24

കോവളത്ത് രഹസ്യ യോഗം ചേർന്നു

കോ​വ​ളം: മ​ധു​ര കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന വ​ൻ പ​ണം​ത​ട്ടി​പ്പ് മാ​ഫി​യ സം​ഘം തി​രു​വ​ന​ന്ത​പു​രം ജി​ല്ല​യി​ൽ സ​ജീ​വ​മാ​കു​ന്നു. മോ​ഹ​ന വാ​ഗ്ദാ​ന​ങ്ങ​ളി​ൽ മ​യ​ങ്ങി നി​ര​വ​ധിപേ​ർ ല​ക്ഷ​ങ്ങ​ൾ സം​ഘ​ങ്ങ​ൾ​ക്ക് ന​ൽ​കി കാ​ത്തി​രി​ക്കു​ന്ന​താ​യും പ​റ​യ​പ്പെ​ടു​ന്നു.​

ചെ​റി​യ തു​ക​ക​ൾ മു​ൻ​കൂ​റാ​യി കൈ​പ്പ​റ്റി​യശേ​ഷം ല​ക്ഷ​ക്ക​ണ​ക്കി​നു രൂ​പ തി​രി​കെ ന​ൽ​കാ​മെ​ന്ന് ഉ​റ​പ്പുന​ൽ​കി നി​ഷ്ക​ള​ങ്ക​രാ​യ ജ​ന​ങ്ങ​ളെ വ​ഞ്ചി​ക്കു​ന്ന ത​ട്ടി​പ്പ് സം​ഘ​ങ്ങ​ളാ​ണ് ജി​ല്ല​യി​ൽ വീ​ണ്ടും സ​ജീ​വ​മാ​കു​ന്ന​ത്.​

ആ​ക​ർ​ഷ​ക​മാ​യ സ്കീ​മു​ക​ളു​ടെ​യും ല​ളി​ത​മാ​യ നി​ക്ഷേ​പ മാ​ർഗ​ങ്ങ​ളു​ടെ​യും പേ​രിലാണു സം​ഘം ആ​ളു​ക​ളെ വ​ല​യി​ലാ​ക്കു​ന്ന​ത്. 20,000 രൂ​പ ന​ൽ​കി​യാ​ൽ ആ​ഴ്ച​ക​ൾ​ക്കു​ള്ളി​ൽ ല​ക്ഷ​ങ്ങ​ൾ തി​രി​കെ ല​ഭി​ക്കു​മെ​ന്നും ല​ക്ഷ​ങ്ങ​ൾ ന​ൽ​കു​ന്ന​വ​ർ​ക്ക് കോ​ടി​ക​ൾ വാ​ഗ്ദാ​നം ചെ​യ്തു മാണു സം​ഘം ആ​ളു​ക​ളെ ത​ട്ടി​പ്പി​നി​ര​യാ​ക്കു​ന്ന​ത്.

"അ​ബ്ദു​ൾ ക​ലാം പ്രോ​ജ​ക്ട്', "ഇ​റി​ഡി​യം പ്രോ​ജ​ക്ട്' എ​ന്നീ വ്യാ​ജ പേ​രു​ക​ളി​ലാ​ണ് ഇ​വ​ർ ത​ട്ടി​പ്പ് ന​ട​ത്തു​ന്ന​ത്. ബാ​ങ്ക് അ​ക്കൗ​ണ്ടു​ക​ൾ വ​ഴി​യും നേ​രി​ട്ടും ഏ​ജ​ന്‍റുമാ​ർ മു​ഖേ​ന​യും ഇ​വ​ർ പ​ണം കൈ​പ്പ​റ്റു​ന്നു​ണ്ട്. പ​ണം നി​ക്ഷേ​പി​ച്ച​വ​ർ തു​ക തി​രി​കെ ചോ​ദി​ക്കു​മ്പോ​ൾ വി​ചി​ത്ര​മാ​യ കാ​ര​ണ​ങ്ങ​ൾ പ​റ​ഞ്ഞ് ഒ​ഴി​ഞ്ഞു​മാ​റു​ന്ന​താ​ണ് സം​ഘ​ത്തി​ന്‍റെ രീ​തി.​ ആ​ളു​ക​ളെ വ​ല​യി​ലാ​ക്കാ​ൻ പ്ര​ത്യേ​ക ഏ​ജ​ന്‍റുമാ​രും ജി​ല്ല​യി​ലു​ട​നീ​ളം പ്ര​വ​ർ​ത്തി​ക്കു​ന്നു​ണ്ട്.

