ഥി​തി​യാ​ണ്.

ചെ​ല​വ​ഴി​ച്ച തു​ക​യി​ല്‍ പ​കു​തി​യി​ല്‍ അ​ധി​ക​വും മി​ല്‍​ക്ക് ഷെ​ഡ് ഡെ​വ​ല​പ്‌​മെ​ന്‍റ് പ​ദ്ധ​തി​ക്കാ​ണ് വി​നി​യോ​ഗി​ച്ച​ത്. ക​ന്നു​കാ​ലി വ​ള​ര്‍​ത്ത​ലി​ന് 90 ശ​ത​മാ​നം വ​രെ സ​ബ്‌​സി​ഡി ല​ഭ്യ​മാ​കു​ന്ന മി​ല്‍​ക്ക് ഷെ​ഡ് ഡെ​വ​ല​പ്‌​മെ​ന്‍റ് പ​ദ്ധ​തി​ക്കാ​യി ഒ​മ്പ​ത് വ​ര്‍​ഷ​ത്തി​നി​ടെ 15.27 കോ​ടി രൂ​പ​യാ​ണ് ചെ​ല​വ​ഴി​ച്ച​ത്.

ക​ര്‍​ഷ​ക​ര്‍​ക്ക് കു​റ​ഞ്ഞ​നി​ര​ക്കി​ല്‍ കാ​ലി​ത്തീ​റ്റ സ​ബ്‌​സി​ഡി​ക്കാ​യി 1.18 കോ​ടി രൂ​പ​യും തീ​റ്റ​പ്പു​ല്‍ കൃ​ഷി​ക്കാ​യി 2.74 കോ​ടി രൂ​പ​യു​മാ​ണ് ചെ​ല​വ​ഴി​ച്ചി​ട്ടു​ള്ള​ത്. സൗ​ജ​ന്യ​മാ​യി പു​ല്‍​വി​ത്തും ന​ടീ​ല്‍​വ​സ്തു​ക്ക​ളും ന​ല്‍​കു​ന്ന​താ​യും ക​റ​വ​പ്പ​ശു​ക്ക​ളു​ടെ ശ​രി​യാ​യ വ​ള​ര്‍​ച്ച, പാ​ലു​ത്പാ​ദ​നം എ​ന്നി​വ​യ്ക്കാ​യി മി​ന​റ​ല്‍ മി​ക്‌​സ്ച​ര്‍ വൈ​റ്റ​മി​ന്‍ സ​പ്ലി​മെ​ന്‍റ്, മി​ല്‍​ക്ക് റീ​പ്ലെ​യ്‌​സ​ര്‍, കാ​ഫ്-​സ്റ്റാ​ര്‍​ട്ട​ര്‍ എ​ന്നി​വ​യ്ക്കും സ​ബ്‌​സി​ഡി ന​ല്‍​കു​ന്ന​താ​യും ക്ഷീ​ര വി​ക​സ​ന വ​കു​പ്പ് പ​റ​യു​ന്നു. ജി​ല്ല​യി​ല്‍ 16,556 ക്ഷീ​ര​ക​ര്‍​ഷ​ക​ര്‍ ക്ഷേ​മ​നി​ധി അം​ഗ​ങ്ങ​ളാ​ണ്.

ചെ​ല​വ് താ​ങ്ങാ​നാ​കു​ന്നി​ല്ല

ക്ഷീ​ര ക​ർ​ഷ​ക മേ​ഖ​ല​യി​ൽ നി​ല​വി​ലെ സാ​ഹ​ച​ര്യ​ത്തി​ൽ ഉ​ത്പാ​ദ​ന​ച്ചെ​ല​വ് ഏ​റു​ക​യാ​ണെ​ന്ന് ക​ർ​ഷ​ക​ർ. കാ​ലി​ത്തീ​റ്റ വി​ല ത​ന്നെ​യാ​ണ് പ്ര​ധാ​ന പ്ര​ശ്നം. തു​ട​ർ​ച്ച​യാ​യ മ​ഴ​ക്കാ​ല​വും പി​ന്നാ​ലെ എ​ത്തു​ന്ന കൊ​ടും​വ​ര​ൾ​ച്ച​യും ക്ഷീ​ര​ക​ർ​ഷ​ക​ർ​ക്ക് ഒ​രേ​പോ​ലെ വെ​ല്ലു​വി​ളി​യാ​ണ്.

