5

അ​റി​വ് ഇ​ന്ന് വി​ര​ൽ​ത്തു​മ്പി​ലാ​ണ്. ക്ലാ​സ് മു​റി​ക​ളി​ൽ​നി​ന്നു ചോ​ക്കും ഡ​സ്റ്റ​റും മാ​ഞ്ഞു. പ​ക​രം സ്മാ​ർ​ട്ട്റൂ​മു​ക​ളാ​യി. ഓ​ൺ​ലൈ​നും എ​ഐ​യും ചേ​ർ​ന്ന് വി​ദ്യാ​ഭ്യാ​സ​ത്തെ അ​ടി​മു​ടി സാ​ങ്കേ​തി​ക​മാ​ക്കി.
അ​പ്പോ​ഴും എ​പ്പോ​ഴും അ​ധ്യാ​പ​ക​ർ​ക്ക് പ​ക​ര​ക്കാ​രി​ല്ല. ഒ​രു ട​ച്ചി​ൽ ച​രി​ത്രം തെ​ളി​യും. ച​രി​ത്ര​ബോ​ധം വ​രി​ല്ല. മ​റ്റൊ​രു ട​ച്ചി​ൽ ശാ​സ്ത്രം ക​നി​യും. ശാ​സ്ത്ര​ബോ​ധം തെ​ളി​യി​ല്ല. എ​ഐ ഈ​ര​ടി​ക​ൾ ത​രും. ക​വി​ത വി​ട​ർ​ത്തി​ല്ല. സ​മൂ​ഹ​മാ​ധ്യ​മ​ങ്ങ​ൾ മൂ​ല്യ​ങ്ങ​ളെ കു​ഴ​ച്ചു​മ​റി​ച്ചു​ത​രും. മാ​ന​വി​ക​ത​യെ​ന്ന ബോ​ധ്യം മ​റ​ഞ്ഞു​നി​ൽ​ക്കും. സാ​ങ്കേ​തി​ക​വി​ദ്യ അ​റി​വു​കൊ​ണ്ട് മൂ​ടു​ക​യേ ഉ​ള്ളൂ.
എ​ന്നാ​ൽ സ്നേ​ഹം​കൊ​ണ്ടു മൂ​ടാ​ൻ അ​ധ്യാ​പ​ക​ർ​ത​ന്നെ വേ​ണം. അ​ധ്യാ​പ​ക​രു​ടെ ആ​ർ​ജ​വ​ത്തി​ന്‍റെ മാ​ന്ത്രി​ക​സ്പ​ർ​ശ​മേ പ​ഠി​താ​ക്ക​ളി​ൽ മൂ​ല്യ​ബോ​ധ​മു​ണ​ർ​ത്തൂ. കു​ട്ടി​ക​ളു​മാ​യു​ള്ള ജൈ​വ​ബ​ന്ധ​ത്തി​ലൂ​ടെ അ​ർ​ഥ​വ​ത്താ​യ പു​തു​ത​ല​മു​റ​യെ സൃ​ഷ്‌​ടി​ക്കു​ക​യെ​ന്ന നി​ശ​ബ്‌​ദ​വി​പ്ല​വം ന​യി​ക്കു​ന്ന അ​ധ്യാ​പ​ക​ർ​ക്ക് അ​ധ്യാ​പ​ക​ദി​ന​ത്തി​ന്‍റെ ആ​ശം​സ​ക​ൾ, അ​ഭി​വാ​ദ്യ​ങ്ങ​ൾ...!

Teacher-student
relationship - then and now
In the past there was what is called as Gurukula system. The student lived with the Guru. The Guru was like a father to him, be it punishment or affection; there was only love.But today, with the advent of Google, knowledge is just a click away, making the teacher obsolete. Thus children have started feeling that they don't need teacher s.Teachers are busy completing syllabus and students are busy chasing marks. Neither has the time to communicate with each other.Students disrespect teachers and teachers misinterpret students. This lack of trust on both sides has become an insurmountable gap which we cannot deny.But there is light at the end of the tunnel, even though the relationship between teachers and students has changed, there are still teachers and students who share a loving relationship.
Likewise, I have also seen students who wait for even a word, a touch of affection from their teachers and seniors who despite having left studies still come running to embrace their teacher.That is real education, true education.Teachers should look beyond the textbook into the heart of the child and be a friend to the child.

