സപ്ലൈകോയുടെ ജില്ലയിലെ ആദ്യ സിഗ്നേച്ചര് മാര്ട്ട് ഉദ്ഘാടനച്ചടങ്ങില് തിരുവഞ്ചൂര് രാധാകൃഷ്ണന് എംഎല്എ തിരിതെളിക്കുന്നു.
കോട്ടയം: സപ്ലൈകോയുടെ ജില്ലയിലെ ആദ്യ സിഗ്നേച്ചര് മാര്ട്ട് തിരുനക്കരയില് ഉദ്ഘാടനം ചെയ്തു. തിരുനക്കര മൈതാനത്തിന് എതിര്വശത്തുള്ള ഹൈപ്പര്മാര്ക്കറ്റാണ് സിഗ്നേച്ചര് മാര്ട്ടായി ഉയര്ത്തിയത്.
സപ്ലൈകോയുടെ സംസ്ഥാനത്തെ രണ്ടാമത്തെ സിഗ്നേച്ചര് മാര്ട്ടാണിത്. മാര്ട്ടില് സബ്സിഡി സാധനങ്ങള്ക്കും നിത്യോപയോഗ സാധനങ്ങള്ക്കും വിലക്കുറവുമുണ്ട്.
ഡെവണ്, കിച്ചന് ട്രഷേഴ്സ്, വിപ്രോ എന്നിവയുടെ സഹകരണത്തോടെയാണ് സിഗ്നേച്ചര് മാര്ട്ട് സജ്ജീകരിച്ചത്. റേഷന്കാര്ഡുമായി എത്തുന്നവര്ക്ക് സബ്സിഡി സാധനങ്ങളും ലഭിക്കും. തിരുവഞ്ചൂര് രാധാകൃഷ്ണന് എംഎല്എ അധ്യക്ഷത വഹിച്ച യോഗത്തില് ഭക്ഷ്യമന്ത്രി ജി. ആര്. അനില് ഓണ്ലൈനായി ഉദ്ഘാടനം ചെയ്തു. നഗരസഭാധ്യക്ഷന് എം.പി. സന്തോഷ് കുമാര് ആദ്യവില്പന നിര്വഹിച്ചു.
നടന് ഇര്ഷാദ് അലി നവീകരിച്ച സപ്ലൈകോ വെബ്സൈറ്റ് ഉദ്ഘാടനം നിര്വഹിച്ചു. സപ്ലൈകോ മാനേജിംഗ് ഡയറക്ടര് വി.എം. ജയകൃഷ്ണന്, സപ്ലൈകോ ജനറല് മാനേജര് എം.ആര്. ദീപു, റീജണല് മാനേജര് ബി. സജിനി, ജില്ലാ സപ്ലൈ ഓഫീസ് സീനിയര് സൂപ്രണ്ട് പി.കെ. ഷൈനി, വിപ്രോ സീനിയര് മാനേജര് സദാശിവന്, കിച്ചന് ട്രഷേഴ്സ് ഡെപ്യൂട്ടി ജനറല് മാനേജര് അനീഷ് കുര്യന്, ഡെവണ് സിഇഒ കെ.കെ. ഷജീന്ദ്രന് തുടങ്ങിയവര് പങ്കെടുത്തു.