മലപ്പുറം: ജില്ലാ ഭരണകൂടം ജില്ലാ സ്പോർട്സ് കൗണ്സിൽ, ഒളിന്പിക് അസോസിയേഷൻ, കാലിക്കട്ട് സർവകലാശാല എന്നിവയുടെ സംയുക്താഭിമുഖ്യത്തിൽ അന്തർദേശീയ ഒളിന്പിക് ദിനാചരണം സംഘടിപ്പിച്ചു. മലപ്പുറം എംഎസ്പി സ്കൂൾ ഗ്രൗണ്ടിൽനിന്ന് ആരംഭിച്ച ഒളിന്പിക് റണ് കളക്ടർ ഡോ. വിനയ് ഗോയൽ ഫ്ളാഗ് ഓഫ് ചെയതു.
വിവിധ അസോസിയേഷൻ അംഗങ്ങൾ, വിദ്യാർഥികൾ, കായിക താരങ്ങൾ, സിവിൽ സർവീസ് കായികതാരങ്ങൾ, കൂട്ടായ്മ എന്നിവർ ഒളിന്പിക് റണ്ണിൽ പങ്കാളികളായി.
മലപ്പുറം നഗരസഭാ വൈസ് ചെയർമാൻ ജിതേഷ് ജി. അനിൽ മുഖ്യാതിഥിയായിരുന്നു. ജില്ലാ ഒളിന്പിക് അസോസിയേഷൻ പ്രസിഡന്റ് യു. തിലകൻ അധ്യക്ഷത വഹിച്ചു. ഒളിന്പിക് അസോസിയേഷൻ സെക്രട്ടറി സി. സുരേഷ് പ്രതിജ്ഞ ചൊല്ലിക്കൊടുത്തു.
സ്പോർട്സ് കൗണ്സിൽ പ്രസിഡന്റ് പി. ഹൃഷികേഷ് കുമാർ, മുൻ എസ്പി യു. അബ്ദുൾ കരീം, ഒളിന്പിക് അസോസിയേഷൻ എക്സിക്യൂട്ടീവ് അംഗം എം. പ്രേമൻ, മാസ്റ്റേഴ്സ് ഹോക്കി സ്റ്റേറ്റ് പ്രസിഡന്റ് പാലോളി അബ്ദുറഹിമാൻ, ജില്ലാ ഫുട്ബോൾ അസോസിയേഷൻ സെക്രട്ടറി ഡോ. പി.എം. സുധീർകുമാർ, ജില്ലാ ഹോക്കി അസോസിയേഷൻ പ്രസിഡന്റ് മച്ചിങ്ങൽ ബഷീർ അഹമ്മദ്, ജില്ലാ സ്പോർട്സ് കൗണ്സിൽ സെക്രട്ടറി വി.ആർ. അർജുൻ എന്നിവർ പ്രസംഗിച്ചു.