Sr. Angel das DM
Pattom St. Marys hss School

കു​ട്ടി​ക​ൾ സ്ക്രീ​നു​ക​ളെ
ശ​ത്രു​വാ​യി കാ​ണേ​ണ്ട
സ്ക്രീ​നു​ക​ളെ ശ​ത്രു​വാ​യി കാ​ണാ​തെ ഡി​ജി​റ്റ​ൽ ലോ​ക​ത്തു​നി​ന്ന് ഗു​ണ​നി​ല​വാ​ര​മു​ള്ള അ​റി​വു​ക​ൾ എ​ങ്ങ​നെ തെ​ര​ഞ്ഞെ​ടു​ക്കാ​മെ​ന്നു കു​ട്ടി​ക​ളെ പ​ഠി​പ്പി​ക്കു​ക​യാ​ണ് അ​ധ്യാ​പ​ക​രു​ടെ പു​തി​യ ദൗ​ത്യം. കു​ട്ടി​ക​ളോ​ട് ന​ന്നാ​യി പ​ഠി​ക്ക​ണമെ​ന്നു പ​റ​യു​ന്ന​തി​നൊ​പ്പം ന​ന്നാ​യി ജീ​വി​ക്ക​ണം എ​ന്നു കൂ​ടി പ​ഠി​പ്പി​ക്കേ​ണ്ട കാ​ല​ഘ​ട്ട​മാ​ണി​ത്. ആ​ർ​ട്ടി​ഫി​ഷ​ൽ ഇ​ന്‍റ​ലി​ജ​ൻ​സും പു​തി​യ സാ​ങ്കേ​തി​ക​വി​ദ്യ​ക​ളും കു​ട്ടി​ക​ളു​ടെ സ​ർ​ഗാ​ത്മ​ക​ത​യെ ന​ശി​പ്പി​ക്കു​ന്നി​ല്ല. ശ​രി​യാ​യ രീ​തി​യി​ൽ ഉ​പ​യോ​ഗി​ക്കു​ക​യാ​ണെ​ങ്കി​ൽ അ​വ​രു​ടെ ഭാ​വ​ന​യെ ചി​റ​കു​വി​ട​ർ​ത്താ​ൻ സ​ഹാ​യി​ക്കു​ന്ന മി​ക​ച്ച ഉ​പ​ക​ര​ണ​ങ്ങ​ളാ​യി​രി​ക്കും അ​വ.
അ​തു​കൊ​ണ്ടു​ത​ന്നെ, പ​ര​മ്പ​രാ​ഗ​ത ലൈ​ബ്ര​റി​ക​ളി​ൽ​നി​ന്നു ല​ഭി​ക്കു​ന്ന​തി​നെ​ക്കാ​ൾ വേ​ഗ​ത്തി​ൽ ഡി​ജി​റ്റ​ൽ മാ​ധ്യ​മ​ങ്ങ​ളി​ലൂ​ടെ കു​ട്ടി​ക​ൾ വി​വ​ര​ങ്ങ​ൾ ഗ്ര​ഹി​ക്കു​ന്നു എ​ന്ന യാ​ഥാ​ർ​ഥ്യം ഉ​ൾ​ക്കൊ​ണ്ടു കൊ​ണ്ട് ബോ​ധ​ന​രീ​തി​ക​ളി​ൽ മാ​റ്റം വ​രു​ത്തേ​ണ്ട​തു​ണ്ട്.
ക്ലാ​സ് മു​റി​ക​ളി​ൽ സ്ക്രീ​നു​ക​ൾ നി​രോ​ധി​ക്കു​ന്ന​തി​ല​ല്ല, മ​റി​ച്ച് സാ​ങ്കേ​തി​ക​വി​ദ്യ​യെ വി​വേ​ക​ത്തോ​ടെ ഉ​പ​യോ​ഗി​ക്കാ​നു​ള്ള ഡി​ജി​റ്റ​ൽ സി​റ്റി​സ​ൺ​ഷി​പ്പ് വ​ള​ർ​ത്തി​യെ​ടു​ക്കു​ന്ന​തി​ലാ​ണ് അ​ധ്യാ​പ​ക​രു​ടെ വി​ജ​യം.​ഡി​ജി​റ്റ​ൽ ലോ​ക​ത്തി​ന്‍റെ സാ​ധ്യ​ത​ക​ളെ​യും യ​ഥാ​ർ​ഥ ജീ​വി​ത​ത്തി​ലെ മാ​നു​ഷി​ക അ​നു​ഭ​വ​ങ്ങ​ളെ​യും സ​മ​ന്വ​യി​പ്പി​ക്കു​ന്ന "മെ​ന്‍റ​ർ​മാ​ർ' ആ​യി​രി​ക്ക​ണം ഇ​ന്ന​ത്തെ അ​ധ്യാ​പ​ക​ർ.
