പാലക്കാട്: ചന്ദ്രനഗർ ഭാരത്മാതാ സിഎംഐ പബ്ലിക് സ്കൂൾ വിവിധ പരിപാടികളോടെ ലോക പരിസ്ഥിതിദിനം ആചരിച്ചു. ഓയിസ്ക ഇന്റർനാഷണൽ ഡയറക്ടർമാർ വിദ്യാർഥികൾക്കു വൃക്ഷത്തൈകൾ വിതരണം ചെയ്യുകയും നമ്മുടെ മാതൃപ്രകൃതിയെ സംരക്ഷിക്കുന്നതിനുള്ള പ്രതിജ്ഞ ചൊല്ലിക്കൊടുക്കുകയും ചെയ്തു.
2026-ലെ ലോക പരിസ്ഥിതിദിന പ്രമേയം ആസ്പദമാക്കി വിദ്യാർഥികൾ പോസ്റ്റർ പ്രദർശനവും സംഘടിപ്പിച്ചു. സ്കൂൾ പ്രിൻസിപ്പൽ ഫാ. ഫ്രാൻസിസ് സേവ്യർ, ഓയിസ്ക ഇന്റർനാഷണൽ ഡയറക്ടർമാർ, സ്കൂൾ വൈസ് ക്യാപ്റ്റൻ വി.പി. ആവണി, ശശ്വത ശ്യാം, സർവേഷ് എന്നിവർ ഉൾപ്പെടെ സ്കൂളിലെ പീസ് ആൻഡ് ഹാർമണി അംബാസിഡർമാർ സ്കൂൾ പരിസരത്ത് വൃക്ഷത്തൈകൾ നട്ടുപിടിപ്പിക്കുന്ന പരിപാടിയിൽ പങ്കെടുത്തു.
തുടർന്ന് കില ഫാക്കൽറ്റിയായ നാരായണകുട്ടി വിദ്യാർഥികൾക്കായി പരിസ്ഥിതി സംരക്ഷണത്തെക്കുറിച്ചുബോധവത്കരണ ക്ലാസെടുത്തു.
Tags : Nattuvishesham Local News Environment Day