2

മ​ല​പ്പു​റം: മ​ല​പ്പു​റം സി​വി​ൽ സ്റ്റേ​ഷ​നി​ൽ എ​ത്തു​ന്ന​വ​രി​ൽ പ​പ്പേ​ട്ട​നെ പ​രി​ച​യ​മി​ല്ലാ​ത്ത​വ​ർ വി​ര​ള​മാ​യി​രി​ക്കും. നൂ​റു​ക്ക​ണ​ക്കി​ന് ആ​ളു​ക​ൾ ദി​വ​സ​വും ഭ​ക്ഷ​ണം ക​ഴി​ക്കാ​നെ​ത്തു​ന്ന സി​വി​ൽ സ്റ്റേ​ഷ​ൻ കാ​ന്‍റീ​നി​ൽ അ​ധി​കം സം​സാ​രി​ക്കാ​തെ, ഒ​രു നി​മി​ഷം പോ​ലും പാ​ഴാ​ക്കാ​തെ സ​ദാ ജോ​ലി​യി​ൽ മു​ഴു​കി​യി​രി​ക്കു​ന്ന പ​പ്പേ​ട്ട​ൻ 78-ാം വ​യ​സി​ലും ക​ർ​മ​നി​ര​ത​നാ​ണ്.

പ്രാ​യ​ത്തി​ന്‍റെ ത​ള​ർ​ച്ച​യെ വ​ക​വ​യ്ക്കാ​തെ ചു​റു​ചു​റു​ക്കോ​ടെ ജോ​ലി ചെ​യ്യു​ന്ന പ​പ്പേ​ട്ട​നെ അ​ന്താ​രാ​ഷ‌്ട്ര വ​യോ​ജ​ന ദി​നാ​ച​ര​ണ​ത്തി​ന്‍റെ ഭാ​ഗ​മാ​യി മ​ല​പ്പു​റം സാ​മൂ​ഹ്യ​നീ​തി ഓ​ഫി​സും ന​ഗ​ര​സ​ഭ​യും സം​യു​ക്ത​മാ​യി സം​ഘ​ടി​പ്പി​ച്ച ച​ട​ങ്ങി​ൽ ആ​ദ​രി​ച്ചു. ജീ​വി​ത​ത്തി​ൽ ആ​ദ്യ​മാ​യാ​ണ് പ​പ്പേ​ട്ട​ന് ജി​ല്ല​യു​ടെ ഒൗ​ദ്യോ​ഗി​ക ആ​ദ​രം ല​ഭി​ക്കു​ന്ന​ത്.

കോ​ഡൂ​ർ പ​ഞ്ചാ​യ​ത്തി​ലെ മു​ണ്ട​ക്കോ​ട് സ്വ​ദേ​ശി​യാ​യ പ​പ്പേ​ട്ട​ന്‍റെ വി​ദ്യാ​ഭ്യാ​സം അ​ഞ്ചാം ക്ലാ​സ് വ​രെ മാ​ത്ര​മാ​ണ്. ചെ​റു​പ്പ​ത്തി​ൽ ത​ന്നെ കു​ടും​ബ​ത്തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത അ​ദ്ദേ​ഹം ജീ​വി​ത​മാ​ർ​ഗ​മാ​യി ജോ​ലി​യെ തെ​ര​ഞ്ഞെ​ടു​ത്തു. വി​വി​ധ ഹോ​ട്ട​ലു​ക​ളി​ലും കാ​ന്‍റീ​നു​ക​ളി​ലും ജോ​ലി ചെ​യ്ത പ​പ്പേ​ട്ട​ൻ ദീ​ർ​ഘ​കാ​ലം എം​ബി ആ​ശു​പ​ത്രി​യി​ലെ കാ​ന്‍റീ​ൻ ജീ​വ​ന​ക്കാ​ര​നാ​യി​രു​ന്നു. ക​ഴി​ഞ്ഞ മൂ​ന്ന് വ​ർ​ഷ​മാ​യി മ​ല​പ്പു​റം സി​വി​ൽ സ്റ്റേ​ഷ​ൻ കാ​ന്‍റീ​നി​ലാ​ണ് ജോ​ലി ചെ​യ്യു​ന്ന​ത്.

ഭാ​ര്യ സു​ഹാ​സി​നി ആ​ശാ വ​ർ​ക്ക​റാ​ണ്. ര​ണ്ട് മ​ക്ക​ൾ. ഒ​രാ​ൾ കോ​ട്ട​പ്പ​ടി ബ്ലോ​ക്ക് ആ​ശു​പ​ത്രി​യി​ലും ര​ണ്ടാ​മ​ത്തെ​യാ​ൾ തി​രൂ​ർ ആ​ശു​പ​ത്രി​യി​ലും ജോ​ലി ചെ​യ്യു​ന്നു.
ആ​രെ​യും ആ​ശ്ര​യി​ക്കാ​തെ, സ്വ​ന്തം അ​ധ്വാ​ന​ത്തി​ലൂ​ടെ ജീ​വി​തം മു​ന്നോ​ട്ടു​കൊ​ണ്ടു​പോ​ക​ണം. ക​ഴി​യു​ന്നി​ട​ത്തോ​ളം ജോ​ലി ചെ​യ്യ​ണം. ഇ​താ​ണ് പ​പ്പേ​ട്ട​ന്‍റെ നി​ല​പാ​ട്. ജോ​ലി അ​ദ്ദേ​ഹ​ത്തി​ന് ഉ​പ​ജീ​വ​ന​മാ​ർ​ഗം മാ​ത്ര​മ​ല്ല, ആ​ത്മ​നി​ർ​വൃ​തി​യു​ടെ ഭാ​ഗം കൂ​ടി​യാ​ണ്. വ​യോ​ജ​ന ദി​ന​ത്തി​ൽ ല​ഭി​ച്ച ആ​ദ​രം പ​പ്പേ​ട്ട​നു​ള്ള അം​ഗീ​കാ​ര​മാ​യി മാ​റി.

Tags : District News Nattuvishesham Active at 78 Tribute to 'Pappettan