4

നെ​ടു​ങ്ക​ണ്ടം: നെ​ടു​ങ്ക​ണ്ട​ത്ത് അ​മ്മ​യെ​യും സ​ഹോ​ദ​ര​നെ​യും കൊ​ല​പ്പെ​ടു​ത്തി​യ​ത് അ​തി​ക്രൂ​ര​മാ​യി. ഞെ​ട്ടി​ക്കു​ന്ന മൊ​ഴി​യാ​ണ് ഇ​ര​ട്ട​ക്കൊ​ല​പാ​ത​ക കേ​സി​ലെ പ്ര​തി സ​ജി ന​ല്‍​കി​യ​ത്. പ​ച്ച​ടി തോ​ട്ടു​വാ​ക്ക​ട പൊ​ന്നൂ​ട്ടി​ല്‍ മേ​രി​ക്കു​ട്ടി, മ​ക​ന്‍ റെ​ജി എ​ന്നി​വ​രെ കൊ​ല​പ്പെ​ടു​ത്തി​യ മേ​രി​ക്കു​ട്ടി​യു​ടെ ഇ​ള​യ മ​ക​ന്‍ സ​ജി​യു​ടെ മൊ​ഴി​യി​ലാ​ണ് ക്രൂ​ര​ത​യു​ടെ ചി​ത്രം പു​റ​ത്തു​വ​ന്ന​ത്.

ഈ ​മാ​സം നാ​ലി​നാ​ണ് ഇ​രു​വ​രെ​യും സ​ജി ക്രൂ​ര​മാ​യി കൊ​ല​പ്പെ​ടു​ത്തി​യ​ത്. നാ​ലി​ന് രാ​ത്രി​യി​ല്‍ മ​ദ്യ​പി​ച്ചെ​ത്തി​യ സ​ജി ഭ​ക്ഷ​ണം ക​ഴി​ക്കു​ന്ന​തി​നി​ടെ സ​ഹോ​ദ​ര​ന്‍ റെ​ജി​യു​മാ​യി വാ​ക്കു​ത​ര്‍​ക്ക​ത്തി​ല്‍ ഏ​ര്‍​പ്പെ​ടു​ക​യും ഇ​ത് സം​ഘ​ര്‍​ഷ​ത്തി​ല്‍ ക​ലാ​ശി​ക്കു​ക​യു​മാ​യി​രു​ന്നു. റെ​ജി​യെ മ​ര്‍​ദി​ച്ചും ക​ഴു​ത്തി​ല്‍ തോ​ര്‍​ത്ത് മു​റു​ക്കി​യും കൊ​ല​പ്പെ​ടു​ത്തി.

മ​ര്‍​ദ​ന​മേ​റ്റു താ​ഴെ​വീ​ണ റെ​ജി​യു​ടെ ത​ല​യി​ല്‍ ഏ​റെ​നേ​രം ച​വി​ട്ടി​പ്പി​ടി​ക്കു​ക​യും തോ​ര്‍​ത്ത് മു​റു​ക്കി മ​ര​ണം ഉ​റ​പ്പി​ക്കു​ക​യും ചെ​യ്തു. ഇ​തു​ക​ണ്ട് എ​ത്തി​യ മേ​രി​ക്കു​ട്ടി​യു​ടെ മു​ഖ​ത്ത് ഇ​ടി​ക്കു​ക​യും കൈ​യി​ല്‍ പി​ടി​ച്ച് ക​റ​ക്കി ഭി​ത്തി​യി​ലേ​ക്ക് ഇ​ടി​പ്പി​ക്കു​ക​യും മ​ര്‍​ദ​നം തു​ട​ര്‍​ന്ന് കൊ​ല​പ്പെ​ടു​ത്തു​ക​യു​മാ​യി​രു​ന്നു. ഇ​തി​നു ശേ​ഷം ഇ​റ​ച്ചി​ക്ക​റി​യോ​ടൊ​പ്പം ഇ​യാ​ള്‍ ഭ​ക്ഷ​ണം ക​ഴി​ച്ചി​രു​ന്നു. അ​ന്ന് വീ​ട്ടി​നു​ള്ളി​ല്‍ മൃ​ത​ദേ​ഹ​ങ്ങ​ള്‍ ക​ട്ടി​ലി​ന​ടി​യി​ല്‍ ഒ​ളി​പ്പി​ച്ച​ശേ​ഷം ഇ​യാ​ള്‍ കി​ട​ന്നു​റ​ങ്ങി.

