4

ചെറു​തോ​ണി: ഇ​ടു​ക്കി മെ​ഡി​ക്ക​ൽ കോ​ള​ജി​ലെ ഇ​ന്‍റേ​ണ​ൽ റോ​ഡ് ന​വീ​ക​ര​ണം അ​ടി​യ​ന്ത​ര​മാ​യി പൂ​ർ​ത്തീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ ചി​കി​ത്സ ക​ഴി​ഞ്ഞ് തി​രി​കേ വീ​ട്ടി​ലെ​ത്തു​ന്ന​ത് കൂ​ടു​ത​ൽ ദു​രി​ത​ത്തി​ലൂ​ടെ​യാ​ണ്. നി​ർ​ധ​ന​രാ​യ ഡ​യാ​ലി​സി​സ് രോ​ഗി​ക​ൾ കൂ​ടു​ത​ലാ​യും ആ​ശ്ര​യി​ക്കു​ന്ന​ത് ഇ​ടു​ക്കി മെ​ഡി​ക്ക​ൽ കോ​ള​ജി​ലെ ഡ​യാ​ലി​സി​സ് യൂ​ണി​റ്റി​നെ​യാ​ണ്. ഇ​വ​രി​ൽ പ​ല​രും പ​ര​സ​ഹാ​യ​മി​ല്ലാ​തെ ന​ട​ക്കാ​ൻ​പോ​ലും ആ​വാ​ത്ത​സ്ഥി​തി​യി​ലു​ള്ള​വ​രു​മാ​ണ്.

ഓ​ട്ടോ​റി​ക്ഷ വി​ളി​ച്ചാ​ണ് അ​ധി​കം പേ​രും ഡ​യാ​ലി​സി​നെ​ത്തു​ന്ന​ത്. ആ​ശു​പ​ത്രി​യി​ലെ ഡ​യാ​ലി​സി​സ് സെ​ന്‍റ​റി​ലേ​ക്കു​ള്ള വ​ഴി​യാ​ണ് ഏ​റെ ദു​ർ​ഘ​ട​മാ​യി​രി​ക്കു​ന്ന​ത്. ജി​ല്ലാ ആ​ശു​പ​ത്രി കെ​ട്ടി​ട​ത്തി​ന് സ​മീ​പ​ത്തു​കൂ​ടി പോ​കു​ന്ന റോ​ഡ് ത​ക​ർ​ന്നി​ട്ട് വ​ർ​ഷ​ങ്ങ​ൾ ക​ഴി​ഞ്ഞു. ആ​ശു​പ​ത്രി ഓ​ഫീ​സി​ന് മു​ന്നി​ലൂ​ടെ ക​ട​ന്നു​പോ​കു​ന്ന ഈ ​റോ​ഡ് ത​ക​ർ​ന്ന് വെ​ള്ളം കെ​ട്ടി​ക്കി​ട​ക്കു​ക​യാ​ണ്. വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ കാ​ൽ​ന​ട​യാ​ത്ര​ക്കാ​രാ​യ രോ​ഗി​ക​ളു​ടെ​യും ആ​ശു​പ​ത്രി ജീ​വ​ന​ക്കാ​രു​ടെ​യും ദേ​ഹ​ത്ത് ചെ​ളി​വെ​ള്ളം തെ​റി​ക്കു​ന്ന​ത് നി​ത്യസം​ഭ​വ​മാ​ണ്.

രോ​ഗി​ക​ളു​മാ​യി വ​രു​ന്ന ഓ​ട്ടോറി​ക്ഷ​ക​ളും കാ​റു​ക​ളും ഏ​റെ ബു​ദ്ധി​മു​ട്ടി​യാ​ണ് ഇ​തുവ​ഴി ക​ട​ന്നു​പോ​കു​ന്ന​ത്. അ​മ്മത്തൊ​ട്ടി​ൽ, ന​ഴ്സിം​ഗ് കോ​ള​ജ്, മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ ഓ​ഫീ​സ്, ഡോ​ക്ട​ർ​മാ​രു​ടെ​യും ജീ​വ​ന​ക്കാ​രു​ടെ​യും ക്വാ​ർ​ട്ടേ​ഴ്സു​ക​ൾ തു​ട​ങ്ങി​യി​ട​ത്തേ​ക്കെ​ല്ലാം പോ​കാ​നു​ള്ള ഏ​ക മാ​ർ​ഗ​മാ​ണ് ത​ക​ർ​ന്നുകി​ട​ക്കു​ന്ന​ത്. അ​ടി​യ​ന്ത​ര​മാ​യി റോ​ഡ് ന​വീ​ക​രി​ക്കാ​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് രോ​ഗി​ക​ളു​ടെ​യും വി​ദ്യാ​ർ​ഥി​ക​ളു​ടെ​യും ആ​ശു​പ​ത്രി ജീ​വ​ന​ക്കാ​രു​ടെ​യും ആ​വ​ശ്യം.

Tags : Medical College nattuvisesham local news