9

വ​ട​ക്ക​ഞ്ചേ​രി: മ​ഴ ശ​ക്തി​പ്പെ​ടും​മു​മ്പേ വ​ട​ക്ക​ഞ്ചേ​രി- വാ​ണി​യം​പാ​റ ആ​റു​വ​രി ദേ​ശീ​യ​പാ​ത​യി​ൽ മ​ണ്ണി​ടി​ച്ചി​ലും ക​ല്ലു​വീ​ഴ്ച​യും തു​ട​ങ്ങി.

ഇ​ന്ന​ലെ പ​ന്ത​ലാം​പാ​ട​ത്തി​ന​ടു​ത്ത് ചെ​മ്മ​ണ്ണാം​കു​ന്നി​ൽ പ​തി​ന​ഞ്ച​ടി ഉ​യ​ര​ത്തി​ൽ​നി​ന്നും വ​ലി​യ​തോ​തി​ലു​ള്ള മ​ണ്ണി​ടി​ച്ചി​ലും വ​ലി​യ പാ​റ​ക്ക​ല്ല് റോ​ഡി​ലേ​ക്കു വീ​ഴു​ന്ന സ്ഥി​തി​യു​മു​ണ്ടാ​യി. വാ​ഹ​ന​ങ്ങ​ൾ വേ​ഗ​ത കു​റ​ഞ്ഞു​പോ​കു​ന്ന ഇ​ട​തു​ഭാ​ഗ​ത്തെ മൂ​ന്നാ​മ​ത്തെ ട്രാ​ക്കി​ലേ​ക്കാ​ണ് ക​ല്ലും​മ​ണ്ണും വീ​ണ​ത്. ഈ ​സ​മ​യം വാ​ഹ​ന​ങ്ങ​ൾ ഇ​ല്ലാ​തി​രു​ന്ന​ത് വ​ലി​യ ദു​ര​ന്തം ഒ​ഴി​വാ​ക്കി. തൃ​ശൂ​ർ ലൈ​നി​ലാ​ണ് മ​ണ്ണി​ടി​ച്ചി​ലു​ണ്ടാ​യ​ത്.

കൂ​ടു​ത​ൽ ആ​ളു​ക​ൾ കൂ​ടും​മു​മ്പേ ക​രാ​ർ​ക​മ്പ​നി ജെ​സി​ബി ഉ​പ​യോ​ഗി​ച്ച് മ​ണ്ണും​ക​ല്ലും​മാ​റ്റി അ​ശാ​സ്ത്രീ​യ​മാ​യ പാ​ത​നി​ർ​മാ​ണം മൂ​ല​മു​ണ്ടാ​യ പി​ഴ​വു​ക​ൾ വീ​ണ്ടും മ​റ​ച്ചു​വ​ച്ചു.

മ​ഴ ശ​ക്തി​പ്പെ​ട്ടാ​ൽ ഇ​വി​ടെ വ​ലി​യ​തോ​തി​ൽ ഇ​നി​യും മ​ണ്ണി​ടി​ച്ചി​ലും അ​പ​ക​ട​സാ​ധ്യ​ത​യു​മു​ണ്ടെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. സ​ർ​വീ​സ് റോ​ഡ് ഇ​ല്ലാ​ത്ത ഭാ​ഗ​മാ​ണി​ത്. ഇ​തി​നാ​ൽ വ​ലി​യ ക​ല്ലു വീ​ഴു​ന്ന​തു വാ​ഹ​ന​ങ്ങ​ൾ പാ​ഞ്ഞു​പോ​കു​ന്ന ദേ​ശീ​യ​പാ​ത​യി​ലേ​ക്കാ​കും. പാ​ല​ക്കാ​ട് ലൈ​നി​ൽ പ​ന്നി​യ​ങ്ക​ര സ്കൂ​ളി​നു സ​മീ​പ​വും മ​ണ്ണി​ടി​ച്ചി​ൽ ഭീ​ഷ​ണി​യു​ള്ള സ്ഥ​ല​മാ​ണ്. കു​ന്നി​ടി​ക്ക​ൽ ന​ട​ക്കു​ന്ന തേ​നി​ടു​ക്കാ​ണ് മ​റ്റൊ​രു അ​പ​ക​ട മേ​ഖ​ല. ഇ​വി​ടെ പാ​ല​ക്കാ​ട് ലൈ​നി​ലും തൃ​ശൂ​ർ ലൈ​നി​ലും അ​പ​ക​ട​മു​ണ്ടാ​കാ​നു​ള്ള സാ​ധ്യ​ത ഏ​റെ​യാ​ണ്.

ഇ​വി​ടെ തൃ​ശൂ​ർ​ലൈ​നും അ​പ​ക​ട​മു​ന​മ്പാ​ണ്. 25 അ​ടി​യോ​ളം ഉ​യ​ര​ത്തി​ലാ​ണ് ഇ​വി​ടെ പാ​റ​ക്കൂ​ട്ട​ങ്ങ​ൾ മു​ക​ളി​ൽ നി​ൽ​ക്കു​ന്ന​ത്. ഇ​തി​നു താ​ഴെ ഷെ​ഡു​ക​ൾ കെ​ട്ടി പ​ല ക​ച്ച​വ​ട​ങ്ങ​ളും ന​ട​ക്കു​ന്നു​ണ്ട്. ഇ​വി​ടെ വാ​ഹ​ന പാ​ർ​ക്കിം​ഗു​മു​ണ്ട്.

Tags : Nattuvishesham Local News Huge rocks