സാ​ഗാ ജ​യിം​സ്
സെ​ന്‍റ് മേ​രീ​സ് ഹ​യ​ർ സെ​ക്ക​ൻഡറി സ്കൂ​ൾ പ​ട്ടം

അ​ധ്യാ​പ​ക​ർ കു​ട്ടി​ക​ളെ ചേ​ർ​ത്തു​പി​ടി​ക്കു​ന്ന​വ​രാ​ക​ണം
ഗു​രു​മു​ഖ​ത്തുനി​ന്നു കേ​ട്ടു​പ​ഠി​ക്ക​ലി​ൽ തു​ട​ങ്ങി​യ ഗു​രു​ശി​ഷ്യ ബ​ന്ധം കാ​ലാ​തീ​ത​മാ​യി നി​ല​നി​ൽ​ക്കേ​ണ്ട​ത് അ​ത്യാ​വ​ശ്യ​മാ​ണെ​ങ്കി​ലും ഇ​ന്ന​ത്തെ അ​ധ്യാ​പ​ക​ർ ത്രി​ശ​ങ്കു​വി​ലെ​ന്നാ​ണ് പൊ​തു​അ​ഭി​പ്രാ​യം. ഊ​ഷ്മ​ള​മാ​യ അ​ധ്യാ​പ​ക വി​ദ്യാ​ർ​ഥി ബ​ന്ധ​ങ്ങ​ൾ നി​ല​നി​ർ​ത്തേ​ണ്ട​തു മാ​തൃ​കാ സ​മൂ​ഹം കെ​ട്ടി​പ്പ​ടു​ക്കാ​ൻ അ​ത്യ​ന്താ​പേ​ക്ഷി​ത​മാ​ണെ​ന്നെ വ​സ്തു​ത കൈ​വി​ട്ടു​പോ​ക​രു​ത്.​ വി​കാ​ര ര​ഹി​ത​മാ​യി​ക്കൊ​ണ്ടി​രി​ക്കു​ന്ന ഇ​ന്ന​ത്തെ പി​ഞ്ചു​മ​ന​സു​ക​ളി​ൽ സ്‌​നേ​ഹം, ആ​ർ​ദ്ര​ത, സ​ഹ​ജീ​വി​സ്‌​നേ​ഹം തു​ട​ങ്ങി​യ മ​നു​ഷ്യ ജീ​വി​ത ബ​ന്ധ​ത്തി​ന്‍റെ ഈ​ടു​വെ​പ്പു​ക​ളു​ടെ വി​ത്തു​ക​ൾ പാ​കു​ന്ന ക​ർ​ഷ​ക​രാ​യി നാം ​മാ​റ​ണം.​ന​മ്മു​ടെ പ​രി​ശ്ര​മം അ​വ​രു​ടെ മ​ന​സി​ൽ മു​പ്പ​തും അ​റു​പ​തും നൂ​റും മേ​നി വി​ള​വ് കൊ​യ്യാ​ൻ ന​മു​ക്ക് സാ​ധി​ക്ക​ണം.​വി​ദ്യാ​ർ​ഥി​ക​ളെ ജെ​ൻ​സി​യെ​ന്നും ആ​ൽ​ഫ യെ​ന്നു​മൊ​ക്കെ വേ​ർ​തി​രി​ക്കു​മ്പോ​ൾ ഇ​ന്ന​ത്തെ കു​ടും​ബ-​സാ​മൂ​ഹി​ക ചു​റ്റു​പാ​ടു​ക​ളെ​യും പ​രി​ഗ​ണി​ക്കേ​ണ്ടി​യി​രി​ക്കു​ന്നു.​കു​റ്റ​പ്പെ​ടു​ത്ത​ലു​ക​ൾ​ക്ക് മു​ൻ​പ് സ​മൂ​ഹ​ത്തി​ലെ അ​ര​ക്ഷി​താ​വ​സ്ഥ​ക​ൾ​ക്ക് അ​വ​രെ വേ​ട്ട​യാ​ടാ​ൻ വി​ട്ടു​കൊ​ടു​ക്കാ​തെ ചേ​ർ​ത്ത് പി​ടി​ക്കേ​ണ്ട​വ​രാ​ണ് നാം ​എ​ന്ന ബോ​ധ്യം ന​മ്മി​ൽ പൂ​ർ​ണ​മാ​യും ഉ​ണ്ടാ​കേ​ണ്ട​താ​ണ്.
ഷൈ​ജു ജോ​സ​ഫ്
എ​ച്ച് എ​സ് റ്റി ​മ​ല​യാ​ളം, സെ​ന്‍റ് മേ​രീ​സ് ഹ​യ​ർ
സെ​ക്ക​ൻ​ഡ​റി സ്കൂ​ൾ, പ​ട്ടം

വി​ദ്യാ​ർ​ഥി​ക​ളെ ഒ​രേ
അ​ള​വു​കോ​ലി​ൽ വി​ല​യി​രു​ത്ത​രു​ത്
ഒ​രു ന​ല്ല അ​ധ്യാ​പ​ക​ന്‍റെ ഏ​റ്റ​വും വ​ലി​യ ക​ഴി​വു​ക​ളി​ലൊ​ന്ന് ഓ​രോ വി​ദ്യാ​ർ​ഥി​യു​ടെ​യും ഉ​ള്ളി​ലു​ള്ള ക​ഴി​വും സാ​ധ്യ​ത​യും തി​രി​ച്ച​റി​യു​ക എ​ന്ന​താ​ണ്. എ​ല്ലാ കു​ട്ടി​ക​ളും ഒ​രു​പോ​ലെ​യ​ല്ല. ഓ​രോ​രു​ത്ത​ർ​ക്കും വ്യ​ത്യ​സ്ത​മാ​യ ക​ഴി​വു​ക​ളും താ​ൽ​പ​ര്യ​ങ്ങ​ളും ചി​ന്താ​ശേ​ഷി​യും സ്വ​പ്ന​ങ്ങ​ളു​മു​ണ്ട്. അ​തി​നാ​ൽ, ഒ​രു അ​ധ്യാ​പ​ക​ൻ വി​ദ്യാ​ർ​ഥി​ക​ളെ ഒ​രേ അ​ള​വു​കോ​ലി​ൽ വി​ല​യി​രു​ത്താ​തെ, അ​വ​രി​ലെ അ​ന്ത​ർ​ലീ​ന​മാ​യ ക​ഴി​വു​ക​ളെ ക​ണ്ടെ​ത്തി പ്രോ​ത്സാ​ഹി​പ്പി​ക്കു​ക​യും വ​ള​ർ​ത്തി​യെ​ടു​ക്കു​ക​യും വേ​ണം.