കാ​ലി​ത്തീ​റ്റ​യു​ടെ വി​ല​യി​ലു​ണ്ടാ​കു​ന്ന വ​ർ​ധ​ന​യും ഗു​ണ​മേ​ന്മ​യു​ള്ള​വ​യു​ടെ അ​ഭാ​വ​വും പ്ര​ധാ​ന പ്ര​ശ്ന​മാ​ണ്. ക​ന്നു​കാ​ലി​ക​ളു​ടെ ആ​രോ​ഗ്യ സം​ര​ക്ഷ​ണം അ​ട​ക്ക​മു​ള്ള പ്ര​ശ്ന​ങ്ങ​ളും വെ​ല്ലു​വി​ളി​യാ​കു​ന്നു. ഉ​ത്പാ​ദ​നച്ചെ​ല​വ് ഏ​റു​ന്പോ​ഴും പാ​ൽ വി​ല​യി​ൽ അ​തി​ന​നു​സൃ​ത​മാ​യ വ​ർ​ധ​ന ക​ർ​ഷ​ക​ർ​ക്കു ല​ഭി​ക്കു​ന്നി​ല്ല. ക​ന്നു​കാ​ലി​യെ വ​ള​ർ​ത്തി ഉ​പ​ജീ​വ​നം ന​ട​ത്താ​ൻ ല​ക്ഷ്യ​മി​ടു​ന്ന​വ​ർ​ക്കാ​ണ് വെ​ല്ലു​വി​ളി ഏ​റെ​യു​ള്ള​ത്. ഒ​റ്റ​പ്പെ​ട്ട ക​ർ​ഷ​ക​ർ​ക്ക് പ​ല​യി​ട​ത്തും ആ​നു​കൂ​ല്യ​ങ്ങ​ളും ല​ഭി​ക്കാ​റി​ല്ല.

ക്ഷീ​ര​വ​കു​പ്പി​ന്‍റെ ആ​നു​കൂ​ല്യ​ങ്ങ​ൾ ഇ​ങ്ങ​നെ

അ​ഞ്ചി​ല്‍ കൂ​ടു​ത​ല്‍ പ​ശു​ക്ക​ളെ വ​ള​ര്‍​ത്തു​ന്ന ഫാം ​ഉ​ട​മ​ക​ള്‍​ക്ക് റ​ബ​ര്‍ മാ​റ്റ്, മി​ല്‍​ക്കിം​ഗ് മെ​ഷീ​ൻ, ഗോ​ബ​ര്‍ ഗ്യാ​സ് പ്ലാ​ന്‍റ്, തൊ​ഴു​ത്ത് പു​ന​രു​ദ്ധാ​ര​ണം തു​ട​ങ്ങി​യ​വ​യ്ക്ക് 75,000 രൂ​പ വ​രെ​യും ക്ഷീ​ര​സം​ഘ​ങ്ങ​ളു​ടെ ശു​ചി​ത്വം വ​ര്‍​ധി​പ്പി​ക്കു​ന്ന​തി​നും പാ​ല്‍ ഗു​ണ​നി​ല​വാ​ര പ​രി​ശോ​ധ​ന​യ്ക്കും 75,000 രൂ​പ​യും സ​ബ്സി​ഡ ന​ൽ​കു​മെ​ന്ന് ക്ഷീ​ര​വി​ക​സ​ന വ​കു​പ്പ് അ​റി​യി​ച്ചു.

ബ​ള്‍​ക്ക് മി​ല്‍​ക്ക് ചി​ല്ലിം​ഗ് കേ​ന്ദ്ര​ങ്ങ​ളു​ടെ ആ​വ​ശ്യാ​ധി​ഷ്ഠി​ത ധ​ന​സ​ഹാ​യ​മാ​യി 3.75 ല​ക്ഷം രൂ​പ​യും നീ​ക്കി​വ​ച്ചി​രു​ന്നു. 5100 രൂ​പ വി​ല​യു​ള്ള പാ​ലു​ത്പാ​ദ​ന കി​റ്റ് 1600 രൂ​പ​യ്ക്കാ​ണ് ക​ര്‍​ഷ​ക​ര്‍​ക്ക് ന​ൽ​കു​ന്ന​ത്. 2952 പേ​ര്‍​ക്ക് ക്ഷേ​മ​നി​ധി പെ​ന്‍​ഷ​നും 177 പേ​ര്‍​ക്ക് കു​ടും​ബ പെ​ന്‍​ഷ​നും 698 പേ​ര്‍​ക്ക് വി​ദ്യാ​ഭ്യാ​സം 747 പേ​ര്‍​ക്ക് വി​വാ​ഹ​സ​ഹാ​യ​വും 84 പേ​ര്‍​ക്ക് മ​ര​ണാ​ന​ന്ത​ര ധ​ന​സ​ഹാ​യ​ങ്ങ​ളും ഇ​ക്കാ​ല​യ​ള​വി​ൽ ന​ല്‍​കി.

