പത്തനംതിട്ടയില് ചേര്ന്ന സിആര്സിസി അധ്യാപക കണ്വന്ഷന് കെപിഎസ്ടിഎ ജില്ലാ പ്രസിഡന്റ് ഫിലിപ്പ് ജോര്ജ് ഉദ്ഘാടനം ചെയ്യുന്നു.
പത്തനംതിട്ട: എസ്എസ്കെ കോ ഓര്ഡിനേറ്റര്മാരെ രാഷ്ട്രീയ ലാഭത്തിനായി ഉപയോഗിച്ചശേഷം ഇടത് സംഘടനാ നേതാക്കള് കൈയൊഴിയുകയായിരുന്നുവെന്ന് കെപിഎസ്ടി നേതൃത്വത്തില് നടന്ന കണ്വന്ഷന് വിലയിരുത്തി.
കടുത്ത മാനസിക സംഘര്ഷവും സാമ്പത്തിക പ്രതിസന്ധിയും അനുഭവിക്കുന്ന ഈ വിഭാഗം അധ്യാപകര്ക്കായി സംസ്ഥാന സര്ക്കാരില് സ്വാധീനം ചെലുത്തുമെന്ന് കെപിഎസ്ടിഎ ജില്ലാ നേതാക്കള് ഉറപ്പ് നല്കി.
കണ്വന്ഷന് പ്രസിഡന്റ് ഫിലിപ്പ് ജോര്ജ് ഉദ്ഘാടനം ചെയ്തു. റിസോഴ്സ് അധ്യാപക ജില്ലാ കോ-ഓര്ഡിനേറ്റര് സുമ ഡാനിയല് അധ്യക്ഷത വഹിച്ചു.
സംസ്ഥാന സെക്രട്ടേറിയറ്റംഗം എസ്. പ്രേം, സെക്രട്ടറി വി.ജി കിഷോർ, ട്രഷറര് ബിറ്റി അന്നമ്മ തോമസ്, സംസ്ഥാന നിര്വാഹക സമിതി അംഗങ്ങളായ എസ്. ദിലീപ്കുമാർ,ജെമി ചെറിയാന്, മാത്യു രാജൻ, എസ് നിഷ, ബി.ശ്രീലേഖ എന്നിവര് പ്രസംഗിച്ചു.