ര​ണ്ടു ദി​വ​സം മു​ൻ​പ് കോ​വ​ള​ത്തെ പ്ര​മു​ഖ സ്വ​കാ​ര്യ ഹോ​ട്ട​ലി​ൽ സംഘം ര​ഹ​സ്യ​യോ​ഗം സം​ഘ​ടി​പ്പിച്ചതായും അറിയു ന്നു. രാ​വി​ലെ​യും ഉ​ച്ച​യ്ക്കു​മാ​യി ന​ട​ന്ന യോ​ഗ​ങ്ങ​ളി​ൽ എ​ഴു​പ​തോ​ളം പേ​ർ പ​ങ്കെ​ടു​ത്ത​താ​യാ​ണ് പു​റ​ത്തു​വ​ന്ന വി​വ​രം.​ റി​സ​ർ​വ് ബാ​ങ്ക് ഒ​രു കോ​ടി രൂ​പ അ​നു​വ​ദി​ച്ച് ഉ​ത്ത​ര​വാ​യി​ട്ടു​ണ്ടെ​ന്നും ഇ​തു കൈ​പ്പ​റ്റാ​നു​ള്ള അ​ന്തി​മ ക​രാ​റി​ൽ ഒ​പ്പി​ട​ണ​മെ​ന്നും വി​ശ്വ​സി​പ്പി​ച്ചാ​യി​രു​ന്നു സം​ഘം കോ​വ​ള​ത്ത് ര​ഹ​സ്യ​യോ​ഗം വി​ളി​ച്ച് ചേ​ർ​ന്ന​തെ​ന്നും പ​റ​യ​പ്പെ​ടു​ന്നു. ത​ട്ടി​പ്പ് സം​ഘ​ത്തി​ൽ​പ്പെ​ട്ട പ​ത്തോ​ളം പേ​ർ നേ​രി​ട്ടെ​ത്തി​യാ​ണ് യോ​ഗ​ത്തി​ന് നേ​തൃ​ത്വം ന​ൽ​കി​യ​ത്.​

ഒ​രു ചെ​റി​യ തു​ക നി​ക്ഷേ​പി​ച്ചാ​ൽ ഏ​താ​നും ദി​വ​സ​ങ്ങ​ൾ​ക്കോ മാ​സ​ങ്ങ​ൾ​ക്കോ ഉ​ള്ളി​ൽ വ​ൻ​തു​ക തി​രി​കെ ല​ഭി​ക്കു​മെ​ന്ന വ്യാ​ജ വാ​ഗ്ദാ​ന​മാ​ണ് ഇ​വ​ർ ന​ൽ​കു​ന്ന​ത്. ആ​രം​ഭ​ത്തി​ൽ ചി​ല​ർ​ക്ക് വി​ശ്വാ​സ്യ​ത വ​രു​ത്താ​ൻ ചെ​റി​യ ലാ​ഭ​വി​ഹി​തം ന​ൽ​കു​മെ​ങ്കി​ലും കൂ​ടു​ത​ൽ ആ​ളു​ക​ളി​ൽനി​ന്ന് വ​ൻ തു​ക​ക​ൾ പി​രി​ച്ചെ​ടു​ത്തശേ​ഷം മു​ങ്ങു​ക​യാ​ണ് പ​തി​വ്. വ്യ​ക്തി​പ​ര​മാ​യ ബ​ന്ധ​ങ്ങ​ൾ ഉ​പ​യോ​ഗ​പ്പെ​ടു​ത്തി​യു​മാ​ണ് ഇ​വ​രു​ടെ പ്ര​വ​ർ​ത്ത​നം. സാ​ധാ​ര​ണ​ക്കാ​രാ​ണ് ഇ​ത്ത​ര​ക്കാ​രു​ടെ പ്ര​ധാ​ന ഇ​ര​ക​ൾ.

Tags : Nattuvishesham DistrictNews DeepikaNews financial fraud