9

തൊ​ടു​പു​ഴ: കോ​ലാ​നി അ​മ​രം​കാ​വ് ദേ​വീ ക്ഷേ​ത്ര​ത്തി​ല്‍ മോ​ഷ​ണം ന​ട​ത്തി​യ കേ​സി​ല്‍ ഒ​രാ​ളെക്കൂ​ടി പൊ​ലി​സ് അ​റ​സ്റ്റ് ചെ​യ്തു. കേ​സി​ലെ പ്ര​ധാ​ന​പ്ര​തി​ക​ളി​ലൊ​രാ​ളാ​യ പ​ശ്ചി​മ​ബം​ഗാ​ള്‍ മൂ​ര്‍​ഷി​ദാ​ബാ​ദ് സ്വ​ദേ​ശി അ​യ്‌​നു​ള്‍ അ​സ​ദു​ള്‍ (27) ആ​ണ് അ​റ​സ്റ്റി​ലാ​യ​ത്. ഇ​തോ​ടെ കേ​സി​ല്‍ പി​ടി​യി​ലാ​യ​വ​രു​ടെ എ​ണ്ണം നാ​ലാ​യി.

പെ​രു​മ്പാ​വൂ​രി​ല്‍ താ​മ​സി​ക്കു​ന്ന അ​സം സ്വ​ദേ​ശി അ​മീ​ര്‍ ഹം​സ (26), ഓ​ണ്‍​ലൈ​ന്‍ ടാ​ക്‌​സി ഡ്രൈ​വ​റാ​യ ക​ണ്ണൂ​ര്‍ ത​ളി​പ്പ​റ​മ്പ് കൂ​ട്ടു​മു​ഖം വ​ലി​യ​വ​ള​പ്പി​ല്‍ ഉ​ബൈ​ദ് (38), മോ​ഷ​ണ സാ​ധ​ന​ങ്ങ​ള്‍ വാ​ങ്ങി​യ എ​റ​ണാ​കു​ളം ത​മ്മ​നം ന​ന്ദാ​ന​ത്തു​പ​റ​മ്പി​ല്‍ റ​സാ​ഖ് (അ​ന​സ് 54) എ​ന്നി​വ​ര്‍ ക​ഴി​ഞ്ഞ ദി​വ​സം പി​ടി​യി​ലാ​യി​രു​ന്നു.

പെ​രു​മ്പാ​വൂ​രി​ല്‍​നി​ന്ന് ഇ​ന്ന​ലെ​യാ​ണ് അ​യ്‌​നു​ള്‍ അ​സ​ദു​ള്‍ പി​ടി​കൂ​ടി​യ​ത്. നേ​ര​ത്തേ കേ​സി​ല്‍ അ​റ​സ്റ്റ് ചെ​യ്യു​ന്ന​തി​നാ​യി അ​ന്വേ​ഷ​ണ​സം​ഘം എ​ത്തി​യ​പ്പോ​ള്‍ ഇ​യാ​ള്‍ ര​ക്ഷ​പ്പെ​ടു​ക​യാ​യി​രു​ന്നു. പെ​രു​മ്പാ​വൂ​രി​ലെ ഒ​ളി​ത്താ​വ​ള​ത്തി​ല്‍ എ​ത്തി​യ​താ​യി ര​ഹ​സ്യ​വി​വ​രം ല​ഭി​ച്ച​തി​നെ​ത്തു​ട​ര്‍​ന്നാ​ണ് പൊ​ലി​സ് ഇ​വി​ടെ​യെ​ത്തി പ്ര​തി​യെ ക​സ്റ്റ​ഡി​യി​ലെ​ടു​ത്ത​ത്. അ​റ​സ്റ്റി​ലാ​യ​വ​രി​ല്‍​നി​ന്നു മോ​ഷ​ണ മു​ത​ല്‍ വാ​ങ്ങി​യ പ​ട്ടാ​മ്പി​സ്വ​ദേ​ശി​യെ ക​ഴി​ഞ്ഞ​ദി​വ​സം പൊ​ലി​സ് ചോ​ദ്യം​ചെ​യ്ത് വി​ട്ട​യ​ച്ചി​രു​ന്നു.

നേ​ര​ത്തേ അ​റ​സ്റ്റി​ലാ​യ ത​മ്മ​നം സ്വ​ദേ​ശി റ​സാ​ഖി​ല്‍​നി​ന്ന് ഇ​യാ​ളാ​ണ് സാ​ധ​ന​ങ്ങ​ള്‍ വാ​ങ്ങി​യി​രു​ന്ന​ത്. സം​ഭ​വ​ത്തി​ല്‍ പ്ര​ഥ​മ​ദൃ​ഷ്‌​ട്യാ കു​റ്റ​ക്കാ​ര​ന​ല്ലെ​ന്നു ക​ണ്ടെ​ത്തി​യ​തി​നെ​ത്തു​ട​ര്‍​ന്നാ​ണ് ന​ട​പ​ടി​യെ​ന്നും ആ​വ​ശ്യ​മെ​ങ്കി​ല്‍ വീ​ണ്ടും ചോ​ദ്യം​ചെ​യ്യു​മെ​ന്നും തൊ​ടു​പു​ഴ സി​ഐ കെ.​പി. മ​നേ​ഷ് പ​റ​ഞ്ഞു. ഓ​ണ്‍​ലൈ​ന്‍ ടാ​ക്‌​സി​യി​ലെ​ത്തി ക്ഷേ​ത്ര​ത്തി​ല്‍​നി​ന്നു ര​ണ്ടു ത​വ​ണ മോ​ഷ​ണം ന​ട​ത്തി​യാ​ണ് പ​ണ​വും ക്ഷേ​ത്ര സാ​മ​ഗ്രി​ക​ളും ക​വ​ര്‍​ന്ന​ത്. നേ​ര​ത്തേ അ​റ​സ്റ്റി​ലാ​യ മൂ​ന്നു പേ​രും റി​മാ​ന്‍​ഡി​ലാ​ണ്. എ​റ​ണാ​കു​ളം, ഇ​ടു​ക്കി ജി​ല്ല​ക​ളി​ലെ വി​വി​ധ ക്ഷേ​ത്ര​ങ്ങ​ളി​ല്‍​നി​ന്ന് മോ​ഷ​ണം പോ​യ സാ​ധ​ന​ങ്ങ​ള്‍ ത​മ്മ​ന​ത്തു​ള്ള അ​ന​സി​ന്‍റെ ക​ട​യി​ല്‍​നി​ന്ന് പൊ​ലി​സ് ക​ണ്ടെ​ടു​ത്തി​രു​ന്നു. പ്ര​തി​യെ കോ​ട​തി​യി​ല്‍ ഹാ​ജ​രാ​ക്കും.

Tags : NattuVishasham DistrictNews accused