ഇരിങ്ങാലക്കുട: ലഹരിമാഫിയക്കെതിരെ നടത്തുന്ന ഓപ്പറേഷന് തൂഫാന് ദി നാര്ക്കോ ഹണ്ട് സ്പെഷ്യല് ഡ്രൈവിന്റെ ഭാഗമായി തൃശൂര് റൂറല് ജില്ലാ പോലീസ് പരിധിയില് നടത്തുന്ന പരിശോധനകളെതുടര്ന്ന് അഞ്ച് പ്രതികള്കൂടി അറസ്റ്റിലായി.
വലപ്പാട് കോതകുളം ബീച്ച് സ്വദേശി കാഞ്ഞിരപറമ്പില് വീട്ടില് ഹരികൃഷ്ണ (29), ഇരിങ്ങാലക്കുട കൊരുമ്പിശേരി സ്വദേശി എടക്കൂക്കാരന് വീട്ടില് സിനാന് (23), ചെങ്ങാലൂര് ശാന്തിനഗര് മുല്ലക്കര വീട്ടില് മനീഷ് (32), കൊടകര പുത്തുകാവ് കലാനഗര് നമ്പുകുളങ്ങര വീട്ടില് മാണിക്യന് എന്ന മനോജ് (43), ഉത്തര് പ്രദേശ് സ്വദേശിയായ റോഷന് സോങ്കര് (33) എന്നിവരെയാണ് അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
മയക്കുമരുന്ന് ഉപയോഗിച്ച കുറ്റത്തിന് നന്തിക്കര സ്വദേശി മൂത്താരന് വീട്ടില് ധന്ലാല് (22), കൊരട്ടി പോലീസ് സ്റ്റേഷന് പരിധിയില്വച്ച് കൊരട്ടി തെക്കുംമുറി മാമ്പ്ര എരയംകുടി സ്വദേശി വെഞ്ചനപ്പിള്ളി വീട്ടില് അമേഘ് (18), വലപ്പാട് കോതകുളം ബീച്ച് സ്വദേശി മൈലാഞ്ചിപ്പറമ്പില് വീട്ടില് ആദര്ശ് (18), മാള പൊയ്യ സ്വദേശി കരുവന് വീട്ടില് രാഹുല്രാജ് (23), ചെന്ത്രാപ്പിന്നി കണ്ണനാംകുളം സ്വദേശി മൂണക്കപ്പറമ്പില് വീട്ടില് ഷനൂപ് (30) എന്നിവരെ അറസ്റ്റ് ചെയ്തിട്ടുണ്ട്. ജില്ലാ പോലീസ് മേധാവിയുടെ കീഴിലുള്ള ലഹരിവിരുദ്ധ സ്പെഷ്യല് സ്ക്വാഡായ ഡാന്സാഫ് ടീമിലെ പോലീസ് ഉദ്യോഗസ്ഥരും വലപ്പാട്, ഇരിങ്ങാലക്കുട, പുതുക്കാട്, കൊടകര, കൊരട്ടി, മാള, കയ്പമംഗലം എന്നീ സ്റ്റേഷനുകളിലെ പോലീസ് ഉദ്യോഗസ്ഥരുമാണ് അന്വേഷണ സംഘങ്ങളിലുണ്ടായിരുന്നത്.
അറസ്റ്റിലായ ക്രിമിനലുകൾ റിമാൻഡിൽ
കയ്പമംഗലം: കൊപ്രക്കളത്ത് വിദ്യാർഥികളെ ലക്ഷ്യമിട്ടെത്തിച്ച ലഹരിവസ്തുക്കളുമായി അറസ്റ്റിലായ കുപ്രസിദ്ധ ക്രിമിനലുകൾ റിമാൻഡിൽ.
കയ്പമംഗലം വഴിയമ്പലം സ്വദേശി പുത്തൂർ വീട്ടിൽ സൂരജ് (27), പുല്ലൂറ്റ് നാരായണമംഗലം സ്വദേശി മുണ്ടോളി വീട്ടിൽ അക്ഷയ് (അമ്പാടി-30) എന്നിവരെയാണ് കഞ്ചാവ്, ഹാഷിഷ് ഓയിൽ, എംഡിഎംഎ എന്നിവ സഹിതം ബുധനാഴ്ച രാവിലെ 11 ഓടെ കാളമുറിയിലുള്ള വാടക വീട്ടിൽ നിന്നും കയ്പമംഗലം പോലീസ് അറസ്റ്റ് ചെയ്തത്.
സൂരജ് ഒരു കവർച്ചക്കേസിലും വീടുകയറി ആക്രമണം നടത്തിയ ഒരു കേസിലും പ്രതിയാണ്.അക്ഷയ് ഒരു കവർച്ചക്കേസിലും രണ്ട് വധശ്രമക്കേസിലും ഒമ്പത് അടിപിടിക്കേസിലും ആശുപത്രിയിൽ അതിക്രമം നടത്തിയ ഒരു കേസിലും പ്രതിയാണെന്ന് പോലീസ് പറഞ്ഞു.
റൂറൽ ജില്ലാ പോലീസ് മേധാവി ബി.കൃഷ്ണകുമാറിന്റെ നേതൃത്വത്തിൽ കയ്പമംഗലം എസ്എച്ച്ഒ ബിജിത്ത്, എസ്ഐ അജാസുദ്ദീൻ എന്നിവർ ഉൾപ്പെടെയുള്ള അന്വേഷണ സംഘമാണ് പ്രതികളെ അറസ്റ്റ് ചെയ്തത്.
Tags : Operation Toofan Five suspects arrested