24

അ​ഗ​ളി: അ​ട്ട​പ്പാ​ടി​യി​ൽ അ​തി​വി​പു​ല​മാ​യ വി​ക​സ​ന​പ​ദ്ധ​തി​ക​ൾ ആ​സൂ​ത്രം​ചെ​യ്തു ന​ട​പ്പാ​ക്കു​മെ​ന്ന് പൊ​തു​വി​ദ്യാ​ഭ്യാ​സ​മ​ന്ത്രി എ​ൻ. ഷം​സു​ദ്ദീൻ.

ആ​ദി​വാ​സി ഉ​ന്ന​തി​ക​ളി​ലേ​ക്കു​ള്ള സ​ഞ്ച​രി​ക്കു​ന്ന റേ​ഷ​ൻ ക​ട​ക​ളു​ടെ ജി​ല്ലാ​ത​ല ഉ​ദ്ഘാ​ട​നം അ​ഗ​ളി ഇ​എം​എ​സ് ഹാ​ളി​ൽ നി​ർ​വ​ഹി​ച്ചു പ്ര​സം​ഗി​ക്കു​ക​യാ​യി​രു​ന്നു മ​ന്ത്രി. അ​ഗ​ളി, ഷോ​ള​യൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന ശി​ർ​വാ​ണി​പ്പു​ഴ​ക്ക് കു​റു​കെ​യു​ള്ള സാ​മ്പാ​ർ​കോ​ട് പാ​ലം നി​ർ​മാ​ണ​ത്തി​ന് അ​ഞ്ചു​കോ​ടി​രൂ​പ അ​നു​വ​ദി​ച്ചി​ട്ടു​ണ്ട്. രാ​ജീ​വ് ഗാ​ന്ധി മെ​മ്മോ​റി​യ​ൽ ഗ​വ​ൺ​മെ​ന്‍റ് ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജി​ൽ ഹോ​സ്റ്റ​ൽ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ക​യും മോ​ഡ​ൽ റെ​സി​ഡ​ൻ​സ് സ്കൂ​ളി​ൽ കൂ​ടു​ത​ൽ സൗ​ക​ര്യ​ങ്ങ​ൾ ഒ​രു​ക്കു​മെ​ന്നും മ​ന്ത്രി അ​റി​യി​ച്ചു.

അ​ട്ട​പ്പാ​ടി കേ​ന്ദ്രീ​ക​രി​ച്ച് വി​വി​ധ ടൂ​റി​സം പ​ദ്ധ​തി​ക​ളും സ​ർ​ക്കാ​ർ പ​രി​ഗ​ണ​ന​യി​ലു​ണ്ട്. അ​ടി​സ്ഥാ​ന വി​ഭാ​ഗ​ങ്ങ​ളെ ചേ​ർ​ത്തു​പി​ടി​ക്കാ​നാ​ണ് സ​ർ​ക്കാ​ർ മു​ൻ​ഗ​ണ​ന ന​ൽ​കു​ന്ന​തെ​ന്നും മ​ന്ത്രി അ​റി​യി​ച്ചു.
പ​ട്ടി​ക​ജാ​തി- പ​ട്ടി​ക​വ​ർ​ഗ ക്ഷേ​മ​മ​ന്ത്രി കെ.​എ. തു​ള​സി സ​ഞ്ച​രി​ക്കു​ന്ന റേ​ഷ​ൻ​ക​ട​ക​ൾ ഫ്ലാ​ഗ് ഓ​ഫ് ചെ​യ്തു. ലൈ​ഫ് പ​ദ്ധ​തി പ്ര​കാ​രം ആ​വി​ഷ്ക​രി​ച്ചി​ട്ടു​ള്ള ഭ​വ​ന​നി​ർ​മാ​ണ പ​ദ്ധ​തി​യി​ൽ ആ​ദി​വാ​സി​ക​ൾ​ക്ക് മു​ൻ​ഗ​ണ​ന ന​ൽ​കു​മെ​ന്നു മ​ന്ത്രി പ​റ​ഞ്ഞു. ആ​ദി​വാ​സി വി​ഭാ​ഗ​ങ്ങ​ൾ​ക്ക് സ്വ​യം​തൊ​ഴി​ലാ​യി 10 ല​ക്ഷം രൂ​പ വ​രെ ന​ൽ​കു​ന്ന വാ​യ്പാ​പ​ദ്ധ​തി​ക​ൾ ന​ട​പ്പി​ലാ​ക്കു​മെ​ന്നും വി​ദ്യാ​ർ​ഥി​ക​ൾ​ക്കു​ള്ള ഇ- ​ഗ്രാ​ൻ​ഡ് കു​ടി​ശി​ക പൂ​ർ​ണ​മാ​യി വി​ത​ര​ണം ചെ​യ്യു​മെ​ന്നും സ​മ​ഗ്ര പ​ദ്ധ​തി​പ്ര​കാ​രം കോ​ട്ട​ത്ത​റ ട്രൈ​ബ​ൽ ആ​ശു​പ​ത്രി​ക്ക് ന​ൽ​കേ​ണ്ടി​യി​രു​ന്ന കു​ടി​ശി​ക​ത്തു​ക അ​നു​വ​ദി​ച്ചി​ട്ടു​ണ്ടെ​ന്നും 24 മ​ണി​ക്കൂ​റും ആ​ശു​പ​ത്രി​യി​ൽ ചി​കി​ത്സ ല​ഭ്യ​മാ​കു​ന്ന ത​ര​ത്തി​ൽ സൗ​ക​ര്യ​ങ്ങ​ൾ വ​ർ​ധി​പ്പി​ക്കു​മെ​ന്നും മ​ന്ത്രി അ​റി​യി​ച്ചു.

അ​ട്ട​പ്പാ​ടി​യി​ലെ ആ​ദി​വാ​സി ഗോ​ത്ര​വി​ഭാ​ഗ​ങ്ങ​ളു​ടെ ത​ന​തു​ക​ല​ക​ൾ സം​ര​ക്ഷി​ക്കു​ന്ന​തി​നും വി​ക​സി​പ്പി​ക്കു​ന്ന​തി​നു​മാ​യി ക​ലാ​കേ​ന്ദ്ര സ്ഥാ​പി​ക്കു​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു. അ​ട്ട​പ്പാ​ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് എ​സ്. അ​ല്ല​ൻ യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ചു.
ഭ​ക്ഷ്യ സു​ര​ക്ഷാ ക​മ്മീ​ഷ​നം​ഗം മു​രു​കേ​ഷ് ചെ​റു​നാ​ലി, അ​ഗ​ളി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഷി​ബു സി​റി​യ​ക്, ഷോ​ള​യൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ചി​ത്ര രാ​മ​സ്വാ​മി, പു​തൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് സി. ​ത​ങ്ക​വേ​ൽ, ജി​ല്ലാ പ​ഞ്ചാ​യ​ത്ത് അം​ഗം വി.​എം. ല​ത്തീ​ഫ്, പാ​ലൂ​ർ ബ്ലോ​ക്ക് പ​ഞ്ചാ​യ​ത്തം​ഗം ചെ​ല്ല​ൻ, മ​ണി​ക​ണ്ഠ​ൻ, ജി​ല്ലാ സ​പ്ലൈ ഓ​ഫീ​സ​ർ എ.​എ​സ്. ബീ​ന, വി.​എ​ച്ച്. മു​സ്ത​ഫ, സി. ​രാ​ധാ​കൃ​ഷ്ണ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.

Tags : NattuVishesham DistrictNews