വണ്ടിപ്പെരിയാർ: അരണക്കൽ സത്രത്തിലേക്കും സത്രം വിനോദസഞ്ചാര കേന്ദ്രങ്ങളിലേക്കും പോകുന്ന വണ്ടിപ്പെരിയാർ - സത്രം റോഡ് തകർന്ന് യാത്രാ യോഗ്യമല്ലാതായിട്ട് വർഷങ്ങളായി.
ശബരിമല പരമ്പരാഗത കാനനപാതയായ സത്രം വഴി ശബരിമല ദർശനത്തിനു പോകുന്ന അയ്യപ്പഭക്തരുടെ വാഹനങ്ങളും വിനോദസഞ്ചാരികളുമായി എത്തുന്ന വാഹനങ്ങളും സർവീസ് ബസുകളും സാധാരണക്കാരുടെ വാഹനങ്ങളും ദുർഘടപാതയിലൂടെയാണ് കടന്നുപോകുന്നത്.
ഒരു വർഷം മുമ്പ് ജില്ലാ പഞ്ചായത്ത് ഭരണസമിതി വണ്ടിപ്പെരിയാർ - അരണക്കൽ - സത്രം റോഡിന്റെ നവീകരണത്തിനായി 50 ലക്ഷം രൂപ വകയിരുത്തിയിരുന്നു. കഴിഞ്ഞ ശബരിമല സീസനു മുൻപ് റോഡിൻ്റെ ടാറിംഗ് നടത്താനാണ് തുക അനുവദിച്ചത്. അന്നത്തെ ജില്ലാ പഞ്ചായത്ത് അംഗത്തിന്റെ മകനാണ് കരാർ എടുത്തിരുന്നത്. റോഡിന്റെ കുറേ ഭാഗം ഇളക്കിയിട്ടതല്ലാതെ നിർമാണപ്രവർത്തനങ്ങൾ നടത്തിയിട്ടില്ല.
Tags : miserable Nattuvishesham District news