26

അ​ടൂ​ർ: ലൈ​ഫ് മി​ഷ​ന്‍ പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി ഏ​നാ​ത്ത് ഫ്ലാ​റ്റ് പ​ദ്ധ​തി​യു​ടെ നി​ര്‍​മാ​ണം ആ​രം​ഭി​ച്ചി​ട്ട് ആ​റു വ​ര്‍​ഷം പി​ന്നി​ട്ടി​ട്ടും പ്ര​വൃ​ത്തി പൂ​ര്‍​ത്തി​യാ​യി​ട്ടി​ല്ല. ഇ​തി​നി​ടെ ഒ​രു സ​ര്‍​ക്കാ​രി​ന്‍റെ കാ​ലാ​വ​ധി​യും ക​ഴി​ഞ്ഞു. പു​തി​യ സ​ര്‍​ക്കാ​ര്‍ പ​ദ്ധ​തി​ക്ക് മു​ന്‍​ഗ​ണ​ന ന​ല്‍​കി ന​ട​പ​ടി​ക​ള്‍ സ്വീ​ക​രി​ച്ചാ​ല്‍ ഭൂ​ര​ഹി​ത​രാ​യ 54 കു​ടും​ബ​ങ്ങ​ള്‍​ക്ക് സ്വ​ന്തം വീ​ട് എ​ന്ന സ്വ​പ്നം യാ​ഥാ​ര്‍​ഥ്യ​മാ​കു​മെ​ന്ന പ്ര​തീ​ക്ഷ​യി​ലാ​ണ് പ്ര​ദേ​ശ​വാ​സി​ക​ൾ.

2020 സെ​പ്റ്റം​ബ​ര്‍ 24-നാ​ണ് ഏ​നാ​ത്തെ ലൈ​ഫ് ഫ്ലാ​റ്റ് സ​മു​ച്ച​യ​ത്തി​ന്‍റെ നി​ര്‍​മാ​ണോ​ദ്ഘാ​ട​നം ന​ട​ന്ന​ത്. അ​ന്ന​ത്തെ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ വീ​ഡി​യോ കോ​ണ്‍​ഫ​റ​ന്‍​സി​ലൂ​ടെ പ​ദ്ധ​തി​ക്ക് തു​ട​ക്ക​മി​ട്ട​തി​നേ തു​ട​ര്‍​ന്ന് നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ളും ആ​രം​ഭി​ച്ചു. എ​ന്നാ​ല്‍ ആ​റു വ​ര്‍​ഷം പി​ന്നി​ട്ടി​ട്ടും പ്ര​വൃ​ത്തി പൂ​ര്‍​ത്തി​യാ​കാ​തെ കി​ട​ക്കു​ക​യാ​ണ്.
ഇ​തി​ന​കം നി​ര്‍​മി​ച്ച ഭാ​ഗ​ങ്ങ​ള്‍ കാ​ടു​ക​യ​റി​യും തു​രു​മ്പെ​ടു​ത്തും ന​ശി​ക്കു​ന്ന അ​വ​സ്ഥ​യി​ലാ​ണ്. 7.27 കോ​ടി രൂ​പ ചെ​ല​വി​ല്‍ ര​ണ്ട് ഫ്ലാ​റ്റ് സ​മു​ച്ച​യ​ങ്ങ​ള്‍ നി​ര്‍​മി​ക്കാ​നാ​യി​രു​ന്നു പ​ദ്ധ​തി. ഇ​തി​ല്‍ ഒ​രു സ​മു​ച്ച​യ​ത്തി​ന്‍റെ സ്ട്ര​ക്ച​ര്‍ മാ​ത്ര​മാ​ണ് പൂ​ര്‍​ത്തി​യാ​യ​ത്. ര​ണ്ടാ​മ​ത്തെ കെ​ട്ടി​ട​ത്തി​ന്‍റെ അ​ടി​ത്ത​റ നി​ര്‍​മി​ച്ച​തി​നു ശേ​ഷം പ്ര​വൃ​ത്തി നി​ല​ച്ചു.

