ചേർത്തല: നൈപുണ്യ സ്കൂൾ ഓഫ് മാനേജ്മെന്റ് ഡിഗ്രി, പിജി പൂർത്തിയാക്കിയ 258 വിദ്യാർഥികളുടെ ബിരുദദാന ചടങ്ങ് കോൺവൊക്കേഷൻ 2026 നടത്തി. ആർച്ച്ബിഷപ് മാർ ജോസഫ് പാംപ്ലാനി മുഖ്യാതിഥി ആയിരുന്നു. പുതുതായി നിർമിച്ച ബോധി ലൈബ്രറിയുടെ വെഞ്ചരിപ്പും ഉദ്ഘാടനവും ആർച്ച്ബിഷപ് നിർവഹിച്ചു.
2003ൽ സ്ഥാപിതമായ ചേർത്തല നൈപുണ്യ കോളജിൽ കേരള സർവകലാശാലയുടെ 12 ഡിഗ്രി, പിജി കോഴ്സുകൾ നടന്നുവരുന്നു. നാക്ക് എ ഗ്രേഡ്, എഐസിടിഇ അംഗീകാരം, ഐഎസ്ഒ സർട്ടിഫിക്കേഷൻ എന്നിവയുള്ള നൈപുണ്യ, 2025ൽ മികച്ച ഹോട്ടൽ മാനേജ്മെന്റ് സ്ഥാപനത്തിനുള്ള ക്യാമൽ ഇന്റർനാഷണൽ അവാർഡ് നേടിയിരുന്നു. ഈ വർഷം ഹോട്ടൽ മാനേജ്മെന്റ് ഡിഗ്രി പരീക്ഷയിൽ യൂണിവേഴ്സിറ്റി ആദ്യ മൂന്നു റാങ്കുകളും നൈപുണ്യ കോളജ് സ്വന്തമാക്കി.
അതിരൂപത വികാരി ജനറാൾ മോൺ. ആന്റോ ചേരാംതുരുത്തി അധ്യക്ഷനായി. നൈപുണ്യ സ്ഥാപക ഡയറക്ടർ ഫാ. സെബാസ്റ്റ്യൻ കളപ്പുരയ്ക്കൽ, ചേർത്തല ഫോറോന വികാരി ഫാ. ജോഷി വേഴപറമ്പിൽ, നൈപുണ്യ ഡയറക്ടർ ഫാ. ബെന്നി ജോൺ മാരാംപറമ്പിൽ, കോളജ് ഡീൻ ഡോ. അജയ് കൃഷ്ണൻ എന്നിവർ പ്രസംഗിച്ചു.
ഫാ. അൻസിൽ മൈപ്പാൻ, ഫാ. ജിനു ചെത്തിമറ്റം, പ്രഫ. വിനോദ് ചന്ദ്രൻ, ഡോ. ജുനൈദ്, കലാ അനിൽകുമാർ, ഷേമ പ്രകാശ്, ജിന്നേറ്റ മാത്യു, ഐവീൻ ഇട്ടി തോമസ്, ജി. വിഷ്ണു എന്നിവർ പരിപാടികൾക്ക് നേതൃത്വം നൽകി.
Tags : skills college Nattuvishesham District news