ക്ഷീ​ര സാ​ന്ത്വ​നം ഇ​ൻ​ഷ്വ​റ​ൻ​സ്

ക​ര്‍​ഷ​ക​ര്‍​ക്ക് ക്ഷീ​ര​സാ​ന്ത്വനം പ​ദ്ധ​തി​യി​ലൂ​ടെ സ​ബ്സി​ഡി നി​ര​ക്കി​ല്‍ ഇ​ന്‍​ഷ്വ​റ​ന്‍​സ് പ​ദ്ധ​തി​യു​മു​ണ്ട്. പാ​ല്‍ അ​ള​ക്കു​ന്ന ക്ഷേ​മ​നി​ധി അം​ഗ​ങ്ങ​ള്‍​ക്ക് ഓ​ണം മ​ധു​രം പ​ദ്ധ​തി​യി​ലൂ​ടെ 500 രൂ​പ ന​ല്‍​കു​ന്നു. ഇ​തി​നാ​യി 13 ല​ക്ഷം രൂ​പ ചെ​ല​വ​ഴി​ച്ച​താ​യും ക്ഷീ​ര വി​ക​സ​ന വ​കു​പ്പ് അ​വ​കാ​ശ​പ്പെ​ടു​ന്നു. തി​രു​വ​ന​ന്ത​പു​രം മേ​ഖ​ല യൂ​ണി​യ​നി​ല്‍ മി​ക​ച്ച ഗു​ണ​നി​ല​വാ​രം പു​ല​ര്‍​ത്തു​ന്ന ജി​ല്ല​ക​ളി​ലൊ​ന്നാ​ണ് പ​ത്ത​നം​തി​ട്ട.

പാ​ലി​ന്‍റെ ഗു​ണ​നി​ല​വാ​രം ഉ​റ​പ്പാ​ക്കാ​ന്‍ ആ​ധു​നി​ക നി​ല​വാ​ര​ത്തി​ലു​ള്ള ലാ​ബ് അ​ടൂ​ര്‍ അ​മ്മ​ക​ണ്ട​ക​ര​യി​ല്‍ പ്ര​വ​ര്‍​ത്തി​ക്കു​ന്നു​ണ്ട്. ജി​ല്ല​യു​ടെ വി​വി​ധ പ്ര​ദേ​ശ​ങ്ങ​ളി​ല്‍ നി​ന്നു ശേ​ഖ​രി​ക്കു​ന്ന പാ​ക്ക​റ്റ് പാ​ലും പ​രി​ശോ​ധി​ച്ച് എ​ല്ലാ മാ​സ​വും ഭ​ക്ഷ്യ​സു​ര​ക്ഷാ അ​ഥോ​റി​റ്റി​ക് റി​പ്പോ​ര്‍​ട്ട് ന​ല്‍​കും. ജി​ല്ലാ ക്വാ​ളി​റ്റി ക​ണ്‍​ട്രോ​ള്‍ ലാ​ബി​ന്‍റെ നേ​തൃ​ത്വ​ത്തി​ല്‍ പാ​ല്‍ ഗു​ണ​നി​ല​വാ​രം വ​ര്‍​ധി​പ്പി​ക്കു​ന്ന​തി​ന് ക്ഷീ​ര​ക​ര്‍​ഷ​ക​ര്‍​ക്കും പാ​ല്‍ ഉ​പ​ഭോ​ക്താ​ക്ക​ള്‍​ക്കും ബോ​ധ​വ​ത്ക​ര​ണ പ്ര​വ​ര്‍​ത്ത​നം ന​ട​ത്തിവ​രു​ന്നു.
Copyright @ 2018 , Rashtra Deepika Ltd.