54 കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​ന്‍ പ​ദ്ധ​തി
ഏ​ഴം​കു​ളം പ​ഞ്ചാ​യ​ത്തി​ലെ ഭൂ​ര​ഹി​ത​രാ​യ 54 കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​നാ​യാ​ണ് ലൈ​ഫ് പ​ദ്ധ​തി​യു​ടെ ഭാ​ഗ​മാ​യി ഏ​നാ​ത്തി​ല്‍ ഫ്ലാ​റ്റ് സ​മു​ച്ച​യം നി​ര്‍​മി​ക്കാ​ന്‍ തീ​രു​മാ​നി​ച്ച​ത്. ഇ​തി​നാ​യി പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള 92 സെ​ന്‍റ് സ്ഥ​ല​മാ​ണ് വി​ട്ടു​ന​ല്‍​കി​യ​ത്. ആ​റു മാ​സ​ത്തി​ന​കം നി​ര്‍​മാ​ണം പൂ​ര്‍​ത്തി​യാ​ക്കു​മെ​ന്ന ല​ക്ഷ്യ​ത്തോ​ടെ​യാ​യി​രു​ന്നു പ​ദ്ധ​തി ആ​രം​ഭി​ച്ച​ത്. ലൈ​റ്റ് വെ​യി​റ്റ് സ്റ്റീ​ല്‍ സാ​ങ്കേ​തി​ക​വി​ദ്യ ഉ​പ​യോ​ഗി​ച്ചാ​ണ് കെ​ട്ടി​ടം നി​ര്‍​മി​ക്കു​ന്ന​ത്.

എ​ന്നാ​ല്‍ സ്റ്റീ​ല്‍ ഉ​ള്‍​പ്പെ​ടെ​യു​ള്ള നി​ര്‍​മാ​ണ​സാ​മ​ഗ്രി​ക​ളു​ടെ വി​ല കു​ത്ത​നെ ഉ​യ​ര്‍​ന്ന​തി​നേ തു​ട​ര്‍​ന്ന് ക​രാ​ര്‍ തു​ക പു​ന​ര്‍​നി​ശ്ച​യി​ക്ക​ണ​മെ​ന്ന് നി​ര്‍​മാ​ണ ക​മ്പ​നി ആ​വ​ശ്യ​പ്പെ​ട്ട​തോ​ടെ​യാ​ണ് പ്ര​വൃ​ത്തി നി​ല​ച്ച​തെ​ന്നാ​ണ് ല​ഭി​ക്കു​ന്ന വി​വ​രം. തു​ട​ര്‍​ന്ന് നി​ര്‍​മാ​ണം പു​ന​രാ​രം​ഭി​ക്കാ​ന്‍ ഇ​തേ​വ​രെ ന​ട​പ​ടി​യു​ണ്ടാ​യി​ട്ടി​ല്ല. മു​ന്‍​പ് നാ​ട്ടി​ലെ കു​ട്ടി​ക​ള്‍ ക​ളി​ക്കാ​ന്‍ മൈ​താ​ന​മാ​യി ഉ​പ​യോ​ഗി​ച്ചി​രു​ന്ന സ്ഥ​ല​ത്താ​ണ് ഫ്ലാ​റ്റ് പ​ദ്ധ​തി ആ​രം​ഭി​ച്ച​ത്. ഇ​പ്പോ​ള്‍ സ്ഥ​ല​ത്തി​ന്‍റെ പ​ഴ​യ ഉ​പ​യോ​ഗ​വും ന​ഷ്ട​മാ​യി, പ​ദ്ധ​തി​യും പാ​തി​വ​ഴി​യി​ല്‍ നി​ല​ച്ച​തു​മൂ​ലം പ്ര​ദേ​ശ​വാ​സി​കൾ നി​രാ​ശ​യി​ലാ​ണ്. പു​തി​യ സ​ര്‍​ക്കാ​ര്‍ പ​ദ്ധ​തി പു​ന​രു​ജ്ജീ​വി​പ്പി​ച്ച് പൂ​ര്‍​ത്തി​യാ​ക്കു​മെ​ന്ന പ്ര​തീ​ക്ഷ​യി​ലാ​ണ് നാ​ട്ടു​കാ​ർ.

Tags : NattuVishasham DistrictNews