29

കോ​ടാ​ലി: മ​റ്റ​ത്തൂ​ര്‍ പ​ഞ്ചാ​യ​ത്തി​ലെ മ​ല​യോ​ര​മേ​ഖ​ല​യി​ല്‍ ര​ണ്ടാ​ഴ്ച​യോ​ള​മാ​യി നി​ല​നി​ല്‍​ക്കു​ന്ന പു​ലി​പ്പേ​ടി വ​ര്‍​ധി​പ്പി​ച്ചു​കൊ​ണ്ട് ഇ​ന്ന​ലെ പു​ല​ര്‍​ച്ചെ വീ​ണ്ടും പു​ലി​യി​റ​ങ്ങി. കോ​ട​ശേ​രി മ​ല​യു​ടെ താ​ഴ്‌വാ​ര​ത്തു​ള്ള മാ​ങ്കു​റ്റി​പ്പാ​ട​ത്താ​ണ് ര​ണ്ടു​പു​ലി​ക​ളെ ക​ണ്ടെ​ത്തി​യ​ത്.

മാ​ങ്കു​റ്റി​പ്പാ​ടം കാ​വു​ങ്ങ​ല്‍ ജോ​ര്‍​ജി​ന്‍റെ റ​ബ​ര്‍​തോ​ട്ട​ത്തി​ല്‍ പു​ല​ര്‍​ച്ചെ ടാ​പ്പിം​ഗ് ജോ​ലി​ക്കെ​ത്തി​യ മോ​ന​ച്ച​ന്‍ എ​ന്ന തൊ​ഴി​ലാ​ളി​യാ​ണ് പു​ലി​ക​ളെ ക​ണ്ട​ത്. മാ​ങ്കു​റ്റി​പ്പാ​ടം അ​യ്യ​പ്പ​സ​മാ​ജം പ​രി​സ​ര​ത്ത് താ​മ​സി​ക്കു​ന്ന മു​രി​യ​ന്‍​കേ​രി​യി​ല്‍ മോ​ന​ച്ച​ന്‍ ഭാ​ര്യ​യോ​ടും മ​ക​നോ​ടും ഒ​പ്പ​മാ​ണ് പു​ല​ര്‍​ച്ചെ അ​ഞ്ചോ​ടെ തോ​ട്ട​ത്തി​ല്‍ ജോ​ലി​ക്കെ​ത്തി​യ​ത്. താ​ഴ്ഭാ​ഗ​ത്തു​ള്ള നൂ​റോ​ളം മ​ര​ങ്ങ​ളി​ല്‍ ടാ​പ്പിം​ഗ് ന​ട​ത്തി​യ ശേ​ഷം ഉ​യ​ര്‍​ന്ന ഭാ​ഗ​ത്തു​ള്ള റ​ബ​ര്‍​മ​ര​ങ്ങ​ള്‍​ക്കു സ​മീ​പ​മെ​ത്തി​യ​പ്പോ​ഴാ​ണ് ഹെ​ഡ്‌​ലൈ​റ്റി​ന്‍റെ വെ​ളി​ച്ച​ത്തി​ല്‍ തി​ള​ങ്ങു​ന്ന നാ​ലു​ക​ണ്ണു​ക​ള്‍ ക​ണ്ട​തെ​ന്ന് ടാ​പ്പിം​ഗ് തൊ​ഴി​ലാ​ളി​യും മൂ​ന്നു​മു​റി​യി​ലെ ഓ​ട്ടോ​ഡ്രൈ​വ​റു​മാ​യ മോ​നി​ച്ച​ന്‍ പ​റ​ഞ്ഞു. മൂ​ന്നു​പേ​രും ഹെ​ഡ്‌​ലൈ​റ്റു​ക​ള്‍ തെ​ളി​യി​ച്ചു​നോ​ക്കി​യ​പ്പോ​ള്‍ അ​മ്പ​ത​ടി​യോ​ളം അ​ക​ല​ത്തി​ല്‍ റ​ബ​ര്‍​മ​ര​ങ്ങ​ള്‍​ക്കു ചു​വ​ടെ ര​ണ്ടു​പു​ലി​ക​ള്‍ നി​ല്‍​ക്കു​ന്ന​താ​യി ക​ണ്ടു. ആ​ള​ന​ക്കംക​ണ്ട് ഇ​വ​യി​ലൊ​ന്ന് സ​മീ​പ​ത്തെ റ​ബ​ര്‍​മ​ര​ത്തി​ലേ​ക്ക് ചാ​ടി​ക്ക​യ​റു​ക​യും ചെ​യ്തു.

