24

ക​ണ്ണൂ​ർ: ഓ​ണം അ​ടു​ത്തെ​ത്തി​യ​തോ‌​ടെ ന​ഗ​ര​ത്തി​ലെ ഓ​ണ വി​പ​ണി​ക​ൾ നി​റ​ഞ്ഞൊ​ഴു​കു​ന്നു. പ്ര​ധാ​ന ഷോ​പ്പിം​ഗ് കേ​ന്ദ്ര​ങ്ങ​ളും വ​ഴി​യോ​ര ക​ച്ച​വ​ട​ങ്ങ​ളും ജ​ന​ത്തി​ര​ക്കി​ൽ വീ​ർ​പ്പു​മു​ട്ടു​ക​യാ​ണ്. വ​സ്ത്ര​ങ്ങ​ൾ, പൂ​ക്ക​ൾ, പ​ച്ച​ക്ക​റി​ക​ൾ എ​ന്നി​വ വാ​ങ്ങാ​ൻ രാ​വി​ലെ മു​ത​ൽ രാ​ത്രി​വ​രെ ആ​ളു​ക​ൾ എ​ത്തു​ന്ന​തോ​ടെ വി​പ​ണി ഓ​ണ​ച്ചൂ‌​ടി​ലാ​ണ്. ഓ​ണ​സ​ദ്യ​ക്ക് ആ​വ​ശ്യ​മാ​യ സാ​ധ​ന​ങ്ങ​ൾ​ക്കും പൂ​ക്ക​ൾ​ക്കും ഓ​ണ​ക്കോ​ടി​ക്കു​മാ​ണ് ആ​വ​ശ്യ​ക്കാ​ർ ഏ​റെ​യു​ള്ള​ത്. വ​സ്ത്ര വി​പ​ണി​യി​ൽ ഓ​ണ​ക്കോ​ടി വാ​ങ്ങാ​നാ​യി ആ​ളു​ക​ളു​ടെ നീ​ണ്ട നി​ര​യാ​ണ്. വ​സ്ത്ര​ങ്ങ​ൾ വാ​ങ്ങാ​ൻ കു​ടും​ബ​മാ​യി എ​ത്തു​ന്ന​തോ​ടെ വി​പ​ണി​യി​ൽ തി​ക്കും തി​ര​ക്കു​മാ​ണ് അ​നു​ഭ​വ​പ്പെ​ടു​ന്ന​ത്.

പ്രാ​യ​ഭേ​ദ​മ​ന്യേ വ​സ്ത്ര​ങ്ങ​ൾ തെ​ര​ഞ്ഞെ​ടു​ക്കു​ന്ന​തി​ൽ വ​ലി​യ ആ​വേ​ശ​മാ​ണ് കാ​ണാ​ൻ സാ​ധി​ക്കു​ന്ന​ത്. വ​സ്ത്ര മേ​ഖ​ല വാ​ഗ്ദാ​നം ചെ​യ്യു​ന്ന വി​ല​ക്കു​റ​വും ഓ​ണം ഓ​ഫ​റു​ക​ളും ഉ​പ​ഭോ​ക്താ​ക്ക​ളെ കൂ​ടു​ത​ൽ ആ​ക​ർ​ഷി​ക്കു​ന്നു.

ഓ​ണ​ത്തി​ന്‍റെ പ്ര​ധാ​ന ആ​ക​ർ​ഷ​ണ​മാ​ണ് പൂ​ക്ക​ളം. അ​തു​കൊ​ണ്ടു​ത​ന്നെ പൂ ​വി​പ​ണി ഇ​ത്ത​വ​ണ​യും വൈ​വി​ധ്യ​ങ്ങ​ളാ​യ പൂ​ക്ക​ളു​മാ​യി വി​പ​ണി കീ​ഴ​ട​ക്കി​ക്ക​ഴി​ഞ്ഞു. ക​ർ​ണാ​ട​ക​യി​ൽ​നി​ന്ന് നി​ന്നെ​ത്തു​ന്ന ചെ​ണ്ടു​മ​ല്ലി, ജ​മ​ന്തി, റോ​സ്, വാ​ടാ​മ​ല്ലി തു​ട​ങ്ങി​യ പൂ​ക്ക​ൾ നി​റ​ഞ്ഞ സ്റ്റാ​ളു​ക​ൾ ന​ഗ​രം മു​ഴു​വ​ൻ നി​റ​ഞ്ഞു നി​ൽ​ക്കു​ക​യാ​ണ്. വി​ല​യി​ൽ ഇ​ത്തി​രി വ​ർ​ധ​ന​യു​ണ്ടെ​ങ്കി​ലും പൂ​ക്ക​ൾ തേ​ടി​യെ​ത്തു​ന്ന​വ​രി​ൽ കു​റ​വൊ​ന്നു​മി​ല്ല. തി​രു​വോ​ണ​ത്തി​ന് ര​ണ്ടു ദി​വ​സം മാ​ത്രം ബാ​ക്കി​നി​ൽ​ക്കേ പൂ​ക്ക​ള​മൊ​രു​ക്കാ​ൻ ആ​വ​ശ്യ​മാ​യ പൂ​ക്ക​ൾ വാ​ങ്ങാ​ൻ ആ​ളു​ക​ളു​ടെ തി​ര​ക്കേ​റു​ക​യാ​ണ്.