അ​ടു​ത്ത​ദി​വ​സം രാ​വി​ലെ മൃ​ത​ദേ​ഹ​ങ്ങ​ള്‍ ഗ്രീ​ന്‍ നെ​റ്റി​ല്‍ പൊ​തി​യു​ക​യും ര​ണ്ടു ദി​വ​സം വീ​ടി​നു പു​റ​ത്ത് വ​യ്ക്കു​ക​യും ചെ​യ്തു. മൂ​ന്നാം ദി​വ​സം അ​ര്‍​ധ രാ​ത്രി​ക്ക് ശേ​ഷം മു​റ്റ​ത്തി​ന് സ​മീ​പം കു​ഴി​യെ​ടു​ത്ത് മൃ​ത​ദേ​ഹ​ങ്ങ​ൾ മ​റ​വ് ചെ​യ്തു. മൃ​ത​ദേ​ഹ​ങ്ങ​ളി​ല്‍ കു​മ്മാ​യം വി​ത​റി​യ​ശേ​ഷ​മാ​ണ് കു​ഴി​ച്ചി​ട്ട​ത്.

സ്വ​ത്ത് ഭാ​ഗം വ​യ്ക്കു​ന്ന​തി​ലെ ത​ര്‍​ക്ക​വും റെ​ജി, സ​ജി​യു​ടെ പി​തൃ​ത്വം നി​ര​ന്ത​രം ചോ​ദ്യം ചെ​യ്തി​രു​ന്ന​തും വി​വാ​ഹ​ത്തി​ന് സ​മ്മ​തി​ക്കാ​തി​രു​ന്ന​തു​മാ​ണ് കൊ​ല​യി​ലേ​ക്ക് ന​യി​ച്ച​ത്. ഒ​ന്ന​ര ഏ​ക്ക​ര്‍ സ്ഥ​ല​ത്തി​ല്‍ ത​ന്‍റെ ഓ​ഹ​രി ന​ല്‍​ക​ണ​മെ​ന്ന് ഇ​യാ​ള്‍ ആ​വ​ശ്യ​പ്പെ​ട്ടി​രു​ന്നെ​ങ്കി​ലും സ​ജി​യു​ടെ പി​താ​വ് മ​റ്റാ​രോ ആ​ണെ​ന്നും ഇ​തി​നാ​ല്‍ സ്വ​ത്ത് ന​ല്‍​കാ​ന്‍ ആ​കി​ല്ലെ​ന്നു​മു​ള്ള നി​ല​പാ​ടി​ലാ​യി​രു​ന്നു റെ​ജി. വി​വാ​ഹം ക​ഴി​ക്കാ​നും സ​ജി​യെ അ​നു​വ​ദി​ച്ചി​രു​ന്നി​ല്ലെ​ന്നും ഇ​യാ​ള്‍ പോ​ലീ​സി​നു മൊ​ഴി ന​ല്‍​കി. റി​മാ​ൻ​ഡി​ലാ​യ സ​ജി​യെ പോ​ലീ​സ് വീ​ണ്ടും ക​സ്റ്റ​ഡി​യി​ല്‍ വാ​ങ്ങി ചോ​ദ്യം ചെ​യ്യും. 2018 ല്‍ ​കാ​ണാ​താ​യ മേ​രി​ക്കു​ട്ടി​യു​ടെ ഭ​ര്‍​ത്താ​വ് മാ​ത്യു​വി​ന്‍റെ തി​രോ​ധാ​ന​ത്തി​ല്‍ പു​ന​ര​ന്വേ​ഷ​ണം ന​ട​ത്താ​നാ​ണ് പോ​ലീ​സ് തീ​രു​മാ​നം.