പു​ലി​ക​ളെ ക​ണ്ട​തോ​ടെ  ഭ​യ​ച​കി​ത​രാ​യ മോ​ന​ച്ച​നും കു​ടും​ബ​വും ടാ​പ്പിം​ഗ് പ​ണി​ക​ള്‍ പൂ​ര്‍​ത്തി​യാ​ക്കാ​തെ വീ​ട്ടി​ലേ​ക്കു മ​ട​ങ്ങി​പ്പോയി. നാ​ട്ടു​കാ​രും ജ​ന​പ്ര​തി​നി​ധി​ക​ളും അ​റി​യി​ച്ച​തി​നെ തു​ട​ര്‍​ന്ന് വ​ന​പാ​ല​ക​ര്‍ സ്ഥ​ല​ത്തെ​ത്തി പു​ലി​യെ ക​ണ്ട​താ​യി പ​ റ​യു​ന്ന പ്ര​ദേ​ശ​ത്ത് കാ​മ​റ സ്ഥാ​പി​ച്ചു.

തി​ങ്ക​ളാ​ഴ്ച പു​ലി​യെ ക​ണ്ട തോ​ട്ട​ത്തി​ന്‍റെ തൊ​ട്ടടു​ത്തു​ള്ള റ​ബ​ര്‍​തോ​ട്ട​ത്തി​ല്‍ ര​ണ്ടാ​ഴ്ച മു​മ്പ് വ​ള​ര്‍​ത്തു​നാ​യ​യെ പു​ലി കൊ​ന്ന​നി​ല​യി​ല്‍ ക​ണ്ടെ​ത്തി​യി​രു​ന്നു. പു​ലി​യു​ടെ സാ​ന്നി​ധ്യം സ്ഥി​രീ​ക​രി​ക്കു​ന്ന​തി​നാ​യി വ​നം​വ​കു​പ്പ്
അ​ന്നു​ത​ന്നെ ഇ​വി​ടെ നാ​ലു കാ​മ​റ​ക​ള്‍ സ്ഥാ​പി​ക്കു​ക​യും തൊ​ട്ടു​ത്ത​ദി​വ​സം കാ​മ​റ​യി​ല്‍ പു​ലി​യു​ടെ ദൃ​ശ്യം പ​തി​യു​ക​യും ചെ​യ്തി​രു​ന്നു.

ഒ​രു മാ​സം മു​മ്പു മു​ത​ലേ പ്ര​ദേ​ശ​ത്തു​നി​ന്ന് വ​ള​ര്‍​ത്തു​നാ​യ്ക്ക​ളെ​യും ആ​ടു​ക​ളെ​യും കാ​ണാ​താ​വു​ന്ന​താ​യി നാ​ട്ടു​കാ​ര്‍ പ​റ​ഞ്ഞി​രു​ന്നു.

ര​ണ്ടാ​ഴ്ച​യോ​ള​മാ​യി മേ​ഖ​ല​യി​ല്‍ പു​ലി​ഭീ​തി നി​ല​നി​ല്‍​ക്കു​ന്ന​തി​നാ​ല്‍ പു​ല​ര്‍​ച്ചെ ടാ​പ്പിം​ഗ് ജോ​ലി​ക്കെ​ത്തു​ന്ന തൊ​ഴി​ലാ​ളി​ക​ള്‍ പേ​ടി​യോ​ടെ​യാ​ണു പ​ണി​യെ​ടു​ക്കു​ന്ന​ത്.

Tags : NattuVishesham DistrictNews