ഓ​ണാ​ഘോ​ഷ​ങ്ങ​ളി​ൽ പു​തു​മ തേ​ടു​ന്ന​വ​ർ​ക്കി​ട​യി​ൽ ഒ​റി​ജി​ന​ങ്ങ​ൾ പൂ​ക്ക​ളെ വെ​ല്ലു​ന്ന ആ​ർ​ട്ടി​ഫി​ഷ​‍്യൽ പൂ​ക്ക​ള​വും വി​പ​ണി​യി​ൽ സ്ഥാ​നം പി​ടി​ച്ചി​ട്ടു​ണ്ട്. പ്ലാ​സ്റ്റി​ക്, ഫാ​ബ്രി​ക്, പേ​പ്പ​ർ തു​ട​ങ്ങി​യ വ​സ്തു​ക്ക​ൾ ഉ​പ​യോ​ഗി​ച്ച് നി​ർ​മി​ച്ച പൂ​ക്ക​ള​ങ്ങ​ളാ​ണ് ആ​ർ​ട്ടി​ഫി​ഷ്യ​ൽ പൂ​ക്ക​ള​ങ്ങ​ളാ​യി വി​പ​ണി​യി​ലെ​ത്തി​യി​രി​ക്കു​ന്ന​ത്. നി​റം മ​ങ്ങാ​തെ ദി​വ​സ​ങ്ങ​ളോ​ളം നി​ല​നി​ൽ​ക്കു​ന്ന​തും പു​ന​രു​പ​യോ​ഗി​ക്കാ​നാ​കു​ന്ന​തു​മാ​ണ് ഇ​വ​യു​ടെ പ്ര​ധാ​ന സ​വി​ശേ​ഷ​ത. ഓ​ണ​ത്തി​ന്‍റെ മ​റ്റൊ​രു ആ​ക​ർ​ഷ​ണ​മാ​ണ് ഓ​ണ​സ​ദ്യ. അ​തി​നാ​ൽ സ​ദ്യ​യ്ക്കാ​യു​ള്ള പ​ച്ച​ക്ക​റി​ക​ൾ, പ​ഴ​വ​ർ​ഗ​ങ്ങ​ൾ എ​ന്നി​വ​യു​ടെ വി​ൽ​പ​ന​യും ത​കൃ​തി​യാ​യി ന​ട​ക്കു​ന്നു​ണ്ട്. ചി​ല ഇ​ന​ങ്ങ​ൾ​ക്ക് വി​ല ഉ​യ​ർ​ന്നി​ട്ടു​ണ്ടെ​ങ്കി​ലും വി​ൽ​പ​ന​യി​ൽ കു​റ​വി​ല്ലെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. ഓ​ണം അ​ടു​ത്തെ​ത്തു​മ്പോ​ൾ ക​ണ്ണൂ​രി​ലെ വി​പ​ണി​ക​ൾ പ​ര​മ്പ​രാ​ഗ​ത​വും ആ​ധു​നി​ക​വു​മാ​യ ട്രെ​ൻ​ഡു​ക​ളെ കൂ​ട്ടു​പി​ടി​ച്ച് ഓ​ണ​ത്തെ വ​ർ​ണാ​ഭ​മാ​ക്കു​ക​യാ​ണ്.

Tags : NattuVishesham DistrictNews