ആളൂര് സഹകരണ ബാങ്കിലേക്ക് കോണ്ഗ്രസ് പ്രവര്ത്തകര് നടത്തിയ മാര്ച്ച്
ആളൂര്: സര്വീസ് സഹകരണ ബാങ്കില് സ്വര്ണ പണയ വായ്പ തട്ടിപ്പ് നടന്നതായാരോപിച്ച് ആളൂര് മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് ആളൂരിലെ ബാങ്ക് ഹെഡ് ഓഫീസിലേക്ക് മാര്ച്ചും ധര്ണയും സംഘടിപ്പിച്ചു.
തട്ടിപ്പു നടത്തിയതായി ആരോപിക്കപ്പെടുന്ന ബാങ്ക് ജീവനക്കാരനെ പുറത്താക്കി സമഗ്ര അന്വേഷണം നടത്തണമെന്നും പോലീസ് കേസെടുത്ത് അന്വേഷിക്കണമെന്നും ആവശ്യപ്പെട്ടാണ് മാര്ച്ച് നടത്തിയത്. മാള ബ്ലോക്ക് പഞ്ചായത്ത് വൈസ് പ്രസിഡന്റ് ബൈജു എടത്താടന് മാര്ച്ച് ഉദ്ഘാടനം ചെയ്തു. മണ്ഡലം പ്രസിഡന്റ് ബാബു തോമസ് അധ്യക്ഷത വഹിച്ചു. ആളൂര് പഞ്ചായത്ത് പ്രസിഡന്റ് റോസിലി ഫ്രാന്സിസ്, വൈസ് പ്രസിഡന്റ് പി.സി. ഷണ്മുഖന്, കെ.കെ. പോളി, സുബിന് കെ .സെബാസ്റ്റ്യന്, അഡ്വ. പോളി അമ്പൂക്കന് തുടങ്ങിയവര് പ്രസംഗിച്ചു