24

ചെ​റു​തോ​ണി: പ​ശ്ചി​മ​ഘ​ട്ട പ​രി​സ്ഥി​തി​മേ​ഖ​ല പ്ര​ഖ്യാ​പ​നം സം​ബ​ന്ധി​ച്ചു​ള്ള ക​ര​ട് വി​ജ്ഞാ​പ​ന​നി​ർ​ദേ​ശ​ങ്ങ​ൾ മ​ല​യോ​ര​ത്തി​നു മ​ര​ണ​മ​ണി​യാ​യി തീ​ർ​ന്നി​രി​ക്കു​ക​യാ​ണെ​ന്ന് ക​ത്തോ​ലി​ക്ക കോ​ൺ​ഗ്ര​സ് ഇ​ടു​ക്കി രൂ​പ​ത പ്ര​സി​ഡ​ന്‍റ് ജോ​ർ​ജ് കോ​യി​ക്ക​ൽ. ഏ​ഴാ​മ​ത് ക​ര​ട് വി​ജ്ഞാ​പ​ന ത്തി​നെ​തി​രേ പ​രാ​തി അ​യ​യ്ക്കു​വാ​നു​ള്ള സ​മ​യം മ​ണി​ക്കൂ​റു​ക​ൾ മാ​ത്ര​മാ​ണെ​ന്ന യാ​ഥാ​ർ​ഥ്യം മ​ന​സി​ലാ​ക്കി മു​ഴു​വ​ൻ മ​ല​യോ​ര നി​വാ​സി​ക​ളും ഇ​ന്നു​ത​ന്നെ പ​രാ​തി അ​യ​ക്ക​ണ​മെ​ന്ന് അ​ദ്ദേ​ഹം ആ​വ​ശ്യ​പ്പെ​ട്ടു.

മ​ല​യോ​ര ജ​ന​ത​യു​ടെ നി​ല​നി​ൽ​പ്പി​നു നേ​രേ രൂ​പ​പ്പെ​ട്ടി​രി​ക്കു​ന്ന ഈ ​ദു​ര​ന്ത​ത്തെ നേ​രി​ടു​വാ​ൻ ക​ക്ഷി രാ​ഷ്‌​ട്രീ​യ​ത്തി​ന​തീ​ത​മാ​യി മു​ഴു​വ​നാ​ളു​ക​ളും മു​ഴു​വ​ൻ രാ​ഷ്‌​ട്രീ​യ പാ​ർ​ട്ടി​ക​ളും ക​ർ​ഷ​ക​പ്ര​സ്ഥാ​ന​ങ്ങ​ളും ഒ​ന്നി​ച്ച് അ​ണി​നി​ര​ക്ക​ണം. നി​ർ​ദി​ഷ്ട ഇ​എ​സ്എ മേ​ഖ​ല​യി​ലെ ജ​ന​ങ്ങ​ളു​ടെ ആ​ശ​ങ്ക​ക​ളും പ്ര​തി​ഷേ​ധ​ങ്ങ​ളും ക​ണ​ക്കി​ലെ​ടു​ത്ത് സം​സ്ഥാ​ന സ​ർ​ക്കാ​ർ യു​ദ്ധ​കാ​ലാ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്ക​ണം. റ​വ​ന്യു ഭൂ​മി വ​ന​ഭൂ​മി​യാ​യി രേ​ഖ​പ്പെ​ടു​ത്തി​യി​രി​ക്കു​ന്ന​ത് എ​തി​ർ​ക്ക​പ്പെ​ടേ​ണ്ട​താ​ണ്.

റ​വ​ന്യൂ ഭൂ​മി വ​ന​ഭൂ​മി​യാ​യി രേ​ഖ​പ്പെ​ടു​ത്തി​യ​തും കേ​ര​ള​ത്തി​ലെ ആ​കെ വ​ന വി​സ്തൃ​തി ഇ​എ​സ്എ ബാ​ധി​ത​മാ​യ 131 വി​ല്ലേ​ജു​ക​ളി​ൽ ഉ​ൾ​പ്പെ​ടു​ത്ത​പ്പെ​ട്ട​തും ഏ​റ്റ​വും വ​ലി​യ തെ​റ്റാ​ണ്. സി​എ​ച്ച്ആ​ർ മേ​ഖ​ല വ​ന​മാ​ണെ​ന്ന അ​വ​കാ​ശ​വാ​ദം ഉ​ന്ന​യി​ക്കു​ന്ന വ​നം വ​കു​പ്പി​ന്‍റെ നി​ല​പാ​ട് തി​രു​ത്താ​ത്തി​ട​ത്തോ​ളം കാ​ലം അ​ത് ക​ർ​ഷ​ക​രെ വ​ള​രെ ദോ​ഷ​ക​ര​മാ​യി ബാ​ധി​ക്കും.

വ​ന​വി​സ്തൃ​തി സം​ബ​ന്ധി​ച്ച തെ​റ്റാ​യ ക​ണ​ക്കു​ക​ളും സി​എ​ച്ച്ആ​ർ മേ​ഖ​ല വ​ന​മാ​ണെ​ന്ന നി​ല​പാ​ടും തി​രു​ത്തി​യാ​ൽ മാ​ത്ര​മേ ഇ​എ​സ്എ​യു​ടെ ആ​ഘാ​ത​ത്തി​ൽ​നി​ന്നു മ​ല​യോ​ര​ത്തെ ജ​ന​ങ്ങ​ളെ​യും അ​വ​രു​ടെ കൃ​ഷി​യി​ട​ങ്ങ​ളെ​യും സം​ര​ക്ഷി​ക്കു​വാ​ൻ ക​ഴി​യു​ക​യു​ള്ളു. ഭാ​വി​യി​ൽ വ​ലി​യ പ്ര​ത്യാ​ഘാ​ത​ങ്ങ​ൾ​ക്ക് ഇ​ട​വ​രു​ത്തി​യേ​ക്കാ​വു​ന്ന ഈ ​വി​ജ്ഞാ​പ​ന​ത്തി​നെ​തി​രേ അ​ഭി​പ്രാ​യ​ങ്ങ​ളും പ​രാ​തി​ക​ളും അ​യ​ക്കാ​നു​ള്ള ഉ​ത്ത​ര​വാ​ദി​ത്വം ഏ​റ്റെ​ടു​ത്ത് എ​ല്ലാ​വ​രും പ​രാ​തി​ക​ൾ അ​യ​ക്ക​ണ​മെ​ന്നും ക​ത്തോ​ലി​ക്ക കോ​ൺ​ഗ്ര​സ് ആ​വ​ശ്യ​പ്പെ​ട്ടു.

Tags : Nattuvishesham DistrictNews DeepikaNews Catholic Congress