അ​തോ​ടൊ​പ്പം, വി​ദ്യാ​ർ​ഥി​ക​ൾ​ക്ക് അ​വ​രു​ടെ ആ​ശ​യ​ങ്ങ​ളും അ​ഭി​പ്രാ​യ​ങ്ങ​ളും സ്വ​ത​ന്ത്ര​മാ​യി പ്ര​ക​ടി​പ്പി​ക്കാ​നു​ള്ള അ​വ​സ​രം ന​ൽ​ക​ണം. തെ​റ്റി​പ്പോ​കു​മോ എ​ന്ന ഭ​യ​മി​ല്ലാ​തെ ചി​ന്തി​ക്കാ​നും ചോ​ദി​ക്കാ​നും അ​ഭി​പ്രാ​യ​ങ്ങ​ൾ പ​ങ്കു​വ​യ്ക്കാ​നും ക​ഴി​യു​ന്ന ഒ​രു ക്ലാ​സ് മു​റി​യാ​ണ് യ​ഥാ​ർ​ത്ഥ പ​ഠ​ന​ത്തി​ന്‍റെ വേ​ദി. വി​ദ്യാ​ർ​ഥി​യു​ടെ ഓ​രോ ആ​ശ​യ​വും കേ​ൾ​ക്കു​ക​യും അ​തി​നെ മാ​നി​ക്കു​ക​യും ചെ​യ്യു​മ്പോ​ൾ, അ​വ​രു​ടെ ആ​ത്മ​വി​ശ്വാ​സ​വും സ​ർ​ഗാ​ത്മ​ക​ത​യും വ​ള​രും. ഓ​രോ കു​ട്ടി​യി​ലും ഒ​ളി​ഞ്ഞി​രി​ക്കു​ന്ന ക​ഴി​വി​നെ ക​ണ്ടെ​ത്തു​ക,
ഓ​രോ കു​ട്ടി​ക്കും ചി​ന്തി​ക്കാ​നും സം​സാ​രി​ക്കാ​നും സ്വ​പ്നം കാ​ണാ​നും സ്വാ​ത​ന്ത്ര്യം ന​ൽ​കു​ക, ഓ​രോ കു​ട്ടി​യെ​യും അ​വ​രു​ടെ ക​ഴി​വി​ന്‍റെ ഉ​ന്ന​തി​യി​ലേ​ക്ക് ന​യി​ക്കു​ക - ഇ​താ​ക​ട്ടെ ന​മ്മു​ടെ അ​ധ്യാ​പ​ക ദൗ​ത്യം.
ഫാ.​ ഡോ. ജോ​ണി കെ. ​ലോ​റ​ൻ​സ്
കോ​ർ​പ​റേ​റ്റ് മാ​നേ​ജ​ർ
നെ​യ്യാ​റ്റി​ൻ​ക​ര രൂ​പ​ത, റി​ട്ട. അ​ധ്യാ​പ​ക​ൻ

ഹൃ​ദ്യ​മാ​യ ഒ​രു ബ​ന്ധം നി​ല​നി​ൽ​ക്ക​ണം
ഏ​തു വി​ദ്യാ​ഭ്യാ​സ സ്ഥാ​പ​ന​ത്തി​ലും അ​ധ്യാ​പ​ക​രി​ൽ​നി​ന്നു വി​ദ്യാ​ർ​ഥി​ക​ളി​ലേ​ക്ക് അ​റി​വ് സു​ഗ​മ​മാ​യി പ​ക​ർ​ന്നു​ന​ൽ​കു​ന്ന​തി​നു​ള്ള പ്ര​യോ​ജ​ന​പ്ര​ദ​മാ​യ ഒ​രു മാ​ർ​ഗ​മാ​യി വ​ർ​ത്തി​ക്കാ​ൻ അ​ധ്യാ​പ​ക​രും വി​ദ്യാ​ർ​ഥി​ക​ളും ത​മ്മി​ൽ അ​ടു​ത്ത​തും ഹൃ​ദ്യ​വു​മാ​യ ഒ​രു ബ​ന്ധം നി​ല​നി​ൽ​ക്കേ​ണ്ട​ത് ആ​വ​ശ്യ​മാ​ണ്. വേ​ദ​കാ​ലം മു​ത​ൽ ഇ​ന്നു​വ​രെ​യു​ള്ള ഇ​ന്ത്യ​ൻ ച​രി​ത്ര​ത്തി​ലു​ട​നീ​ളം ഇ​തു ശ‌​രി​യാ​ണ്. വി​ദ്യാ​ർ​ഥി​ക​ളു​മാ​യി സൗ​ഹാ​ർ​ദ്ദ​പ​ര​മാ​യ ഒ​രു ബ​ന്ധം സ്ഥാ​പി​ക്കു​ന്ന​തി​ൽ അ​ധ്യാ​പ​ക​ന്‍റെ വ്യ​ക്തി​ത്വം വ​ള​രെ പ്ര​ധാ​ന​പ്പെ​ട്ട​താ​ണ്.
