മഴയിൽ പെരുമുക്ക് ശ്രീകാരേക്കാട് ഭഗവതി ക്ഷേത്രത്തിന്റെ മതിൽക്കെട്ട് തകർന്നപ്പോൾ.
ചങ്ങരംകുളം: അതിശക്തമായ മഴയിൽ പെരുമുക്കിൽ ക്ഷേത്രകുളത്തിന്റെ മതിൽക്കെട്ട് തകർന്ന് വീണു. ബുധനാഴ്ച പുലർച്ചെയാണ് സംഭവം. പെരുമുക്ക് ശ്രീകാരേക്കാട് ഭഗവതി ക്ഷേത്രത്തിന്റെ പടിഞ്ഞാറെ ഭാഗത്തുള്ള പഞ്ചായത്ത് റോഡിന് വശത്തുള്ള ഭാഗം ഇടിഞ്ഞ് ക്ഷേത്രകുളത്തിലേക്ക് പതിക്കുകയായിരുന്നു.
അപകടത്തെ തുടർന്ന് ഇതുവഴിയുള്ള ഗതാഗതവും മുടങ്ങി. മഴ ശക്തമായതിനാൽ റോഡിന്റെ കൂടുതൽ ഭാഗം അപകടാവസ്ഥയിലാണെന്നും ഇതുവഴി യാത്ര ചെയ്യുന്നവർ ജാഗ്രത പാലിക്കണമെന്നും ക്ഷേത്രകമ്മിറ്റി ഭാരവാഹികൾ പറഞ്ഞു.
Tags : Local News Nattuvishesham Malappuram