വിപിഎസ് ലേക്ഷോര് കെയർ ഓൺ വീൽസ് വാഹനത്തിന്റെ ഫ്ലാഗ് ഓഫ് ചെയർമാൻ ഡോ. ഷംഷീർ വയലിൽ നിർവഹിക്കുന്നു.
മരട്: അന്താരാഷ്ട്ര നിലവാരത്തിലുള്ള ആരോഗ്യ സേവനങ്ങൾ സൗജന്യമായി കേരളത്തിലുടനീളമെത്തിക്കുന്നതിന് വിപിഎസ് ലേക്ഷോര് ആവിഷ്കരിച്ച മൊബൈൽ ഹെൽത്ത് കെയർ സംരംഭം കെയർ ഓൺ വീൽസ് പദ്ധതിക്ക് തുടക്കമായി. ചെയർമാൻഡോ. ഷംഷീർ വയലിൽ മൊബൈൽ ഹെൽത്ത് കെയർ യൂണിറ്റ് വാഹനം ഫ്ലാഗ് ഓഫ് ചെയ്തു.
ഗ്രാമ, നഗര വ്യത്യാസമില്ലാതെ സംസ്ഥാനത്തെ വിവിധ പ്രദേശങ്ങളിലുള്ള ജനങ്ങൾക്ക് സൗജന്യ ആരോഗ്യ സേവനങ്ങൾ ലഭ്യമാക്കുകയാണ് പദ്ധതിയിലൂടെ ലക്ഷ്യമിടുന്നത്.
കാർഡിയോളജി, റേഡിയോളജി സേവനങ്ങളുടെ പിന്തുണയോടെയുള്ള അൾട്രാസൗണ്ട് സംവിധാനങ്ങൾ, ഇസിജി സ്ക്രീനിംഗ്, പോർട്ടബിൾ ഓഡിയോമെട്രി, പോർട്ടബിൾ സ്പൈറോമെട്രി, ഡോക്ടർ കൺസൾട്ടേഷൻ, അടിസ്ഥാന ആരോഗ്യ പരിശോധനകൾ, ടെലി കൺസൾട്ടേഷൻ സൗകര്യം എന്നിവ മൊബൈൽ യൂണിറ്റിൽ സജ്ജീകരിച്ചിട്ടുണ്ട്.
ആദ്യവർഷത്തിൽ കേരളത്തിലുടനീളം 150ലധികം ഹെൽത്ത് ക്യാമ്പുകൾ സംഘടിപ്പിക്കാനും 25,000ത്തിലധികം ഗുണഭോക്താക്കളിലേയ്ക്ക് എത്തിച്ചേരാനുമാണ് പദ്ധതിയിലൂടെ ലക്ഷ്യമിടുന്നത്. വിപിഎസ് ലേക്ഷോര് മാനേജിംഗ് ഡയറക്ടർ എസ്.കെ. അബ്ദുള്ള, ഹെമറ്റോളജിസ്റ്റ് ഡോ.അലോക് ശ്രീവാസ്തവ എന്നിവർ പരിപാടിയിൽ പങ്കെടുത്തു.
Tags : Local News Nattuvishesham Ernakulam