പ​രി​ത​സ്ഥി​തി​ക​ളു​മാ​യി പൊ​രു​ത്ത​പ്പെ​ട്ടു ത​ങ്ങ​ള​ക​പ്പെ​ട്ടി​രി​ക്കു​ന്ന അ​പ​ക​ടാ​വ​സ്ഥ​യെ​ക്കു​റി​ച്ചു വി​ദ്യാ​ർ​ഥി​ക​ൾ ബോ​ധ​വാ​ന്മാ​ര​ല്ല. സോ​ഷ്യ​ൽ മീ​ഡി​യാ​യോ​ടു​ള്ള അ​മി​ത ആ​സ​ക്തി കാ​ര​ണം കു​ട്ടി​ക​ളി​ൽ ശ്ര​ദ്ധാ​കേ​ന്ദ്രീ​ക​ര​ണ​വും വാ​യ​ന​ശീ​ല​വും കു​റ​യു​ന്ന​തു​മൂ​ലം അ​ധ്യാ​പ​ക​ർ​ക്കു ക്ലാ​സ് നി​യ​ന്ത്ര​ണം ബു​ദ്ധി​മു​ട്ടാ​കു​ന്നു. അ​മി​ത​മാ​യ ഔ​ദ്യോ​ഗി​ക ജോ​ലി ഭാ​ര​മാ​ണ് ഇ​ന്ന് അ​ധ്യാ​പ​ക​ർ നേ​രി​ടു​ന്ന മ​റ്റൊ​രു പ്ര​ധാ​ന പ്ര​തി​സ​ന്ധി. പ​ഠി​പ്പി​ക്കു​ന്ന​തി​നൊ​പ്പം ത​ന്നെ സ​ർ​വേ​ക​ൾ, വി​വി​ധ​സ​ർ​ക്കാ​ർ പ​ദ്ധ​തി​ക​ൾ, ഓ​ൺ​ലൈ​ൻ ഡാ​റ്റാ എ​ൻ​ട്രി തു​ട​ങ്ങി​യ അ​ധ്യാ​പ​നേ​ത​ര ജോ​ലി​ക​ൾ വ​ലി​യ മാ​ന​സി​ക​സ​മ്മ​ർ​ദ​മു​ണ്ടാ​ക്കു​ന്നു. അ​തി​നൊ​ക്കെ ഒ​ര​റു​തി വ​രു​ത്തേ​ണ്ട​ത് ഭ​ര​ണ​കൂ​ട​ത്തി​ന്‍റെ ഉ​ത്ത​ര​വാ​ദി​ത്വ​മാ​ണ്.
ഡോ ​തോ​മ​സ് സ്ക​റി​യ,
പ്രി​ൻ​സി​പ്പ​ൽ, സെ​ന്‍റ് സേ​വ്യേ​ഴ്സ് കോ​ള​ജ്, തു​മ്പ

കു​ട്ടി​ക​ൾ യ​ഥാ​ർ​ഥ ​ലോ​ക​ത്തി​ൽ ജീ​വി​ക്ക​ട്ടെ
ഇ​ന്നു കു​ട്ടി​ക​ളു​ടെ കൈ​യി​ലെ മൊ​ബൈ​ൽ ഒ​രു പ​ഠ​നോ​പ​ക​ര​ണ​വും അ​തേ​സ​മ​യം വ​ലി​യൊ​രു വെ​ല്ലു​വി​ളി​യു​മാ​ണ്. മൊ​ബൈ​ൽ കു​ട്ടി​ക​ളി​ൽ നി​യ​ന്ത്രി​ക്കു​ന്ന അ​വ​സ്ഥ​യ​ല്ല കു​ട്ടി​ക​ൾ​ക്ക് മൊ​ബൈ​ലിനെ ​നി​യ​ന്ത്രി​ക്കാ​ൻ ക​ഴി​യു​ന്ന അ​വ​സ്ഥ​യാ​ണ് ന​മു​ക്ക് സൃ​ഷ്ടി​ക്കേ​ണ്ട​ത്. സ്ക്രീ​നി​ൽ സ​മ​യം കു​റ​യ്ക്കു​ക എ​ന്ന ഉ​പ​ദേ​ശം​മാ​ത്ര​മ​ല്ല, അ​തി​നു പ​ക​രം​അ​ർ​ത്ഥ​വ​ത്താ​യ അ​നു​ഭ​വ​ങ്ങ​ൾ കു​ട്ടി​ക​ൾ​ക്കു ന​ൽ​ക​ണം. ഒ​രു ന​ല്ല സം​ഭാ​ഷ​ണം, ഒ​രു ക​ളി​സ്ഥ​ലം, ഒ​രു പു​സ്ത​കം, ഒ​രു കൂ​ട്ടു​കാ​ര​ൻ ഇ​വ​യെ​ല്ലാം ഒ​രു സ്ക്രീ​നി​നേ​ക്കാ​ൾ വ​ലി​യ ലോ​ക​ങ്ങ​ളാ​ണ്. കു​ട്ടി​യു​ടെ മൊ​ബൈ​ൽ ഉ​പ​യോ​ഗം നി​രീ​ക്ഷി​ക്കു​ന്ന​തി​നേ​ക്കാ​ൾ പ്ര​ധാ​ന​മാ​ണ് മു​തി​ർ​ന്ന​വ​ർ സ്വ​ന്തം മൊ​ബൈ​ൽ ശീ​ല​ങ്ങ​ളി​ൽ മാ​തൃ​ക​യാ​ക​ണം. അ​ധ്യാ​പ​ക​രും ര​ക്ഷി​താ​ക്ക​ളും ചേ​ർ​ന്നു ക​ട്ടി​ക​ൾ​ക്കു ഡി​ജി​റ്റ​ൽ ലോ​ക​ത്തോ​ടൊ​പ്പം യ​ഥാ​ർ​ഥ ലോ​ക​ത്തി​നും ജീ​വി​ക്കാ​ൻ പ​രി​ശീ​ല​നം ന​ൽ​ക​ണം.
