9

കൊ​ര​ട്ടി: ദേ​ശീ​യ​പാ​ത​യി​ൽ തു​ട​ർ​ച്ച​യാ​യി ഉ​ണ്ടാ​കു​ന്ന അ​പ​ക​ട​ങ്ങ​ളു​ടെ കാ​ര​ണ​ങ്ങ​ൾ ക​ണ്ടെ​ത്തി പ​രി​ഹാ​ര​ന​ട​പ​ടി​ക​ൾ സ്വീ​ക​രി​ക്കു​ന്ന​തി​ന്‍റെ ഭാ​ഗ​മാ​യി ചാ​ല​ക്കു​ടി ഡി​വൈ​എ​സ്പി ജെ. ​കു​ര്യാ​ക്കോ​സി​ന്‍റെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ സം​ഘം കൊ​ര​ട്ടി മേ​ഖ​ല​യി​ൽ നേ​രി​ട്ടെ​ത്തി പ​രി​ശോ​ധ​ന ന​ട​ത്തി. കൊ​ര​ട്ടി​ക്കുപു​റ​മെ പു​തു​ക്കാ​ട്, കൊ​ട​ക​ര, ചാ​ല​ക്കു​ടി പോ​ലീ​സ് സ്റ്റേ​ഷ​ൻ പ​രി​ധി​ക​ളി​ലും സം​ഘം പ​രി​ശോ​ധ​ന ന​ട​ത്തി.

ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി മു​രി​ങ്ങൂ​രി​ലെ​യും ചി​റ​ങ്ങ​ര​യി​ലെ​യും അ​ടി​പ്പാ​ത നി​ർ​മാ​ണ​വും അ​നു​ബ​ന്ധ പ്ര​വ​ർ​ത്ത​ന​ങ്ങ​ളും അ​ന്തി​മ​ഘ​ട്ട​ത്തി​ലാ​ണ്. കൊ​ര​ട്ടി മേ​ൽ​പ്പാ​ല​ത്തി​ന്‍റെ നി​ർ​മാ​ണ​വും പു​രോ​ഗ​മി​ക്കു​ക​യാ​ണ്. എ​ൻ​എ​ച്ച്എ​ഐ എ​ൻ​ജി​നിയ​ർ അ​ര​വി​ന്ദ്, കൊ​ര​ട്ടി പ​ഞ്ചാ​യ​ത്ത് സെ​ക്ര​ട്ട​റി കെ.​എ. ശ്രീ​ല​ത, മോ​ട്ടോ​ർ വാ​ഹ​നവ​കു​പ്പ് എ​ൻ​ഫോ​ഴ്സ്മെ​ന്‍റ്് ഇ​ൻ​സ്പെ​ക്ട​ർ​മാ​രാ​യ സ​ജി തോ​മ​സ്, സു​ൽ​ഫീ​ക്ക​ർ, ചാ​ല​ക്കു​ടി സി​ഐ കെ.​സി. ര​തീ​ഷ്, കൊ​ര​ട്ടി എ​സ്എ​ച്ച്ഒ വി​ഷ്ണു രാ​മ​ച​ന്ദ്ര​ൻ, നി​ർ​മാ​ണ ക​മ്പ​നി പ്ര​തി​നി​ധി​ക​ൾ തു​ട​ങ്ങി​യ​വ​രും സം​ഘ​ത്തി​ലു​ണ്ടാ​യി​രു​ന്നു.

മു​രി​ങ്ങൂ​രി​ലെ​യും ചി​റ​ങ്ങ​ര​യി​ലെ​യും ദേ​ശീ​യ​പാ​ത അ​ടി​പ്പാ​ത​ക​ളി​ൽ രാ​ത്രി​കാ​ല​ത്ത് വെ​ളി​ച്ച​മി​ല്ലാ​ത്ത​ത് അ​ടി​യ​ന്ത​ര​മാ​യി പ​രി​ഹ​രി​ക്ക​ണ​മെ​ന്ന് സം​ഘം നി​ർ​ദേ​ശി​ച്ചു. മൂ​ന്ന് വ​രി​ക​ളു​ള്ള മേ​ൽ​പ്പാ​ത​യി​ൽ നി​ന്ന് ലാ​ൻ​ഡിം​ഗി​ലെ​ത്തി ര​ണ്ട് വ​രി​യാ​യി ചേ​രു​ന്ന ഭാ​ഗ​ങ്ങ​ളി​ൽ മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ക്ക​ണ​മെ​ന്നും മേ​ൽ​പ്പാ​ത​യി​ൽ​നി​ന്ന് സ​ർ​വീ​സ് റോ​ഡി​ലേ​ക്കും തി​രി​ച്ചും പ്ര​വേ​ശി​ക്കു​ന്ന ഭാ​ഗ​ങ്ങ​ളി​ൽ ആ​വ​ശ്യ​മാ​യ സൂ​ച​നാ ബോ​ർ​ഡു​ക​ളി​ല്ലാ​ത്ത​തും ഇ​വ​രു​ടെ ശ്ര​ദ്ധ​യി​ൽ​പ്പെ​ട്ടി​ട്ടു​ണ്ട്.

കൊ​ര​ട്ടി ജം​ഗ്ഷ​നി​ലെ ബ​സ് സ്റ്റോ​പ്പ് മാ​റ്റു​ന്ന​തു​മാ​യി ബ​ന്ധ​പ്പെ​ട്ട് പ​ഞ്ചാ​യ​ത്ത് നേ​തൃ​ത്വ​ത്തി​ൽ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം ചേ​ർ​ന്ന് സാ​ധ്യ​ത​ക​ൾ പ​രി​ശോ​ധി​ക്കും. ഹൈ​വേ അ​ധി​കൃ​ത​രു​മാ​യി കൂ​ടി​യാ​ലോ​ചി​ച്ച് തു​ട​ർ​ന​ട​പ​ടി സ്വീ​ക​രി​ക്കാ​നും തീ​രു​മാ​നി​ച്ചി​ട്ടു​ണ്ട്.ദേ​ശീ​യ​പാ​ത​യി​ൽ സു​ര​ക്ഷി​ത​വും സു​ഗ​മ​വു​മാ​യ യാ​ത്ര ഉ​റ​പ്പാ​ക്കു​ന്ന​തി​നൊ​പ്പം വി​ക​സ​ന പ്ര​വ​ർ​ത്ത​ന​ങ്ങ​ൾ കു​റ്റ​മ​റ്റ രീ​തി​യി​ൽ പൂ​ർ​ത്തി​യാ​ക്കു​ക​യാ​ണ് സ​ന്ദ​ർ​ശ​ന​ത്തി​ന്‍റെ ല​ക്ഷ്യം.

Tags : NattuVishasham DistrictNews