26

പ​ത്ത​നം​തി​ട്ട: സം​സ്ഥാ​ന സ​ര്‍​ക്കാ​രി​ന്‍റെ കെ ​ഫോ​ണ്‍ ഇ​ന്‍റ​ര്‍​നെ​റ്റ് ക​ണ​ക്‌ഷന് പ​ണം ഈ​ടാ​ക്കാ​നു​ള്ള തീ​രു​മാ​നം പൊ​തു​വി​ദ്യാ​ല​യ​ങ്ങ​ളെ പ്ര​തി​സ​ന്ധി​യി​ലാ​ക്കി. ഇ​തു​വ​രെ സ്‌​കൂ​ളു​ക​ള്‍​ക്ക് സൗ​ജ​ന്യ​മാ​യി​രു​ന്ന കെ ​ഫോ​ണ്‍ ക​ണ​ക്‌ഷന് സ​ര്‍​ക്കാ​രാ​യി​രു​ന്നു ബി​ല്ല് അ​ട​ച്ചി​രു​ന്ന​ത്. ഇ​നി സ്‌​കൂ​ളു​ക​ളോ ത​ദ്ദേ​ശ സ്ഥാ​പ​ന​ങ്ങ​ളോ പ​ണ​മ​ട​യ്ക്ക​ണം. ഇ​ല്ലെ​ങ്കി​ല്‍ ഇ​ന്‍റ​ര്‍​നെ​റ്റ് ക​ട്ടാ​കു​മെ​ന്നാ​ണ് അ​റി​യി​പ്പ്.

അ​ത്യാ​വ​ശ്യ കാ​ര്യ​ങ്ങ​ള്‍​ക്ക് അ​ധ്യാ​പ​ക​രു​ടെ ഫോ​ണി​ലെ ഇ​ന്‍റ​ര്‍​നെ​റ്റാ​ണ് ഇ​പ്പോ​ള്‍ ഉ​പ​യോ​ഗി​ക്കു​ന്ന​ത്. സ​ര്‍​ക്കാ​രി​ന്‍റെ കെ ​ഫോ​ണ്‍ സൗ​ജ​ന്യ​മാ​ണെ​ന്ന് ക​രു​തി​യാ​ണ് പ​ല സ്കൂ​ളു​ക​ളും ക​ണ​ക്ഷ​ന്‍ എ​ടു​ത്ത​ത്. ഇ​ന്‍റ​ര്‍​നെ​റ്റി​ന്‍റെ സ്പീ​ഡ് അ​നു​സ​രി​ച്ച് വി​വി​ധ പാ​ക്കേ​ജു​ക​ളി​ല്‍ ഉ​ള്‍​പ്പെ​ടു​ത്തി​യാ​ണ് ക​ണ​ക്‌ഷന്‍ ന​ല്‍​കി​യി​രി​ക്കു​ന്ന​തെ​ന്ന അ​റി​യി​പ്പ് പി​ന്നീ​ടാ​ണ് ല​ഭി​ച്ച​ത്.

ബി​പി​എ​ല്‍ വി​ഭാ​ഗ​ത്തി​ല്‍ പെ​ടു​ന്ന കു​ടും​ബ​ങ്ങ​ള്‍​ക്ക് മാ​ത്ര​മാ​ണ് സൗ​ജ​ന്യ ക​ണ​ക്ഷ​നെ​ന്ന് കെ ​ഫോ​ണ്‍ അ​ധി​കൃ​ത​ര്‍ പ​റ​യു​ന്നു. ബി​ല്ല് അ​ട​യ്ക്കാ​ത്ത സ്‌​കൂ​ളു​ക​ള്‍​ക്ക് കെ ​ഫോ​ണ്‍ അ​ധി​കൃ​ത​ര്‍ ക​ത്തു ന​ല്‍​കി​യി​ട്ടു​ണ്ട്. ഇ​ന്‍റ​ര്‍​നെ​റ്റ് തു​ട​ര​ണ​മോ വേ​ണ്ട​യോ എ​ന്നും ചോ​ദി​ച്ചി​ട്ടു​ണ്ട്. പ​ല​രും മ​റു​പ​ടി ന​ല്‍​കി​യി​ട്ടി​ല്ല.

