92കാരിയുടെ അന്നനാളത്തിലെ ത​ട​സം നീ​ക്കി
Tuesday, August 12, 2025 11:54 PM IST
തൊ​ടു​പു​ഴ: ആ​ഹാ​രം ആ​മാ​ശ​യ​ത്തി​ലേ​ക്കു ക​ട​ന്നു​പോ​കാ​ൻ സ​ഹാ​യി​ക്കു​ന്ന അ​ന്ന​നാ​ള​ത്തി​ലെ പേ​ശി​ക​ൾ​ക്ക് ബ​ല​ക്ഷ​യം സം​ഭ​വി​ക്കു​ന്ന അ​ക്ക​ലേ​ഷ്യാ കാ​ർ​ഡി​യ പി​ടി​പെ​ട്ട 92 കാ​രി​യാ​യ അ​രി​ക്കു​ഴ സ്വ​ദേ​ശി​ക്ക് പെ​ർ ഓ​റ​ൽ എ​ൻ​ഡോ​സ്കോ​പി​ക് മ​യോ​ട്ട​മി (POEM) ചി​കി​ത്സ വി​ജ​യ​ക​ര​മാ​യി നി​ർ​വ​ഹി​ച്ച് തൊ​ടു​പു​ഴ സെ​ന്‍റ് മേ​രീ​സ് ആ​ശു​പ​ത്രി മ​ഹ​ത്താ​യ നേ​ട്ടം കൈ​വ​രി​ച്ചു. രാ​ജ്യ​ത്ത് പെ​ർ ഓ​റ​ൽ എ​ൻ​ഡോ​സ്കോ​പി​ക് മ​യോ​ട്ട​മി ചി​കി​ത്സ വി​ജ​യ​ക​ര​മാ​യി ന​ട​ത്തി​യ​തി​ൽ ഏ​റ്റ​വും പ്രാ​യം കൂ​ടി​യ രോ​ഗി​ക​ളി​ൽ ഒ​രാ​ളാ​ണ് ഇ​വ​ർ.

പ​ല​വി​ധ ആ​രോ​ഗ്യ പ്ര​ശ്ന​ങ്ങ​ളു​ള്ള വ​യോ​ധി​ക​രി​ൽ ന​വീ​ന മി​നി​മ​ലി ഇ​ൻ​വ​സീ​വ് ഗാസ്ട്രോ​ എ​ന്‍റ​റോ​ള​ജി​ക്ക​ൽ ശ​സ്ത്ര​ക്രി​യ​ ന​ട​ത്താ​നാ​യ​തും അ​ഭി​ന​ന്ദ​നാ​ർ​ഹ​മാ​ണ്.​ഗാ​സ്ട്രോ ​എ​ന്‍റ​റോ​ള​ജി വി​ഭാ​ഗ​ത്തി​ലെ ഡോ. ​ജോ​ഷി ജോ​സ​ഫ്, ഡോ. ​ഷൈ​ൻ ജെ.​ പ​ക​ലോ​മ​റ്റം, ഡോ. ​ജി​ജോ വ​ർ​ഗീ​സ്, അ​ന​സ്തീഷ്യ വി​ഭാ​ഗ​ത്തി​ലെ ഡോ. ​സ്വ​രാ​ജ് ചെ​റി​യാ​ൻ എ​ന്നി​വ​രാ​ണ് എ​ൻ​ഡോ​സ്കോ​പ്പി ചി​കി​ത്സ​യ്ക്ക് നേ​തൃ​ത്വം ന​ൽ​കി​യ​ത്.​

രോ​ഗി​യു​ടെ പ്രാ​യാ​ധി​ക്യ​വും അ​ന​സ്തേഷ്യ​യു​ടെ അ​പ​ക​ട​സാ​ധ്യ​ത​കളും നി​ല​നി​ൽ​ക്കു​ന്പോ​ഴും എ​ൻ​ഡോ​സ്കോ​പ്പി ചി​കി​ത്സ വി​ജ​യ​ക​ര​മാ​യി പൂ​ർ​ത്തി​യാ​ക്കാ​നാ​യി.​ സു​ഖം പ്രാ​പി​ച്ച രോ​ഗി വീ​ട്ടി​ലേ​ക്കു മ​ട​ങ്ങു​ക​യും ചെ​യ്തു.​ ക​ഴി​ഞ്ഞ 25 വ​ർ​ഷ​മാ​യി ഇ​വി​ടെ പ്ര​വ​ർ​ത്തി​ച്ചു വ​രു​ന്ന ഗാ​സ്ട്രോ​ എ​ന്‍റ​റോ​ള​ജി വി​ഭാ​ഗം ആ​യി​ര​ങ്ങ​ൾ​ക്ക് ആ​ശ്ര​യ​കേ​ന്ദ്ര​മാ​ണ്. ശ​സ്ത്ര​ക്രി​യ​യ്ക്കു​പു​റ​മേ എ​ൻ​ഡോ​സ്കോ​പ്പി​യി​ലൂ​ടെ ആ​മാ​ശ​യ​ത്തി​ലെ​യും വ​ൻ​കു​ട​ലി​ലെ​യും മു​ഴ​ക​ൾ, പി​ത്ത​നാ​ളി​യി​ലെ ക​ല്ലു​ക​ൾ, ട്യൂ​മ​ർ എ​ന്നി​വ നീ​ക്കം ചെ​യ്യു​ക എ​ന്നീ ചി​കി​ത്സ​ക​ളും വി​ജ​യ​ക​ര​മാ​യി ഇ​വി​ടെ ചെ​യ്തു​വ​രു​ന്നു​ണ്ട്.

എ​ൻ​ഡോ​സ്കോ​പ്പി​ക് അ​ൾ​ട്രാ​സൗണ്ട് വ​ഴി ബ​യോ​പ്സി എ​ടു​ക്കു​ക, പാ​ൻ​ക്രി​യാ​റ്റി​ക് സ്യൂ​ഡോ​സി​സ്റ്റു​ക​ൾ നീ​ക്കി​ക്ക​ള​യു​ക, അ​ന്ന​നാ​ള​ത്തി​ലും വ​ൻ​കു​ട​ലി​ലും പി​ത്ത​നാ​ളി​യി​ലും ഉ​ണ്ടാ​കു​ന്ന ചു​രു​ക്ക​ങ്ങ​ൾ മെ​റ്റ​ൽ സ്റ്റെ​ന്‍റു​ക​ൾ ഇ​ട്ടു വി​ക​സി​പ്പി​ക്കു​ക തു​ട​ങ്ങി​യ ചി​കി​ത്സാ​രീ​തി​ക​ളും ഇ​വി​ടെ​യു​ണ്ട്.
Copyright @ 2018 , Rashtra Deepika Ltd.