6

ഉ​ള്ളൂ​ർ : തി​രു​വ​ന​ന്ത​പു​രം മെ​ഡി​ക്ക​ല്‍​കോ​ള​ജ് ആ​ശു​പ​ത്രി​യി​ലെ സീ​ലിം​ഗ് ഇ​ള​കി വീ​ണു. രോ​ഗി​ക​ള്‍ കി​ട​ക്കു​ന്ന ഭാ​ഗ​ത്തു​നി​ന്ന് അ​ല്‍​പ്പം മാ​റി​യാ​യ​തി​നാ​ല്‍ വ​ന്‍ അ​ത്യാ​ഹി​തം ഒ​ഴി​വാ​യി.

ഞാ​യ​റാ​ഴ്ച ഉ​ച്ച​യ്ക്ക് ഒ​രു​മ​ണി​യോ​ടു​കൂ​ടി​യായിരുന്നു സം​ഭ​വം. ആ​ശു​പ​ത്രി​യി​ല്‍ രോ​ഗി​ക​ളെ പ്ര​വേ​ശി​പ്പി​ച്ചി​രി​ക്കു​ന്ന ഇരു പതാം വാ​ര്‍​ഡി​ലാ​ണ് സം​ഭ​വ​മു​ണ്ടാ​യ​ത്. സീ​ലിം​ഗി​ന്‍റെ ഭാ​ഗം കു​റ​ച്ചു​മാ​സ​ങ്ങ​ള്‍​ക്കുമു​മ്പ് താ​ഴേ​ക്കും വീ​ണി​രു​ന്നു. ഈ ​ഭാ​ഗ​ത്തു​ണ്ടാ​യാ​യ ദ്വാ​രം അ​ട​യ്ക്കു​ന്ന​തി​ന്‍റെ ഭാ​ഗ​മാ​യി സി​മ​ന്‍റ് തേ​ച്ചു സു​ര​ക്ഷി​ത​മാ​ക്കി​യി​രു​ന്നു. ഇ​താ​ണ് വീ​ണ്ടും ഇ​ള​കി താ​ഴേ​ക്കു പ​തി​ച്ച​ത്.

ഉ​ച്ച​സ​മ​യ​ത്തു രോ​ഗി​ക​ളും കൂ​ട്ടി​രി​പ്പു​കാ​രും ഭ​ക്ഷ​ണം ക​ഴി​ക്കു​ന്ന തി​ര​ക്കി​ലാ​യി​രു​ന്നു. വാ​ര്‍​ഡു​ക​ളി​ലു​ണ്ടാ​യി​രു​ന്ന ഫാ​നു​ക​ള്‍ പ്ര​വ​ര്‍​ത്തി​ച്ച​പ്പോ​ള്‍ അ​തി​നന്‍റെ ഇ​ള​ക്കം​മൂ​ലം ബ​ലം​കു​റ​ഞ്ഞ തേ​പ്പ് ഇ​ള​കി നി​ല​ത്തേ​ക്കു വീ​ണ​താ​ണെ​ന്നു രോ​ഗി​ക​ള്‍ പ​റ​ഞ്ഞു.

സീ​ലിം​ഗ് വീ​ണ​തോ​ടെ രോ​ഗി​ക​ള്‍ ഭ​യ​പ്പെ​ട്ട് പു​റ​ത്തേ​ക്കോ​ടി​യെ​ങ്കി​ലും മ​റ്റു​ള്ള പ്ര​ശ്‌​ന​ങ്ങ​ളൊ​ന്നും ഉ​ണ്ടാ​യി​ല്ല. വി​വ​ര​മ​റി​ഞ്ഞ് ആ​ശു​പ​ത്രി അ​ധി​കൃ​ത​ര്‍ സ്ഥ​ല​ത്തെ​ത്തി 20-ാം വാ​ര്‍​ഡി​ന​ടു​ത്തു​ള്ള സീ​ലിം​ഗ് പ​രി​ശോ​ധി​ച്ചു. എ​ത്ര​യും വേ​ഗം ഈ ​ഭാ​ഗ​ത്ത് അ​റ്റ​കു​റ്റ​പ്പ​ണി ന​ട​ത്താ​നും സു​ര​ക്ഷി​ത​മാ​ക്കാ​നും അ​ധി​കൃ​ത​ര്‍ നി​ര്‍​ദേ​ശം ന​ല്‍​കി​യി​ട്ടു​ണ്ട്.

അ​തേ​സ​മ​യം ആ​ശു​പ​ത്രി​ക്കെ​ട്ടി​ട​ത്തി​ന് ബ​ല​ക്ഷ​യ​മു​ണ്ടെ​ന്നും അ​റ്റ​കു​റ്റ​പ്പ​ണി കാ​ര്യ​ക്ഷ​മ​മാ​യി ന​ട​ക്കു​ന്നി​ല്ലെ​ന്നും രാ​ത്രി​സ​മ​യ​ത്താ​ണ് സം​ഭ​വം ന​ട​ന്നി​രു​ന്ന​തെ​ങ്കി​ല്‍ ത​ങ്ങ​ളു​ടെ ദേ​ഹ​ത്തേ​ക്ക് സി​മന്‍റ് പാ​ളി ഇ​ള​കി​വീ​ഴു​മാ​യി​രു​ന്നു​വെ​ന്നും രോ​ഗി​ക​ള്‍ പ​റ​ഞ്ഞു.

Tags : Local News Nattuvishesham Thiruvananthapuram