​ബി.ആ​ർ. അ​രു​ണ
ഇ​ൻ​ഫ​ന്‍റ് ജീ​സ​സ് സെ​ൻ​ട്ര​ൽ സ്‌​കൂ​ൾ, പോ​ങ്ങും​മൂ​ട്

മൂ​ല്യ​നി​ർ​മി​തി​യു​ടെ ശി​ല്പി
വി​ദ്യാ​ല​യം സ​മൂ​ഹ​ത്തി​ന്‍റെ ക​ണ്ണാ​ടി​യാ​ണെ​ങ്കി​ൽ അ​ധ്യാ​പ​ക​ൻ ആ ​ക​ണ്ണാ​ടി​യെ മി​നു​ക്കു​ന്ന ശി​ല്പി​യാ​ണ്. സ​മൂ​ഹ​ത്തി​ലെ ഇ​ന്നി​നെ വാ​യി​ച്ച് വി​ല​യി​രു​ത്തി നാ​ളെ​യെ രൂ​പ​പ്പെ​ടു​ത്തു​ന്ന അ​ധ്യാ​പ​ക​ൻ ത​ന്‍റെ ഉ​ത്ത​ര​വാ​ദി​ത്വ​ബോ​ധ​ത്തി​ൽ വീ​ഴ്ച വ​രു​ത്താ​ൻ പാ​ടി​ല്ല. അ​ധ്യാ​പ​ക​ന്‍റെ സാ​മൂ​ഹി​ക ഉ​ത്ത​ര​വാ​ദി​ത്വം മ​റ്റു​ള്ള​വ​രെ​ക്കാ​ൾ ഉ​യ​ർ​ന്ന​താ​യ​തി​നാ​ലും അ​ധ്യാ​പ​ക വി​ദ്യാ​ർ​ഥി ബ​ന്ധ​ത്തി​ൽ വി​ശ്വാ​സ​വും സു​ര​ക്ഷ​യും വ​ള​രെ പ്ര​ധാ​ന​മാ​ണെ​ന്ന​തി​നാ​ലും മാ​ധ്യ​മ​ങ്ങ​ൾ ഇ​ത്ത​രം സം​ഭ​വ​ങ്ങ​ളെ കൂ​ടു​ത​ൽ ഗൗ​ര​വ​ത്തോ​ടെ കാ​ണേ​ണ്ട​തു​ണ്ട്.
ആ​ൽ​ഫ കി​ഡ്സും ജെ​ൻ​സി​സും ഇ​ട​ക​ല​ർ​ന്ന വി​ദ്യാ​ർ​ഥി സ​മൂ​ഹ​ത്തി​ൽ അ​ധ്യാ​പ​ക​ൻ നേ​രി​ടു​ന്ന വെ​ല്ലു​വി​ളി​ക​ൾ ധാ​രാ​ള​മു​ണ്ട്.​കാ​ലം മാ​റു​മ്പോ​ൾ അ​ധ്യാ​പ​ക​നും മാ​റ​ണം.​എ​ന്നാ​ൽ അ​ത് സ​മൂ​ഹ​ത്തി​ന്‍റെ ജീ​ർ​ണ​ത​ക​ളെ അ​നു​ക​രി​ച്ചാ​ക​രു​ത്. അ​വ​യെ തി​രു​ത്തു​ന്ന ശ​ക്തി​യാ​യി മാ​റാ​ൻ ക​ഴി​യു​മോ എ​ന്ന ആ​കു​ല​ത​യും ഞാ​നു​ൾ​പ്പെ​ടു​ന്ന അ​ധ്യാ​പ​ക​ർ​ക്ക് ഇ​ല്ലാ​തി​ല്ല. സ​മൂ​ഹ​ത്തി​ലെ ന​ല്ല​തും ജീ​ർ​ണ​ത​ക​ളും വി​ദ്യാ​ല​യ​ത്തി​നു​ള്ളി​ലേ​ക്കും ക​ട​ന്നു​വ​രാം എ​ന്നാ​ൽ ന​ല്ല​തി​നെ ശ​ക്തി​പ്പെ​ടു​ത്തി​യാ​ൽ തെ​റ്റാ​യ പ്ര​വ​ണ​ത​ക​ളെ തി​രി​ച്ച​റി​യാ​നും ചോ​ദ്യം ചെ​യ്യാ​നും വി​ദ്യാ​ർ​ഥി​ക​ൾ​ക്കാ​വും അ​തി​നു​ള്ള മ​ഹാ​യ​ജ്ഞ​ത്തി​ലാ​ണ് ഓ​രോ അ​ധ്യാ​പ​ക​നും.
