10

ചാ​ത്ത​ന്നൂ​ർ: ആ​ദി​ച്ച​ന​ല്ലൂ​ർ കു​മ്മ​ല്ലൂ​ർ ക​ട്ട​ച്ച​ൽ ജം​ഗ്ഷ​നി​ൽ അ​ട​ച്ചി​ട്ട വീ​ടി​ന്‍റെ അ​ടു​ക്ക​ള​വാ​തി​ൽ പൊ​ളി​ച്ച് അ​ക​ത്തു ക​യ​റി വ​ൻ​മോ​ഷ​ണം. അ​ല​മാ​ര​ക​ൾ കു​ത്തി​ത്തു​റ​ന്നു സാ​ധ​ന​ങ്ങ​ൾ വാ​രി​വ​ലി​ച്ചി​ട്ടു.ക​ട്ട​ച്ച​ൽ ജം​ഗ്ഷ​നി​ൽ ഗ്രേ​സ് വി​ല്ലയി​ൽ ബി​നു സി. ​ലൂ​ക്കോ​സി​ന്‍റെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്. വീ​ട്ടു​ട​മ കൊ​ൽ​ക്ക​ത്ത​യി​ലു​ള്ള മ​ക​ളു​ടെ വീ​ട്ടി​ൽ പോ​യി​രു​ന്ന​തി​നാ​ൽ വീ​ട് അ​ട​ച്ചി​ട്ടി​രി​ക്കു​ക​യാ​യി​രു​ന്നു. വീ​ടി​ന്‍റെ താ​ക്കോ​ൽ സ​മീ​പ​ത്ത് താ​മ​സി​ക്കു​ന്ന ബ​ന്ധു​വി​നെ​യാ​ണ് ഏ​ൽ​പ്പി​ച്ചി​രു​ന്ന​ത്.

ക​ഴി​ഞ്ഞ ദി​വ​സം രാ​വി​ലെ ബ​ന്ധു വീ​ട്ടി​ലെ​ത്തി മു​ൻ​വാ​തി​ൽ തു​റ​ന്ന് അ​ക​ത്തു​ക​യ​റി​യ​പ്പോ​ഴാ​ണ് മോ​ഷ​ണ​വി​വ​രം പു​റ​ത്ത​റി​യു​ന്ന​ത്. വീ​ടി​ന​ക​ത്തെ അ​ല​മാ​ര​ക​ളെ​ല്ലാം കു​ത്തി​ത്തു​റ​ന്ന നി​ല​യി​ലാ​യി​രു​ന്നു. വ​സ്ത്ര​ങ്ങ​ളും മ​റ്റു സാ​ധ​ന​ങ്ങ​ളും മു​റി​ക്കു​ള്ളി​ൽ വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു.

തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് അ​ടു​ക്ക​ള​ഭാ​ഗ​ത്തെ ഗ്രി​ല്ലും ത​ടി​യു​ടെ പി​ൻ​വാ​തി​ലി​ന്‍റെ അ​ടി​ഭാ​ഗ​വും ത​ക​ർ​ത്ത നി​ല​യി​ൽ ക​ണ്ടെ​ത്തി​യ​ത്. ഇ​തി​ലൂ​ടെ​യാ​ണ് മോ​ഷ്‌ടാക്ക​ൾ അ​ക​ത്തു​ക​യ​റി​യ​തെ​ന്നു ക​രു​തു​ന്നു. അ​ടു​ക്ക​ള​യി​ലെ ഷെ​ൽ​ഫു​ക​ളും പൂ​ർ​ണ​മാ​യും അ​രി​ച്ചു​പെ​റു​ക്കി സാ​ധ​ന​ങ്ങ​ൾ നി​ല​ത്തി​ട്ടി​ട്ടു​ണ്ട്.

താ​ഴ​ത്തെ നി​ല​യി​ലെ​യും ര​ണ്ടാം നി​ല​യി​ലെ​യും കി​ട​പ്പു​മു​റി​ക​ളി​ലെ അ​ല​മാ​ര​ക​ൾ ത​ക​ർ​ത്ത് വി​ല​പി​ടി​പ്പു​ള്ള വ​സ്ത്ര​ങ്ങ​ളും മ​റ്റും മോ​ഷ്ടാ​ക്ക​ൾ ക​വ​ർ​ന്നു. വി​വ​ര​മ​റി​ഞ്ഞ് ചാ​ത്ത​ന്നൂ​ർ പോ​ലീ​സ് സ്ഥ​ല​ത്തെ​ത്തി പ്രാ​ഥ​മി​ക പ​രി​ശോ​ധ​ന​ക​ൾ ന​ട​ത്തി. തു​ട​ർ​ന്ന് ശാ​സ്ത്രീ​യ തെ​ളി​വു​ക​ൾ ശേ​ഖ​രി​ക്കു​ന്ന​തി​നാ​യി വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി തെ​ളി​വു​ക​ൾ ശേ​ഖ​രി​ച്ചി​ട്ടു​ണ്ട്.

സം​ഭ​വ​ത്തി​ൽ ബ​ന്ധു​വി​ന്‍റെ മൊ​ഴി രേ​ഖ​പ്പെ​ടു​ത്തി ചാ​ത്ത​ന്നൂ​ർ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. പ്ര​തി​ക​ളെ ക​ണ്ടെ​ത്താ​നാ​യി പ്ര​ദേ​ശ​ത്തെ​യും സ​മീ​പ​റോ​ഡു​ക​ളി​ലെ​യും സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം ഊ​ർ​ജി​ത​മാ​ക്കു​മെ​ന്ന് പോ​ലീ​സ് അ​റി​യി​ച്ചു.

Tags : Local News Nattuvishesham Kollam