10

നെ​യ്യാ​ർ​ഡാം: സ​ഹോ​ദ​രി​യെ സ്കൂ​ളി​ൽനിന്നു വി​ളി​ക്കാൻപോ​യ യു​വാ​വി​നെ​ ബൈ​ക്കി​ലെ​ത്തി​യ ര​ണ്ടം​ഗ സം​ഘം ക​ത്തി കാ​ട്ടി ഭീ​ഷ​ണി​പ്പെ​ടു​ത്തി. ക​ഴി​ഞ്ഞ ദി​വ​സം വൈ​കുന്നേരം നാലരയോടെ നെ​യ്യാ​ർ​ഡാം പാ​ല​ത്തി​നു സ​മീ​പ​മാ​ണ് സം​ഭ​വം.​

നെ​യ്യാ​ർ സ്കൂ​ളി​ൽ പ​ഠി​ക്കു​ന്ന പെ​ൺ​കു​ട്ടി​യെ വി​ളി​ക്കാ​ൻ പോ​യ സ​ഹോ​ദ​ര​ന്‍റെ ബൈ​ക്ക് പാ​ല​ത്തി​നു സ​മീ​പം​വ​ച്ച് ര​ണ്ടു​പേ​ർ ത​ട​യു​ക​യാ​യി​രു​ന്നു. സം​ഘ​ത്തി​ലൊ​രാ​ൾ യു​വാ​വി​ന്‍റെ വ​യ​റ്റി​ൽ ക​ത്തി​വ​ച്ച് ഭീ​ഷ​ണി​പ്പെ​ടു​ത്തു​ക​യും ചെ​യ്തു. ഇ​തു​ക​ണ്ട് സ്കൂ​ളി​ൽ​നി​ന്നു വ​രി​ക​യാ​യി​രു​ന്ന സ​ഹോ​ദ​രി ഓ​ടി അ​ടു​ത്തെ​ത്തി. ഇ​തേ​സ​മ​യം സം​ഘ​ത്തി​ലെ മ​റ്റൊ​രാ​ൾ പെ​ൺ​കു​ട്ടി​യു​ടെ ക​ഴു​ത്തി​ലും ക​ത്തി​വ​ച്ചു ഭീ​ഷ​ണി​പ്പെ​ടു​ത്തി.

പ്ര​തി​ക​ളി​ലൊ​രാ​ളാ​യ ഇ​മാം ത​ങ്ങ​ൾ എ​ന്നു വി​ളി​ക്കു​ന്ന കൊ​ണ്ണി​യൂ​ർ സ്വ​ദേ​ശി നെ​യ്യാ​ർ സ്കൂ​ളി​ലെ പൂ​ർ​വ വി​ദ്യാ​ർ​ഥി​യാ​ണ്. ഇ​യാ​ൾ പെ​ൺ​കു​ട്ടി​യെ പി​ന്തു​ട​ർ​ന്നു ശ​ല്യം ചെ​യ്തി​രു​ന്ന​താ​യും പെ​ൺ​കു​ട്ടി അ​തു നി​ര​സി​ച്ച​തോ​ടെ സ​ഹോ​ദ​ര​നെ​യും പി​താ​വി​നെ​യും ഫോ​ണി​ൽ ഭീ​ഷ​ണി മു​ഴ​ക്കി​യ​താ​യും ഇ​വ​ർ പോ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു. നാ​ട്ടു​കാ​ർ ഓ​ടി​ക്കൂ​ടി​യ​തോ​ടെ പ്ര​തി​ക​ൾ ഓ​ടി ര​ക്ഷ​പ്പെ​ട്ടു.

തു​ട​ർ​ന്നു ര​ക്ഷി​താ​ക്ക​ളെ​ത്തി നെ​യ്യാ​ർ​ഡാം പോ​ലീ​സ് സ്റ്റേ​ഷ​നി​ലും ചൈ​ൽ​ഡ് ലൈ​നി​ലും പ​രാ​തി ന​ൽ​കി. സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചു.

Tags : Local News Nattuvishesham Thiruvananthapuram