ജീവനക്കാരി ഓഫീസിൽ ഇരുന്ന ഭാഗത്ത് സ്ലാബ് തകർന്നു വീണ നിലയിൽ.
പേരാമ്പ്ര: 58 വർഷത്തോളം പഴക്കമുള്ള കൂത്താളി പഞ്ചായത്ത് ഓഫീസിന്റെ സ്ലാബ് അടർന്നു വീണ് ജീവനക്കാരിക്ക് പരിക്ക്. ഓഫീസ് ജീവനക്കാരി ശ്വേതക്കാണ് പരിക്കേറ്റത്.
രാവിലെ ഓഫീസിലെത്തി കമ്പ്യൂട്ടറിൽ വർക്ക് ചെയ്യുമ്പോൾ അപ്രതീക്ഷിതമായി സ്ലാബ് പൊട്ടി വീഴുകയായിരുന്നു.
പഞ്ചായത്ത് പ്രസിഡന്റ് തണ്ടോറ ഉമ്മർ ഉൾപ്പെടെയുള്ള ജനപ്രതിനിധികൾ സ്ഥലത്തുള്ള സമയത്താണ് അപകടം നടന്നത്. ഉടൻ തന്നെ പരിക്കേറ്റ ഉദ്യോഗസ്ഥയെ സ്വകാര്യ ആശുപത്രിയിൽ പ്രവേശിപ്പിച്ചു.
ഓഫീസ് പുതുക്കി പണിയാൻ ഫണ്ട് അനുവദിക്കാൻ എംഎൽഎ മുഖേനെ സർക്കാരിൽ അപേക്ഷ നൽകിയിരിക്കുകയാണെന്നും പഴക്കം ചെന്ന ബിൽഡിംഗ് ഭീഷണിയായി നിൽക്കുമ്പോൾ സർക്കാരിന്റെ അടിയന്തര സഹായം ലഭ്യമാക്കി തരണമെന്നും പഞ്ചായത്ത് പ്രസിഡന്റ് ഉമ്മർ തണ്ടോറ അധികൃതരോട് ആവശ്യപ്പെട്ടു.
Tags : Local News Nattuvishesham Kozhikode