31

മു​ണ്ട​ക്ക​യം ഈ​സ്റ്റ്‌: വാ​ഹ​നാ കാ​ൽ​ന​ട യാ​ത്ര​ക്കാ​ർ​ക്ക് അ​പ​ക​ട ഭീ​ഷ​ണി ഉ​യ​ർ​ത്തി ദേ​ശീ​യ പാ​ത​യി​ൽ ക​ന്നു​കാ​ലി​ക്കൂ​ട്ടം. മു​ണ്ട​ക്ക​യം 35-ാം മൈ​ൽ മു​ത​ൽ കൊ​ടികു​ത്തി വ​രെ​യു​ള്ള ഭാ​ഗ​ത്താ​ണ് റോ​ഡ് ക​ന്നു​കാലി​ക്കൂ​ട്ടം കൈ​യട​ക്കു​ന്ന​ത്.

രാ​ത്രി​യും പ​ക​ലും പ​തി​വാ​യി ക​ന്നു​കാ​ലി​ക​ൾ കൂ​ട്ട​മാ​യി റോ​ഡി​ലേ​യ്ക്ക് ഇ​റ​ങ്ങി നി​ൽ​ക്കു​ന്ന​താ​ണ് അ​പ​ക​ട​ഭീ​ഷ​ണി ഉ​യ​ർ​ത്തു​ന്ന​ത്. പ​ക​ലെ​ന്നോ രാ​ത്രി​യെ​ന്നോ വ്യ​ത്യാ​സ​മി​ല്ലാ​തെ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഈ ​പാ​ത​യി​ലൂ​ടെ ക​ട​ന്നു​പോ​കു​ന്ന​ത്.

ക​ന്നു​കാ​ലി​ക​ൾ റോ​ഡി​ൽ കി​ട​ക്കു​ന്ന​തതു മൂ​ലം പ​ല​പ്പോ​ഴും റോ​ഡി​ൽ വ​ലി​യ ഗ​താ​ഗ​ത ത​ട​സ​വും ഉ​ണ്ടാ​കാ​റു​ണ്ട്. മൂ​ട​ൽ​മ​ഞ്ഞും മ​ഴ​യു​മു​ള്ള സ​മ​യ​ങ്ങ​ളി​ലാ​ണ് ക​ന്നു​കാ​ലി​ക​ൾ ചൂ​ടി​നാ​യി റോ​ഡി​ലേ​ക്ക് ഇ​റ​ങ്ങിക്കിട​ക്കു​ന്ന​ത്. രാ​ത്രി സ​മ​യ​ങ്ങ​ളി​ൽ ഇ​തു​വ​ഴി വ​രു​ന്ന വാ​ഹ​ന യാ​ത്ര​ക്കാ​ർ തൊ​ട്ട​ടു​ത്തെത്തു​മ്പോ​ൾ മാ​ത്ര​മാ​ണ് ക​ന്നു​കാ​ലി​ക​ൾ കി​ട​ക്കു​ന്ന​ത് ശ്ര​ദ്ധ​യി​ൽ​പ്പെ​ടു​ന്ന​ത്. ഇ​വയെ ഇ​ടി​ക്കാ​തി​രി​ക്കാ​ൻ വാ​ഹ​ന​ങ്ങ​ൾ വെ​ട്ടി​ച്ചു മാ​റ്റു​ന്ന​ത് പ​ല​പ്പോ​ഴും അ​പ​ക​ട​ങ്ങ​ൾ​ക്ക് ഇ​ട​യാ​ക്കു​ന്നു​ണ്ട്.

കൂ​ടാ​തെ രാ​ത്രി​കാ​ല​ങ്ങ​ളി​ൽ ഇ​രു​ച​ക്ര വാ​ഹ​ന​ങ്ങ​ൾ​ക്ക് മു​ന്നി​ല​ട​ക്കം ക​ന്നു​കാ​ലി​ക​ൾ റോ​ഡി​നു​കു​റു​കെ ചാ​ടു​ന്ന​തും അ​പ​ക​ട​ങ്ങ​ൾ​ക്ക് വ​ഴി​വ​യ്ക്കു​ക​യാ​ണ്. എ​സ്റ്റേ​റ്റി​ലെ തൊ​ഴി​ലാ​ളി​ക​ളും സ​മീ​പ​ത്തെ വീ​ട്ടു​കാ​രും വ​ള​ർ​ത്തു​ന്ന ക​ന്നു​കാ​ലി​ക​ളാ​ണ് ഇ​ത്ത​ര​ത്തി​ൽ ഗ​താ​ഗ​ത ത​ട​സ​മു​ണ്ടാ​കും വി​ധം റോ​ഡ് കീ​ഴ​ട​ക്കി ന​ട​ക്കു​ന്ന​ത്. നി​ര​വ​ധി പ​രാ​തി​ക​ൾ ഉ​യ​ർ​ന്ന​തി​നെ തു​ട​ർ​ന്ന് പൊ​തു​നി​ര​ത്തി​ൽ അ​ഴി​ച്ചു​വി​ടു​ന്ന ക​ന്നു​കാ​ലി​ക​ളെ ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് വി​വി​ധ പ​ഞ്ചാ​യ​ത്തു​ക​ൾ​ക്ക് ദേ​ശീ​യ​പാ​ത അ​ഥോ​റി​റ്റി നി​ർ​ദേ​ശം ന​ൽ​കി​യെ​ങ്കി​ലും ന​ട​പ്പാ​ക്കാ​ൻ പ​ല പ​ഞ്ചാ​യ​ത്തു​ക​ളും മ​ടി​ക്കു​ക​യാ​ണ്. പൊ​തു​നി​ര​ത്തി​ൽ അ​ഴി​ച്ചു​വി​ടു​ന്ന ക​ന്നു​കാ​ലി​ക​ളെ പ​ഞ്ചാ​യ​ത്തു​ക​ളു​ടെ നേ​തൃ​ത്വ​ത്തി​ൽ പി​ടി​ച്ചു കെ​ട്ടി ഉ​ട​മ​സ്ഥ​ർ എ​ത്തി​യ​തി​നു​ശേ​ഷം മ​തി​യാ​യ ന​ഷ്‌​ട​പ​രി​ഹാരത്തു​ക ഈ​ടാ​ക്കി വി​ട്ടു ന​ൽ​കി​യാ​ൽ പ്ര​ശ്ന​ത്തി​ന് ശാ​ശ്വ​ത പ​രി​ഹാ​ര​മാ​കും.

അ​പ​ക​ട​ങ്ങ​ൾ​ക്ക് വ​ഴി​വ​യ്ക്കാ​തെ വി​ഷ​യ​ത്തി​ൽ ബ​ന്ധ​പ്പെ​ട്ട അ​ധി​കാ​രി​ക​ൾ ഇ​ട​പെ​ട്ട് ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ​യും വാ​ഹ​ന യാ​ത്ര​ക്കാ​രു​ടെ​യും ആ​വ​ശ്യം.

Tags : NattuVishesham DistrictNews