ബി​ന്ദു​ശ്രീ,
സെ​ന്‍റ് മേ​രീ​സ് ഹ​യ​ർ​സെ​ക്ക​ൻഡ​റി സ്‌​കൂ​ൾ, പ​ട്ടം

ജെൻ​സി കു​ട്ടി​ക​ളോ​ട് വൈ​കാ​രി​ക അ​ടു​പ്പം ഉ​ണ്ടാ​ക്കു​ക
ജെ​ൻ​സി കു​ട്ടി​ക​ളെ പ​ഠി​പ്പി​ക്കു​ക എ​ന്ന​ത് ഒ​രു ച​ല​ഞ്ച് ത​ന്നെ​യാ​ണ്. കാ​ര​ണം ന​മ്മ​ൾ ബ്ലാ​ക്ക്ബോ​ർ​ഡി​ൽ വ​ള​ർ​ന്ന​വ​രാ​ണ്. എ​ന്നാ​ൽ ഇ​പ്പോ​ഴ​ത്തെ കു​ട്ടി​ക​ൾ ട​ച്ച് സ്ക്രീ​നി​ൽ വ​ള​ർ​ന്ന​വ​രാ​ണ്.​ വി​ദ്യാ​ർ​ഥി​ക​ളു​ടെ മു​ന്നി​ൽ ടീ​ച്ച​റാ​ക​രു​ത്, പ​ക​രം ഒ​രു ഇ​ൻ​ഫ്ലുവ​ൻ​സറാ​ക​ണം. ജ​ൻ​സി കു​ട്ടി​ക​ൾ​ക്ക് അ​റ്റ​ൻ​ഷ​ൻ സ്പാ​ൻ കു​റ​വാ​ണ്. ഒ​രു 40 മി​നി​റ്റ് പ്ര​സം​ഗം കേ​ൾ​ക്കി​ല്ല. അ​വ​ർ​ക്ക് 40 സെ​ക്ക​ൻ​ഡ് റീ​ൽ​സാ​ണ് ഇ​ഷ്ടം. അ​തു​കൊ​ണ്ട് ക്ലാ​സി​നെ ഒ​രു യൂ ​ട്യൂ​ബ്‌​ വീ​ഡി​യോ പോ​ലെ ആ​ക്ക​ണം.
ജെൻ​സി കു​ട്ടി​ക​ൾ ഏ​റ്റ​വും കൂ​ടു​ത​ൽ ആ​ഗ്ര​ഹി​ക്കു​ന്ന​ത് ആ​രെ​ങ്കി​ലും ത​ങ്ങ​ളെ കേ​ൾ​ക്ക​ണം എ​ന്നാ​ണ്. ഉ​ത്ക​ണ്ഠ, വി​ഷാ​ദം, ഒ​റ്റ​പ്പെ​ട​ൽ ഇ​തൊ​ക്കെ അ​വ​ർ​ക്കി​ട​യി​ൽ കൂ​ടു​ത​ലാ​ണ്, അ​ഞ്ച്. മി​നി​റ്റ് അ​വ​രു​ടെ വി​ഷ​മ​ങ്ങ​ൾ കേ​ൾ​ക്കാ​ൻ മാ​റ്റി​വെ​ക്കു​ക.​അ​വ​രെ ജ​ഡ്ജ് ചെ​യ്യാ​തി​രി​ക്കു​ക. അ​വ​രു​ടെ സു​ഹൃ​ത്താ​കു​ക. ചു​രു​ക്കി പ​റ​ഞ്ഞാ​ൽ ജെ​ൻസി ​കു​ട്ടി​ക​ളെ പ​ഠി​പ്പി​ക്കാ​ൻ ന​മ്മ​ൾ പ​ഴ​യ ടീ​ച്ച​റു​ടെ കു​പ്പാ​യം അ​ഴി​ച്ചു​വെ​ച്ച്, അ​വ​രി​ൽ ഒ​രാ​ളാ​ക​ണം. ഫോ​ൺ എ​ടു​ത്ത് വെ​ക്ക​ടാ എ​ന്ന് പ​റ​യു​ന്ന കാ​ലം ക​ഴി​ഞ്ഞു. "ഫോ​ൺ എ​ടു​ത്ത് ഇ​ത് സ്കാ​ൻ ചെ​യ്യ്' എന്നു പ​റ​യ​ണം. അ​വ​ർ​ക്ക് ചെ​റി​യ പ്രൊ​ജ​ക്ടു​ക​ൾ, ചെ​റി​യ വി​ജ​യ​ങ്ങ​ൾ കൊ​ടു​ക്കു​ക. ഒ​രു റീ​ൽ ഉ​ണ്ടാ​ക്കാ​ൻ പ​റ​യു​ക, ഒ​രു പോ​സ്റ്റ​ർ ഡി​സൈ​ൻ ചെ​യ്യാ​ൻ പ​റ​യു​ക.