ക​ണ​ക്‌ഷന്‍ ഉ​പേ​ക്ഷി​ച്ചു
പു​തി​യ തീ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ കെ.​ഫോ​ണ്‍ ഉ​പ​യോ​ഗി​ച്ച​തി​ന് ഇ​തി​ന​കം പ​ല സ്‌​കൂ​ളു​ക​ളി​ലും ബി​ല്ല് ല​ഭി​ച്ചി​ട്ടു​ണ്ട്. പ​ണം അ​ട​യ്ക്കാ​നി​ല്ലാ​ത്ത​തി​നാ​ല്‍ പ​ല​രും കെ ​ഫോ​ണ്‍ ക​ണ​ക്ഷ​നു​ക​ള്‍ ഉ​പേ​ക്ഷി​ച്ചു. സ​ര്‍​ക്കാ​ര്‍ സ്‌​കൂ​ളു​ക​ളു​ടെ കെ ​ഫോ​ണ്‍ ക​ണ​ക്ഷ​ന്‍ ബി​ല്ല് അ​ത​ത് ത​ദ്ദേ​ശ സ്ഥാ​പ​ന​ങ്ങ​ള്‍ അ​ട​യ്ക്ക​ണ​മെ​ന്നാ​ണ് പു​തി​യ നി​ര്‍​ദേ​ശം. നി​ല​വി​ല്‍ വെ​ള്ള​ത്തി​ന്‍റെ​യും വൈ​ദ്യു​തി​യു​ടെ​യും ബി​ല്ലു​ക​ള്‍ ത​ദ്ദേ​ശ സ്ഥാ​പ​ന​ങ്ങ​ള്‍ അ​ട​യ്ക്കു​ന്നു​ണ്ട്. ഇ​ന്‍റ​ര്‍​നെ​റ്റ് ബി​ല്ല് കൂ​ടി ഏ​റ്റെ​ടു​ക്കാ​നാ​വി​ല്ലെ​ന്ന് പ​ഞ്ചാ​യ​ത്തു​ക​ള്‍ സ്‌​കൂ​ള്‍ അ​ധി​കൃ​ത​രെ അ​റി​യി​ച്ച​തി​നാ​ലാ​ണ് കെ ​ഫോ​ണ്‍ ഉ​പേ​ക്ഷി​ക്കു​ന്ന​ത്. എ​യ്ഡ​ഡ് സ്‌​കൂ​ളു​ക​ളി​ല്‍ പ്ര​ഥ​മാ​ധ്യാ​പ​ക​ര്‍ ത​ന്നെ ബി​ല്ല് അ​ട​യ്‌​ക്കേ​ണ്ടി​വ​രും. ഇ​ക്കാ​ര​ണ​ത്താ​ല്‍ അ​വ​ര്‍ കെ ​ഫോ​ണ്‍ വേ​ണ്ടെ​ന്നു​വ​യ്ക്കു​ക​യാ​ണ്.

5,109 കെ ​ഫോ​ണ്‍ ക​ണ​ക്ഷ​നു​ക​ളാ​ണ് ജി​ല്ല​യി​ല്‍ ന​ല്‍​കി​യി​രു​ന്ന​ത്. ഇ​തി​ല്‍ 207 ക​ണ​ക്ഷ​നു​ക​ള്‍ സ്‌​കൂ​ള്‍​ക്കാ​ണ്. മ​റ്റു സ്‌​കൂ​ളു​ക​ളി​ല്‍ ക​ണ​ക്ഷ​ന്‍ ന​ല്‍​കാ​ന്‍ പ്രാ​ഥ​മി​ക ന​ട​പ​ടി​ക​ള്‍ ന​ട​ത്തി​യെ​ങ്കി​ലും പി​ന്നീ​ട് ആ​രു​മെ​ത്തി​യി​ല്ല. എ​ന്താ​യാ​ലും ക​ണ​ക്ഷ​ന്‍ ല​ഭി​ക്കാ​ത്ത​ത് ന​ന്നാ​യി എ​ന്ന വി​ല​യി​രു​ത്ത​ലി​ലാ​ണ് ഇ​പ്പോ​ള്‍ സ്‌​കൂ​ള്‍ അ​ധി​കൃ​ത​ർ.

Tags : NattuVishasham DistrictNews