1

ച​മ്പ​ക്കു​ളം:​ ഒ​രു കാ​ല​ത്ത് മോ​ട്ട​ർ ബോ​ട്ടു​ക​ളും ജ​ല​വാ​ഹ​ന​ങ്ങ​ളും സ​ഞ്ച​രി​ച്ചി​രു​ന്ന അ​മ്പ​ല​പ്പു​ഴ  തോ​ട് പോ​ള നി​റ​ഞ്ഞ് വി​ഷ​പ്പാ​മ്പു​ക​ളു​ടെ വി​ഹാ​ര​കേ​ന്ദ്ര​മാ​യി മാ​റി​യി​രി​ക്കു​ന്നു. പൂ​ക്കൈ​ത​യാ​റ്റി​ൽ വി​ള​ക്കു​മ​ര​ത്ത്നി​ന്ന് ആ​രം​ഭി​ച്ച് അ​മ്പ​ല​പ്പു​ഴ ക്ഷേ​ത്ര​ത്തി​ന്‍റെ കി​ഴ​ക്കേ ന​ട​യി​ലെ​ത്തു​ന്ന വി​ശാ​ല​വും വി​സ്ത്യ​ത​വും, നി​ത്യ​വും നി​ര​വ​ധി യാ​ത്രാ ബോ​ട്ടു​ക​ൾ സ​ഞ്ച​രി​ച്ചിരുന്ന​തു​മാ​യ ഒ​രു തോ​ടി​നെ​പ്പ​റ്റി​യു​ള്ള ഓ​ർ​മ്മ​ക​ൾ അ​ൻ​പ​ത് ക​ഴി​ഞ്ഞ​വ​രു​ടെ ഓ​ർ​മ​യി​ലു​ണ്ട്.

   അ​മ്പ​ല​പ്പു​ഴ ക്ഷേ​ത്രക്ക​ട​വി​ൽ നി​ന്നും അ​ല​പ്പു​ഴ, കോ​ട്ട​യം, എ​ട​ത്വ, ചെ​ങ്ങ​ന്നൂ​ർ, പു​ളി​ക്കി​ഴ്,എ​റ​ണാ​കു​ളം തു​ട​ങ്ങി​യ ഇ​ട​ങ്ങ​ളി​ലേ​ക്ക് ഒ​രു കാ​ല​ത്ത് നി​ര​വ​ധി ബോ​ട്ടു​ക​ൾ സ​ർ​വീ​സ് ന​ട​ത്തി​യി​രു​ന്നു. തീ​ര​ദേ​ശ റെ​യി​ൽ​പാ​ത​യു​ടെ വ​ര​വോ​ടെ അ​മ്പ​ല​പ്പു​ഴ തോ​ട് പൂ​ർ​ണ​മാ​യും ഉ​പേ​ക്ഷി​ക്ക​പ്പെ​ടു​ക​യാ​യി​രു​ന്നു. ക​രു​മാ​ടി തോ​ടി​ന് കു​റു​കെ ഉ​യ​ര​ത്തി​ൽ റെ​യി​ൽ​വേ ലൈ​ൻ നി​ർ​മി​ക്കാ​ൻ ശ്ര​ദ്ധി​ച്ച​വ​ർ ച​രി​ത്ര പാ​ര​മ്പ​ര്യ​മു​ള്ള ഈ ​തോ​ടി​ന് ശ​വ​ക്കു​ഴി തോ​ണ്ടു​ക​യാ​യി​രു​ന്നു. ഒ​രു ചെ​റു​വ​ള്ള​ത്തി​ന് പോ​ലും തോ​ട്ടി​ലൂ​ടെ ക​ട​ന്നു​പോ​കാ​നാ​വാ​തെ റെ​യി​ൽ​വേ പാ​ത താ​ഴ്ത്തി നി​ർ​മാ​ണം ന​ട​ത്തി​യ​ത് ഈ ​തോ​ടി​ന്‍റെ പു​ന​രു​ദ്ധാ​ര​ണ​ത്തെ​പ്പ​റ്റി ചി​ന്തി​ക്കാ​ൻ പോ​ലു​മാ​വാ​ത്ത സ്ഥി​തി​യി​ലാ​ക്കി.

അ​മ്പ​ല​പ്പു​ഴ കേ​ന്ദ്ര​മാ​യി​രു​ന്ന ചെ​മ്പ​ക​ശേ​രി രാ​ജാ​ക്ക​ൻ​മാ​ർ ച​മ്പ​ക്കു​ളം, നെ​ടു​മു​ടി തു​ട​ങ്ങി​യ പ്ര​ദേ​ശ​ങ്ങ​ളി​ലെ ത​ങ്ങ​ളു​ടെ കാ​ര്യ​വി​ചാ​രി​പ്പ് കേ​ന്ദ്ര​ങ്ങ​ളി​ലേ​ക്ക് പ​ല നൂ​റ്റാ​ണ്ടു​ക​ൾ ജ​ല​വാ​ഹ​ന​ങ്ങ​ളി​ൽ യാ​ത്ര ചെ​യ്ത​ത് ഈ ​തോ​ടു​വ​ഴി​യാ​യി​രു​ന്നു. ച​രി​ത്ര പ്ര​സി​ദ്ധ​മാ​യ ച​മ്പ​ക്കു​ളം മൂ​ലം വ​ള്ളം​ക​ളി ദി​ന​ത്തി​ൽ അ​മ്പ​ല​പ്പു​ഴ രാ​ജാ​വും സം​ഘ​വും ച​മ്പ​ക്കു​ള​ത്തേ​ക്ക് യാ​ത്ര ചെ​യ്തി​രു​ന്ന​തും ഈ ​തോ​ട്ടി​ലൂ​ടെ​യാ​ണ്.   

