രാജാക്കാട്: മൃഗസംരക്ഷണ വകുപ്പിന്റെ നേതൃത്വത്തിൽ ദേശീയ ജന്തുരോഗ നിയന്ത്രണ പദ്ധതിയുടെ (എൻഎഡിസിപി) ഭാഗമായി സംഘടിപ്പിക്കുന്ന കുളമ്പുരോഗ പ്രതിരോധ കുത്തിവയ്പ് യജ്ഞത്തിന്റ് പഞ്ചായത്തുതല ഉദ്ഘാടനം ചെറുപുറം വിനായക ഫാമിൽ പഞ്ചായത്ത് പ്രസിഡന്റ് കിങ്ങിണി രാജേന്ദ്രൻ ഉദ്ഘാടനം ചെയ്തു. ജൂലൈ 13 വരെയാണ് യജ്ഞം.
പഞ്ചായത്ത് വൈസ് പ്രസിഡന്റ് ബെന്നി പാലക്കാട്ട് അധ്യക്ഷത വഹിച്ചു. സാജു പഴപ്ലാക്കൽ, വെറ്ററിനറി സർജൻ ഡോ. സുർജിത്ത് ജെ. കുമാർ, ബാബു ജോസഫ്, ജോഷി കന്യാക്കുഴി എന്നിവർ പ്രസംഗിച്ചു രാജാക്കാട് പഞ്ചായത്തിലെ ക്ഷീരകർഷകർക്കു മാതൃകയാകുന്ന രീതിയിൽ പശുഫാം നടത്തുന്ന വിജു -മഞ്ജുള ദമ്പതികളെ ചടങ്ങിൽ അനുമോദിച്ചു.