29

തൃ​ശൂ​ർ: വീ​ട്ടു​ജോ​ലി​ക​ൾ​ക്കും കു​ടും​ബ​കാ​ര്യ​ങ്ങ​ൾ​ക്കു​മി​ട​യി​ൽ എ​വി​ടെ​യോ മ​റ​ന്നു​വ​ച്ച സ​ർ​ഗ​വാ​സ​ന​ക​ളെ വീ​ണ്ടെ​ടു​ത്ത്, വ​ർ​ണ​ങ്ങ​ളു​ടെ പു​തു​ലോ​ക​ത്ത് സ്വ​ന്ത​മാ​യൊ​രു ഇ​ടം അ​ട​യാ​ള​പ്പെ​ടു​ത്തു​ക​യാ​ണ് തൃ​ശൂ​ർ കി​ഴ​ക്കും​പാ​ട്ടു​ക​ര സ്വ​ദേ​ശി കൈ​വ​ല്യ​ത്തി​ൽ പ്രീ​ത ആ​ർ. വാ​ര്യ​ർ. കേ​ര​ള ല​ളി​ത​ക​ലാ അ​ക്കാ​ദ​മി ആ​ർ​ട് ഗാ​ല​റി​യി​ൽ ന​ട​ക്കു​ന്ന സം​പ്രീ​തം ചി​ത്ര​യാ​ത്ര എ​ന്ന ഏ​കാം​ഗ ചി​ത്ര​പ്ര​ദ​ർ​ശ​നം ഒ​രു​ക്കി​യാ​ണ് ഈ ​ക​ലാ​കാ​രി വേ​റി​ട്ട അ​നു​ഭ​വ​ങ്ങ​ളാ​ൽ ആ​സ്വാ​ദ​ക​ശ്ര​ദ്ധ പി​ടി​ച്ചു​പ​റ്റി മു​ന്നേ​റു​ന്ന​ത്.

വ​ര്‍​ഷ​ങ്ങ​ള്‍​ക്ക് മു​ൻ​പ് മ​ക്ക​ൾ​ക്കാ​യി ഒ​രു​ക്കി​യ ചെ​റി​യ ആ​ർ​ട് വ​ർ​ക്കു​ക​ളി​ൽ നി​ന്നാ​ണ് തു​ട​ക്കം. അ​ന്ന് അ​റി​യാ​തെ​യാ​ണ് ചാ​യ​ക്കൂ​ട്ടു​ക​ൾ കൈ​യി​ൽ എ​ടു​ക്കേ​ണ്ടി​വ​ന്ന​തെ​ന്നും പി​ന്നീ​ട് അ​ത് ജീ​വി​ത​ത്തി​ൽ നി​റ​മു​ള്ള മ​റ്റൊ​രു പു​തി​യ ലോ​കം സ​മ്മാ​നി​ക്കു​ക​യാ​യി​രു​ന്നു​വെ​ന്നും ഈ ​വീ​ട്ട​മ്മ ഓ​ർ​ത്തെ​ടു​ക്കു​ന്നു. തു​ട​ർ​ന്ന് ചി​ത്ര​ക​ലാ അ​ധ്യാ​പ​ക​ൻ ച​ക്ര​പാ​ണി​യു​ടെ കീ​ഴി​ൽ ന​ട​ത്തി​യ ഹ്ര​സ്വ​മാ​യ പ​രി​ശീ​ല​നം വ​ര​ക​ളു​ടെ​യും വ​ർ​ണ​ങ്ങ​ളു​ടെ​യും ലോ​ക​ത്തേ​ക്ക് ഇ​വ​ർ​ക്ക് പു​തി​യ വാ​തി​ലു​ക​ൾ തു​റ​ന്നു​ന​ൽ​കി. ഇ​ത്ത​വ​ണ വ്യ​ത്യ​സ്ത മീ​ഡി​യ​ങ്ങ​ളി​ൽ തീ​ർ​ത്ത 54 ചി​ത്ര​ങ്ങ​ളു​മാ​യാ​ണ് പ്ര​ദ​ർ​ശ​നം ഒ​രു​ക്കി​യി​രി​ക്കു​ന്ന​ത്.
പ​തി​വു ചി​ത്ര​ര​ച​നാ രീ​തി​ക​ളി​ൽ നി​ന്നു മാ​റി ചി​പ്പി​ക​ളും (ഷെ​ല്ലു​ക​ൾ) മു​ത്തു​ക​ളും ഗ്ലൂ ​ഗ​ണ്ണും കാ​പ്പി​പ്പൊ​ടി​യു​മെ​ല്ലാം ഉ​പ​യോ​ഗി​ച്ചാ​ണ് ക​ലാ​കാ​രി നി​റ​മു​ള്ള കാ​ഴ്ച​ക​ൾ പ്രേ​ക്ഷ​ക​ർ​ക്ക് മു​ൻ​പി​ൽ അ​വ​ത​രി​പ്പി​ച്ചി​രി​ക്കു​ന്ന​ത്. കാ​പ്പി​പ്പൊ​ടി​യി​ൽ തീ​ർ​ത്ത ചി​ത്ര​വും അ​തേ മാ​ധ്യ​മ​ത്തി​ൽ വി​രി​യി​ച്ച സ്വാ​മി വി​വേ​കാ​ന​ന്ദ​ന്‍റെ രൂ​പ​വും ചി​ത്ര​കാ​രി​യു​ടെ സ​ർ​ഗാ​ത്മ​ക​ത തെ​ളി​യി​ക്കു​ന്ന​താ​ണ്.

ഭ​ർ​ത്താ​വ് റി​ട്ട​യേ​ഡ് ഇ​ൻ​കം ടാ​ക്സ് അ​ഡീ​ഷ​ണ​ൽ ക​മ്മീ​ഷ​ണ​ർ എ​ൻ.​വി. രു​ദ്ര​ന്‍റെ​യും മ​ക്ക​ളാ​യ ര​ഘു​റാം, ശ്രീ​റാം, മ​രു​മ​ക​ൾ ശ്രീ​ല​ക്ഷ്മി എ​ന്നി​വ​രു​ടെ​യും പി​ന്തു​ണ​യാ​ണ് വൈ​കി​വ​ന്ന ഈ ​വ​ർ​ണ​വ​സ​ന്ത​ത്തി​ന് ക​രു​ത്തു​പ​ക​രു​ന്ന​തെ​ന്നും ക​ലാ​കാ​രി കൂ​ട്ടി​ച്ചേ​ർ​ത്തു. പ്ര​ദ​ർ​ശ​നം നാ​ളെ സ​മാ​പി​ക്കും.

Tags : NattuVishesham DistrictNews