മൂവാറ്റുപുഴ: സംസ്ഥാനത്തെ 10 വര്ഷത്തെ അഴിമതി ഭരണത്തിന് ജനങ്ങള് അന്ത്യം കുറിച്ചതാണ് യുഡിഎഫ് നേടിയ ഉജ്വല വിജയമെന്ന് മാത്യു കുഴല്നാടന്.
വിജയം അറിഞ്ഞതിനുശേഷം മാധ്യമപ്രവര്ത്തകരോട് പ്രതികരിക്കുകയായിരുന്നു അദ്ദേഹം. പി.ആര് വര്ക്ക് കൊണ്ട് എക്കാലവും ജനങ്ങളെ പറ്റിക്കാന് സാധിക്കില്ല. സിപിഎമ്മിലെ പിണറായി വിരുദ്ധ വോട്ടുകള് മുവാറ്റുപുഴയില് ഇപ്രാവശ്യം യുഡിഎഫിന് ലഭിച്ചെന്നും മാത്യു കുഴല്നാടന് പറഞ്ഞു.
ഞങ്ങളുടെ പ്രവര്ത്തകര് സമരം ചെയ്തപ്പോള് പോലീസിനെ അഴിച്ചുവിട്ട് ചെടിച്ചട്ടികൊണ്ട് അവരുടെ തലയ്ക്കടിച്ചപ്പോള് രക്ഷാപ്രവര്ത്തനമാണെന്ന് പറഞ്ഞ് ആക്ഷേപിച്ച പിണറായി വിജയന് ജനം നല്കിയ മറുപടിയാണ് യുഡിഎഫ് വിജയം.
ഇതൊന്നും ഞങ്ങള് മറന്നിട്ടില്ല. ജനം ഞങ്ങള്ക്ക് അവസരം തന്നിട്ടുണ്ട്. ഒരു ജനകീയ ഭരണം ഇവിടെയുണ്ടാകും. അഴിമതിക്കാരെ കൈയ്യാമം വച്ച് ജയിലില് അടക്കുന്ന ഒരു സര്ക്കാര് അധികാരത്തില് വരുമെന്നും കുഴല്നാടന് കൂട്ടിച്ചേര്ത്തു.
Tags : nattu vishesham Mathew Kuzhalnadan calls for end