7

കൊ​റ്റം​കു​ളം: പെ​രി​ഞ്ഞ​ന​ത്ത് ചാ​യ​ക്ക​ട​യി​ൽ അ​തി​ക്ര​മി​ച്ചു​ക​യ​റി വാ​ൾ​കാ​ട്ടി വ​ധ​ഭീ​ഷ​ണി മു​ഴ​ക്കു​ക​യും ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും​ചെ​യ്ത കേ​സി​ലെ പ്ര​തി​ക​ളെ അ​റ​സ്റ്റ് ചെ​യ്തു.

പെ​രി​ങ്ങോ​ട്ടു​ക​ര സ്വ​ദേ​ശി വ​ട​ക്കേ​ക്കു​ന്ന​ത്ത് വീ​ട്ടി​ൽ അ​രു​ൺ(18), ഇ​യാ​ളു​ടെ കൂ​ട്ടാ​ളി​യാ​യ, പ്രാ​യ​പൂ​ർ​ത്തി​യാ​കാ​ത്ത​യാ​ളെ​യു​മാ​ണ് ക​യ്പ​മം​ഗ​ലം പോ​ലീ​സ് പി​ടി​കൂ​ടി​യ​ത്. ക​ഴി​ഞ്ഞ​ദി​വ​സം രാ​വി​ലെ പ​ത്തു​മ​ണി​യോ​ടെ പെ​രി​ഞ്ഞ​നം സെ​ന്‍റ​റി​ന്‍റെ വ​ട​ക്കു​ഭാ​ഗ​ത്ത് 'ക​ട്ട​ൻ​സ്' എ​ന്ന ടീ ​ഷോ​പ്പി​ലാ​യി​രു​ന്നു സം​ഭ​വം. ക​ട​യി​ൽ​വ​ച്ച് പ്ര​തി​ക​ൾ സി​ഗ​ര​റ്റ് വ​ലി​ക്കു​ക​യും ഒ​ന്നാം പ്ര​തി ഫോ​ണി​ലൂ​ടെ ഉ​ച്ച​ത്തി​ൽ അ​സ​ഭ്യം പ​റ​യു​ക​യും ചെ​യ്തി​രു​ന്നു. ഇ​തേ​ത്തു​ട​ർ​ന്ന് ക​ട​യു​ട​മ വി​ന​യ​കു​മാ​ർ ഇ​വ​രോ​ട് ക​ട​യ്ക്ക് പു​റ​ത്തു​പോ​കാ​ൻ ആ​വ​ശ്യ​പ്പെ​ട്ടു.

ഇ​തി​ന്‍റെ വൈ​രാ​ഗ്യ​ത്താ​ൽ പ്ര​തി വാ​ളു​മാ​യി ക​ട​യ്ക്കു​ള്ളി​ലേ​ക്ക് അ​തി​ക്ര​മി​ച്ചു​ക​യ​റി വി​ന​യ​കു​മാ​റി​നു​നേ​രെ വ​ധ​ഭീ​ഷ​ണി മു​ഴ​ക്കു​ക​യാ​യി​രു​ന്നു. അ​രു​ൺ വ​ല​പ്പാ​ട്, അ​ന്തി​ക്കാ​ട്, ക​യ്പ​മം​ഗ​ലം പോ​ലീ​സ് സ്റ്റേ​ഷ​ൻ പ​രി​ധി​ക​ളി​ലാ​യി മൂ​ന്ന് ക്രി​മി​ന​ൽ​ക്കേ​സു​ക​ളി​ൽ പ്ര​തി​യാ​ണെ​ന്ന് പോ​ലീ​സ് പ​റ​ഞ്ഞു. പ്രാ​യ​പൂ​ർ​ത്തി​യാ​കാ​ത്ത​യാ​ളെ ജു​വ​നൈ​ൽ ജ​സ്റ്റി​സ് ബോ​ർ​ഡി​ന് മു​മ്പാ​കെ ഹാ​ജ​രാ​ക്കും.

ക​യ്പ​മം​ഗ​ലം സ്റ്റേ​ഷ​ൻ എ​സ്എ​ച്ച്ഒ ബി​ജി​ത്ത്, ഗ്രേ​ഡ് എ​സ്ഐ ര​മേ​ഷ്, ഗ്രേ​ഡ്എ സീ​നി​യ​ർ സി​പി​ഒ​മാ​രാ​യ ജോ​സ​ഫ്, സു​നി​ൽ​കു​മാ​ർ, സി​നോ​ജ്, ര​ജ​നീ​ഷ്, പ്ര​ജി​ത്ത് എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

Tags : Arrest Nattuvishesham District News