11

നെ​ടും​കു​ന്നം: മ​ഴ പെ​യ്ത് നെ​ടു​മ​ണ്ണി തോ​ട്ടി​ൽ വെ​ള്ളം ഉ​യ​രു​ന്ന​തു കാ​ണു​മ്പോ​ൾ ഇ​ട​വ​ട്ടാ​ൽ നി​വാ​സി​ക​ളു​ടെ നെ​ഞ്ചി​നു​ള്ളി​ൽ ആ​ധി​യു​ടെ ഓ​ള​മാ​കും. നെ​ടു​മ​ണ്ണി തോ​ടി​ന്‍റെ സ​മീ​പ പ്ര​ദേ​ശ​മാ​ണ് ഇ​ട​വ​ട്ടാ​ൽ. 10ലേ​റെ വീ​ടു​ക​ളാ​ണ് ഇ​വി​ടെയുള്ളത്. നെ​ടു​മ​ണ്ണി തോ​ട്ടി​ൽ സാ​ധാ​ര​ണ​യി​ലും അ​ല്പം വെ​ള്ളം ഉ​യ​ർ​ന്നാ​ൽ തോ​ട് ക​ര​ക​വി​ഞ്ഞ് പ്ര​ദേ​ശ​ത്തെ വീ​ടു​ക​ളി​ൽ വെ​ള്ളം ക​യ​റും.

തോ​ട്ടി​ൽ അ​ശാ​സ്ത്രീ​യ​മാ​യി നി​ർ​മി​ച്ച ത​ട​യണയാ​ണ് ഇ​വ​രു​ടെ ദു​രി​ത​ത്തി​നു കാ​ര​ണം. എ​ല്ലാ വീ​ടു​ക​ളി​ലും വെ​ള്ളം ക​യ​റി ഇ​ല​ക്‌​ട്രി​ക് സാ​ധ​ന​ങ്ങ​ൾ ഉ​ൾ​പ്പെ​ടെ​യു​ള്ള വീ​ട്ടു​പ​ക​ര​ണ​ങ്ങ​ൾ ന​ശി​ക്കും. കൂ​ടാ​തെ ദി​വ​സ​ങ്ങ​ളോ​ളം വീ​ടി​നു​ള്ളി​ൽ വെ​ള്ളം കെ​ട്ടി​നി​ന്ന് വീ​ടു​ക​ൾ​ക്കും നാ​ശം സം​ഭ​വി​ക്കു​ന്ന​തും പ​തി​വാ​ണ്.

മ​ഴ​ക്കാ​ല​ങ്ങ​ളി​ൽ ബ​ന്ധു​വീ​ടു​ക​ളി​ൽ അ​ഭ​യം പ്രാ​പി​ക്കു​ക​യോ, നെ​ടും​കു​ന്നം പ​ഞ്ചാ​യ​ത്ത് തു​റ​ക്കു​ന്ന ദു​രി​താ​ശ്വാ​സ കേ​ന്ദ്ര​ങ്ങ​ളി​ൽ ശ​ര​ണം തേ​ടു​ക​യോ ഇ​വ​ർ​ക്ക് മാ​ർ​ഗ​മു​ള്ളൂ. തോ​ട്ടി​ൽ വെ​ള്ളം ഉ​യ​ർ​ന്നു ക​ഴി​ഞ്ഞാ​ൽ താ​ഴ്ന്ന പ്ര​ദേ​ശ​മാ​യ​തി​നാ​ൽ വ​ർ​ഷ​ങ്ങ​ളാ​യി എ​ല്ലാ മ​ഴ​ക്കാ​ല​ത്തും ഇ​വി​ടു​ത്തെ വീ​ടു​ക​ളി​ൽ പെ​ട്ടെ​ന്ന് വെ​ള്ളം ക​യ​റും.

കു​ടിവെ​ള്ള കി​ണ​റു​ക​ൾ വ​രെ മ​ലി​ന​മാ​യി ഉ​പ​യോ​ഗ​ശൂ​ന്യ​മാ​കും. ഇ​തി​ന് പ​രി​ഹാ​രം കാ​ണാ​ൻ അ​ധി​കൃ​ത​ർ ശ്ര​മി​ക്കു​ന്നി​ല്ല എ​ന്ന ആ​രോ​പ​ണം ശ​ക്ത​മാ​ണ്.

Tags : Local News Nattuvishesham Kottayam