പി. സ​മീ​ർ സി​ദ്ദീ​ഖി, ​ഗ​വ: വി ​എ​ച്ച് എ​സ് സ്കൂ​ൾ, കാ​ഞ്ഞ​ങ്ങാ​ട്
(മി​ക​ച്ച അ​ധ്യാ​പ​ക അ​വാ​ർ​ഡ് ജേ​താ​വ്
കാ​ട്ടാ​ക്ക​ട പേ​ഴും​മൂ​ട് സ്വ​ദേ​ശി)

കാ​ല​ത്തി​ന്‍റെ മാ​റ്റം അ​ധ്യാ​പ​ക​ൻ അ​റി​യ​ണം
സ​മൂ​ഹ​ത്തി​ൽ മാ​ന്യ​മാ​യ ഒ​രു പ​ദ​വി ആ​ണ് അ​ധ്യാ​പ​ക​ൻ എ​ന്ന​ത് അ​ന്നും ഇ​ന്നും കു​ട്ടി​ക​ളെ മ​ന​സോ​ടെ സ്നേ​ഹി​ക്കാ​നും ആ​വ​ശ്യ​ത്തി​ന് മാ​ർ​ഗ നി​ർ​ദേ​ശ​ങ്ങ​ൾ ന​ൽ​കാ​നും അ​വ​രു​ടെ ഉ​യ​ർ​ച്ച കാ​ണാ​നും ന​മു​ക്ക് സാ​ധി​ക്കും. പ​ഠി​പ്പി​ക്കു​ക എ​ന്ന​തി​ൽ പു​സ്ത‌​കം മാ​ത്ര​മ​ല്ല, സ്വ​ഭാ​വ​രൂ​പി​ക​ര​ണം, വ്യ​ക്തി​ബോ​ധം തു​ട​ങ്ങി​യ കാ​ര്യ​ങ്ങ​ൾ വ​രും. വ​ഴി​തെ​റ്റി ല​ഹ​രി​ക്കു പു​റ​കെ പോ​കു​ന്ന ഒ​രു ത​ല​മു​റ ഇ​ന്ന് രൂ​പ​പെ​ടു​ന്നു​ണ്ടോ എ​ന്ന സം​ശ​യം ഇ​ല്ലാ​തി​ല്ല. ഒ​രു അ​ധ്യാ​പ​ക​ന് ഒ​രി​ക്ക​ലും ഒ​റ്റ​യ്ക്ക് ഒ​രു കാ​ര്യ​ത്തി​ലും മു​ന്നേ​റാ​ൻ പ​റ്റി​ല്ല. അ​തി​നു സ​മൂ​ഹ​ത്തി​ന്‍റെ നി​ർ​ലോ​ഭ​മാ​യ പി​ന്തു​ണ കൂ​ടി​യേ തീ​രൂ. രാ​ഷ്ട്ര സ്നേ​ഹം വ​ള​ർ​ത്തി​യെ​ടു​ക്കു​ക എ​ന്ന​ത് അ​നി​വാ​ര്യ​മാ​ണ്. അ​തി​ന്‍റെ അ​ന്ത​സ​ത്ത ഇ​ന്ന് കു​ട്ടി​ക​ളി​ൽ കു​റ​ഞ്ഞു വ​രു​ന്നു​ണ്ടോ എ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു.​കാ​ല​ത്തി​ന്‍റെ മാ​റ്റ​ത്തി​ൽ അ​ധ്യാ​പ​ക​നും അ​ധ്യാ​പ​ന രീ​തി​യും മാ​റേ​ണ്ട​ത് അ​ത്യാ​വ​ശ്യ​മാ​ണ്. പ​ഴ​മ​യു​ടെ ന​ല്ല മൂ​ല്യ​ങ്ങ​ൾ ചോ​രാ​തെ വ​രും ത​ല​മു​റ​യ്ക്കു പു​തി​യ മാ​ർ​ഗം കാ​ട്ടാ​നും അ​വ​രു​ടെ സ്വ​ഭാ​വ രൂ​പി​ക​ര​ണ​ത്തി​നും ന​മ്മ​ൾ ഓ​രോ അ​ധ്യാ​പ​ക​ർ​ക്കും സാ​ധി​ക്ക​ട്ടെ.
കി​ര​ൺ.​ബി.
ഇ​ൻ​ഫ​ന്‍റ് ജീ​സ​സ് സ്കൂ​ൾ, പൊ​ങ്ങും​മൂ​ട്

Tags : Nattuvishesham Districtnews Deepikanews Knowledge