കേരള ലൈവ് സ്റ്റോക്ക് ഇന്സ്പെക്ടേഴ്സ് യൂണിയന് ജില്ലാ സമ്മേളനം ജോയിന്റ് കൗണ്സില് സംസ്ഥാന ചെയര്മാന് എസ്. സജീവ് ഉദ്ഘാടനം ചെയ്യുന്നു.
തൊടുപുഴ: കേരള ലൈവ് സ്റ്റോക്ക് ഇന്സ്പെക്ടര് യൂണിയന് ജില്ല സമ്മേളനം ജോയിന്റ് കൗണ്സില് ചെയര്മാന് എസ്.സജീവ് ഉദ്ഘാടനം ചെയ്തു. ജില്ലാ പ്രസിഡന്റ് സി.ജി.അജീഷ അധ്യക്ഷത വഹിച്ചു ജോയിന്റ് കൗണ്സില് സംസ്ഥാന സെക്രട്ടറി ഡി.ബിനില്, കെ.വി. സാജന്, ആര്.ബിജുമോന്, കെ.എസ്. രാഗേഷ്, വി.എം. ഷൗക്കത്തലി, എം.കെ.റഷീദ്, ഷൈന് സെബാസ്റ്റ്യന് എന്നിവര് പ്രസംഗിച്ചു.
ക്ഷീരവികസന മേഖലയില് നടപ്പാക്കിവരുന്ന പശുദാന് പോര്ട്ടലിലെ അപാകതകള് പരിഹരിക്കണമെന്നും ജില്ലയെ അതിദുര്ഘട മലയോര മേഖലയായി അംഗീകരിച്ച് ആവശ്യമായ ക്രമീകരണങ്ങള് ഏര്പ്പെടുത്തണമെന്നും സമ്മേളനം ആവശ്യപ്പെട്ടു.
ഭാരവാഹികളായി ബിനു സി.ദാസ് -പ്രസിഡന്റ്, സി.ജി.അജീഷ -സെക്രട്ടറി, സുമേഷ് വാസു -ട്രഷറര്, വി.ബി.അനൂബ്, എം. കൃഷ്ണപ്രിയ, കെ.എം. കുര്യാക്കോസ്-വൈസ് പ്രസിഡന്റുമാര്, ഷിബിന് ബാബു, കെ.വി. ശ്രീകാന്ത്, എം.എം.ഷീബ - ജോയിന്റ് സെക്രട്ടറിമാര് എന്നിവരെയും വനിതാകമ്മിറ്റി പ്രസിഡന്റായി വി.എസ്.സന്ധ്യ, സെക്രട്ടറിയായി എം.കൃഷ്ണപ്രിയ എന്നിവരെയും തെരഞ്ഞെടുത്തു.