നെ​ടു​ങ്ക​ണ്ടം ഇ​ര​ട്ട​ക്കൊ​ല;
പ്ര​തി റി​മാ​ൻ​ഡി​ൽ

നെ​ടു​ങ്ക​ണ്ടം: നെ​ടു​ങ്ക​ണ്ടം ഇ​ര​ട്ട​ക്കൊ​ല​പാ​ത​ക കേ​സി​ലെ പ്ര​തി​യെ 14 ദി​വ​സ​ത്തേ​ക്ക് നെ​ടു​ങ്ക​ണ്ടം കോ​ട​തി റി​മാ​ൻ​ഡു ചെ​യ്തു. പ​ച്ച​ടി തോ​ട്ടു​വാ​ക്ക​ട പൊ​ന്നൂ​ട്ടി​ല്‍ മേ​രി​ക്കു​ട്ടി, മ​ക​ന്‍ റെ​ജി എ​ന്നി​വ​രെ കൊ​ല​പ്പെ​ടു​ത്തി​യ സ​ജി​യെ​യാ​ണ് നെ​ടു​ങ്ക​ണ്ടം ജു​ഡീ​ഷ​ല്‍ ഒ​ന്നാം ക്ലാ​സ് മ​ജി​സ്‌​ട്രേ​റ്റ് കോ​ട​തി റി​മാ​ൻ​ഡു ചെ​യ്ത​ത്. സ​ജി​യു​ടെ മാ​താ​വാ​ണ് മേ​രി​ക്കു​ട്ടി. റെ​ജി സ​ഹോ​ദ​ര​നാ​ണ്. ചൊ​വ്വാ​ഴ്ച​യാ​ണ് ഒ​ളി​വി​ല്‍ ക​ഴി​ഞ്ഞി​രു​ന്ന സ​ജി പോ​ലീ​സി​ല്‍ കീ​ഴ​ട​ങ്ങി​യ​ത്.

ഈ ​മാ​സം നാ​ലി​ന് രാ​ത്രി​യി​ലാ​ണ് മ​ദ്യ​പി​ച്ചെ​ത്തി​യ സ​ജി മാ​താ​വി​നെ​യും സ​ഹോ​ദ​ര​നെ​യും ക്രൂ​ര​മാ​യി കൊ​ല​പ്പെ​ടു​ത്തി​യ​ത്. ഇ​വ​രെ കാ​ണാ​നി​ല്ലെ​ന്ന സ​ജി​യു​ടെ സ​ഹോ​ദ​രി സി​നി​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് നെ​ടു​ങ്ക​ണ്ടം പോ​ലീ​സ് കേ​സെ​ടു​ത്ത​ത്. തു​ട​ര്‍​ന്ന് മേ​രി​ക്കു​ട്ടി​യു​ടെ വീ​ടി​ന് മു​മ്പി​ല്‍ ഇ​രു​വ​രു​ടെ​യും മൃ​ത​ദേ​ഹ​ങ്ങ​ള്‍ കു​ഴി​ച്ചി​ട്ട നി​ല​യി​ല്‍ ക​ണ്ടെ​ത്തു​ക​യാ​യി​രു​ന്നു. ചൊ​വ്വാ​ഴ്ച പി​ടി​യി​ലാ​യ സ​ജി​യെ അ​ന്നും ഇ​ന്ന​ലെ​യും കൊ​ല ന​ട​ന്ന വീ​ട്ടി​ലെ​ത്തി​ച്ച് തെ​ളി​വെ​ടു​പ്പ് ന​ട​ത്തി. പോ​ലീ​സ് ന​ട​ത്തി​യ ചോ​ദ്യം ചെ​യ്യ​ലി​ല്‍ പ്ര​തി കു​റ്റം സ​മ്മ​തി​ക്കു​ക​യാ​യി​രു​ന്നു.

Tags : double murder nattuvishesham local news