നാടുകാണിച്ചുരം പാതയിൽ മുളങ്കുട്ടങ്ങൾ റോഡിലേക്ക് വീണപ്പോൾ.
എടക്കര: കനത്ത മഴയെത്തുടർന്ന് നാടുകാണി ചുരം പാതയിൽ മുളങ്കൂട്ടങ്ങൾ റോഡിലേക്ക് പതിച്ച് ഗതാഗതം ഭാഗികമായി തസപ്പെട്ടു. ചുരത്തിലെ കേരള- തമിഴ്നാട് അതിർത്തി, തകരപ്പാടി, ജാറം, പോത്തുംകുഴി തുടങ്ങിയ ഭാഗങ്ങളിലാണ് ഉണങ്ങിയ മുളങ്കൂട്ടങ്ങൾ റോഡിലേക്ക് പതിച്ചത്.
ഇതിനു പുറമേ ജാറം ഭാഗത്ത് ചെറിയ മണ്ണിടിച്ചിലുമുണ്ടായി. നെല്ലിക്കുത്ത് ഡെപ്യൂട്ടി റേഞ്ച് ഓഫീസർ വി. രാജേഷ്, ബീറ്റ് ഫോറസ്റ്റ് ഓഫീസർമാരായ പി.എം. അയൂബ്, പ്രദീപ്കുമാർ എന്നിവരുടെ നേതൃത്വത്തിൽ മുളങ്കൂട്ടങ്ങൾ വെട്ടിമാറ്റി ഗതാഗത തടസം ഒഴിവാക്കി.
Tags : Local News Nattuvishesham Malappuram