റോ​ഡു​ക​ളു​ടെ വ​ര​വോ​ടെ തോ​ടു​ക​ൾ പൂ​ർ​ണ​മാ​യും ഉ​പേ​ക്ഷി​ക്ക​പ്പെ​ട്ട​തി​ന്‍റെ ബാ​ക്കി​പ​ത്ര​മാ​ണ് അ​മ്പ​ല​പ്പു​ഴ തോ​ട്. റെ​യി​ൽ​വേ പാ​ത​യു​ടെ നി​ർ​മാ​ണ​ത്തി​ന് ശേ​ഷം നി​ര​വ​ധി ചെ​റി​യ പാ​ല​ങ്ങ​ൾ കൂ​ടി ഈ ​തോ​ടി​ന് കു​റു​കെ നി​ർ​മി​ച്ച​തോ​ടെ തോ​ട് മു​ഴു​വ​ൻ പാ​യ​ൽ നി​റ​ഞ്ഞു. വ​ശ​ങ്ങ​ളി​ലെ റോ​ഡി​ന് വീ​തി കൂ​ട്ടി​യ​തോ​ടെ തോ​ടിന്‍റെ വീ​തി കു​റ​ഞ്ഞു. ഒ​രേ സ​മ​യം ഇ​രു​വ​ശ​ത്തേ​ക്കും ജ​ല​ഗ​താ​ഗ​ത വ​കു​പ്പി​ന്‍റെ വ​ലി​യ ബോ​ട്ടു​ക​ൾ ക​ട​ന്നു​പോ​യി​രു​ന്ന തോ​ടി​ന് പ​ല ഇ​ട​ങ്ങ​ളി​ലും ഇ​പ്പോ​ൾ അ​ഞ്ച് മീ​റ്റ​റി​ൽ താ​ഴെ​യാ​ണ് വീ​തി. തോ​ട്ടി​ലെ വെ​ള്ളം മ​ലി​ന​മാ​ക്ക​പ്പെ​ട്ടി​രി​ക്കു​ന്ന​തി​നാ​ൽ പ്രാ​ഥ​മി​ക ആ​വ​ശ്യ​ങ്ങ​ൾ​ക്ക് പോ​ലും ഉ​പ​യോ​ഗി​ക്കാ​ൻ ആ​വാ​ത്ത അ​വ​സ്ഥ​യി​ലു​മാ​ണ്.

തോ​ട്ടി​ലൂ​ടെ ഗ​താ​ഗ​ത​മി​ല്ലെ​ന്നു മാ​ത്ര​മ​ല്ല തോ​ട്ടി​ൽ പോ​ള​യും പാ​യ​ലും നി​റ​ഞ്ഞ് വെ​ള്ളം പൂ​ർ​ണ​മാ​യും മ​ലി​ന​മാ​ക്ക​പ്പെ​ട്ടി​രി​ക്കു​ന്നു. ഈ ​തോ​ട് ഇ​ന്ന് വി​ഷ പാ​മ്പു​ക​ളു​ടെ​യും മ​റ്റ് വി​ഷ​ജ​ന്തു​ക്ക​ളു​ടെ​യും കേ​ന്ദ്രാ​യി മാ​റി​യി​രി​ക്കു​ന്നു.  രാ​ത്രി​കാ​ല​ങ്ങ​ളി​ൽ തോ​ടി​ന് വ​ശ​ങ്ങ​ളി​ലൂ​ടെ​യു​ള്ള യാ​ത്ര ഇ​ഴ ജ​ന്തു​ക്ക​ളെ​യും വി​ഷപ്പാ​മ്പു​ക​ളേ​യും ഭ​യ​പ്പെ​ട്ട് ന​ട​ത്തേേ​ണ്ട അ​വ​സ്ഥ​യി​ലാ​ണ് നാ​ട്ടു​കാ​ർ.

\ജ​ല​ഗ​താ​ഗ​തം ഉ​ണ്ടാ​യി​രു​ന്ന അ​വ​സ​ര​ത്തി​ൽ ബോ​ട്ട് ജെ​ട്ടി​യാ​യി ഉ​പ​യോ​ഗി​ച്ചി​രു​ന്ന സ്ഥ​ലം ഇ​ന്ന് തി​രി​ച്ച​റി​യാ​നാ​വാ​ത്ത​വി​ധം കാ​ട് മൂ​ടിക്കി​ട​ക്കു​ന്നു.കു​ഞ്ച​ൻ ന​മ്പ്യാ​ർ സ്മാ​ര​കം  അ​മ്പ​ല​പ്പു​ഴ​യി​ലെ ബോ​ട്ടു ജെ​ട്ടി​യോ​ട് ചേ​ർ​ന്നാ​ണ് സ്ഥി​തി ചെ​യ്യു​ന്ന​ത്.

ച​രി​ത്ര പ്ര​സി​ദ്ധ​മാ​യ അ​മ്പ​ല​പ്പു​ഴ ക്ഷേ​ത്ര​ത്തി​ന് സ​മീ​പ​മു​ള്ള ഈ ​തോ​ടും
ബോ​ട്ട് ജെ​ട്ടി​യും പു​ന​രു​ദ്ധ​രി​ക്കു​ക​യും ഭ​ക്ത​ജ​ന​ങ്ങ​ൾ​ക്കും വി​നോ​ദ സ​ഞ്ചാ​രി​ക​ൾ​ക്കും ഒ​രു​പോ​ലെ ഉ​പ​കാ​ര​പ്ര​ദ​മാ​ക​ത്ത​ക്ക ത​ര​ത്തി​ൽ  പ​ദ്ധ​തി​ക​ൾ വി​ഭാ​വ​നം ചെ​യ്ത് ന​ട​പ്പി​ലാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : NattuVishesham DistrictNews