13

ഹ​രി​പ്പാ​ട്: കൊ​പ്പാ​റ-​കാ​ർ​ത്തി​ക​പ്പ​ള്ളി തോ​ട്ടി​ൽ ക​ല്ലേ​ലി​ൽ​പ്പ​ടി ഭാ​ഗ​ത്ത് മ​ര​ങ്ങ​ളു​ടെ ചി​ല്ല​ക​ൾ വെ​ട്ടി​യി​ട്ട​തി​നെതു​ട​ർ​ന്ന് നീ​രൊ​ഴു​ക്ക് പൂ​ർ​ണ​മാ​യും ത​ട​സ​പ്പെ​ട്ടു. ഹ​രി​പ്പാ​ട് ന​ഗ​ര​സ​ഭ​യെ​യും കു​മാ​ര​പു​രം പ​ഞ്ചാ​യ​ത്തി​നെ​യും ബ​ന്ധി​പ്പി​ക്കു​ന്ന ക​ല്ലേ​ലി​ൽ​പ്പ​ടി പാ​ല​ത്തി​ന് സ​മീ​പ​മാ​ണ് ദു​രി​താ​വ​സ്ഥ. ന​ഗ​ര​സ​ഭ ഒ​ന്നാം വാ​ർ​ഡി​ൽ തോ​ടി​ന് സ​മീ​പ​മു​ള്ള സ്വ​കാ​ര്യവ്യ​ക്തി​യു​ടെ പു​ര​യി​ട​ത്തി​ലെ മ​ര​ങ്ങ​ൾ വെ​ട്ടി​യശേ​ഷ​മാ​ണ് ചി​ല്ല​ക​ൾ തോ​ട്ടി​ലേ​ക്ക് ത​ള്ളി​യ​ത്.

ക​ഴി​ഞ്ഞദി​വ​സ​ങ്ങ​ളി​ലെ ശ​ക്ത​മാ​യ മ​ഴ​യെത്തുട​ർ​ന്ന് തോ​ട്ടി​ൽ ജ​ല​നി​ര​പ്പുയ​ർ​ന്നി​രി​ക്കു​ക​യാ​ണ്. ഒ​ഴു​ക്ക് ത​ട​സ​പ്പെ​ട്ട് വെ​ള്ളം കെ​ട്ടി​നി​ൽ​ക്കു​ന്ന​തി​നാ​ൽ വ​രും ദി​വ​സ​ങ്ങ​ളി​ൽ മ​ഴ ക​ന​ത്താ​ൽ കു​മാ​ര​പു​രം ആ​റാം വാ​ർ​ഡി​ന്‍റെ വ​ട​ക്ക​ൻ ഭാ​ഗ​ങ്ങ​ളി​ലെ വീ​ടു​ക​ളി​ലേ​ക്ക് വെ​ള്ളം ക​യ​റു​മെ​ന്ന ഭീ​തി​യി​ലാ​ണ് പ്ര​ദേ​ശ​വാ​സി​ക​ൾ.

തോ​ട്ടി​ൽനി​ന്ന് മ​ര​ച്ചി​ല്ല​ക​ളും മാ​ലി​ന്യ​ങ്ങ​ളും നീ​ക്കം ചെ​യ്യ​ണ​മെ​ന്ന് കു​മാ​ര​പു​രം പ​ഞ്ചാ​യ​ത്ത് ആ​റാം വാ​ർ​ഡ് അം​ഗ​വും പ്ര​ദേ​ശ​വാ​സി​ക​ളും പ​ല​ത​വ​ണ വ​സ്തു ഉ​ട​മ​യോ​ട് ആ​വ​ശ്യ​പ്പെ​ട്ടി​ട്ടും ന​ട​പ​ടി​യു​ണ്ടാ​യി​ട്ടി​ല്ലെ​ന്ന് ആ​ക്ഷേ​പ​മു​ണ്ട്. നീ​രൊ​ഴു​ക്ക് നി​ല​ച്ച​തോ​ടെ ഈ ​ഭാ​ഗ​ത്ത് രാ​ത്രി​കാ​ല​ങ്ങ​ളി​ൽ പ്ലാ​സ്റ്റി​ക്കും അ​റ​വു​മാ​ലി​ന്യ​ങ്ങ​ളും ഉ​ൾ​പ്പെ​ടെ​യു​ള്ള​വ വ്യാ​പ​ക​മാ​യി നി​ക്ഷേ​പി​ക്ക​പ്പെ​ടു​ന്നു​ണ്ട്. ഇ​തോ​ടെ പ്ര​ദേ​ശം ക​ടു​ത്ത ആ​രോ​ഗ്യ​ഭീ​ഷ​ണി​യി​ലു​മാ​യി.
ചെ​റു​ത​ന​യി​ൽനി​ന്ന് ആ​രം​ഭി​ച്ച് ക​രു​വാ​റ്റ, കു​മാ​ര​പു​രം, കാ​ർ​ത്തി​ക​പ്പ​ള്ളി എ​ന്നീ നാ​ല് പ​ഞ്ചാ​യ​ത്തു​ക​ളി​ലൂ​ടെ ഒ​ഴു​കി കാ​യം​കു​ളം കാ​യ​ലി​ന്‍റെ ഭാ​ഗ​മാ​യ പൂ​ത്തോ​ട്ടി​ലാ​ണ് ഈ ​തോ​ട് ചെ​ന്നു​ചേ​രു​ന്ന​ത്. ഒ​രു​കാ​ല​ത്ത് ഈ ​പ്ര​ദേ​ശ​ങ്ങ​ളി​ലെ ജ​ല​സേ​ച​ന​ത്തി​നും കാ​ർ​ഷി​ക ആ​വ​ശ്യ​ങ്ങ​ൾ​ക്കും ഏ​റെ നി​ർ​ണാ​യ​ക പ​ങ്കു​വ​ഹി​ച്ചി​രു​ന്ന പ്ര​ധാ​ന ജ​ല​സ്രോ​ത​സാ​യി​രു​ന്നു കാ​ർ​ത്തി​ക​പ്പ​ള്ളി തോ​ട്.

എ​ന്നാ​ൽ, അ​ധി​കൃ​ത​രു​ടെ അ​വ​ഗ​ണ​നമൂ​ലം ഇ​ന്ന് മ​ലി​ന​ജ​ല​വും പ്ലാ​സ്റ്റി​ക് മാ​ലി​ന്യ​ങ്ങ​ളും നി​റ​ഞ്ഞ അ​വ​സ്ഥ​യി​ലാ​ണ് തോ​ട്. അ​ടി​യ​ന്ത​ര​മാ​യി അ​ധി​കൃ​ത​ർ ഇ​ട​പെ​ട്ട് തോ​ട്ടി​ലെ മ​ര​ക്കൊ​മ്പു​ക​ളും മാ​ലി​ന്യ​ങ്ങ​ളും നീ​ക്കി നീ​രൊ​ഴു​ക്ക് സു​ഗ​മ​മാ​ക്ക​ണ​മെ​ന്നും പ്ര​ദേ​ശ​ത്തെ വെ​ള്ള​പ്പൊ​ക്ക ഭീ​ഷ​ണി​യി​ൽനി​ന്ന് ര​ക്ഷി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.

Tags : Tree branches Nattuvishesham District news