4

പ​ത്ത​നം​തി​ട്ട: കേ​ര​ള​ത്തി​ലെ ര​ണ്ടാ​മ​ത്തെ വലിയ ജ​ല​വൈ​ദ്യു​ത പ​ദ്ധ​തി​യാ​യ ശ​ബ​രി​ഗി​രി​യു​ടെ ര​ണ്ട് പ്ര​ധാ​ന സം​ഭ​ര​ണി​ക​ളി​ലും ജ​ല​നി​ര​പ്പ് ശ​രാ​ശ​രി 44 ശ​ത​മാ​ന​ത്തോ​ള​മാ​ണ്.ക​ക്കി-​ആ​ന​ത്തോ​ട് സം​ഭ​ര​ണ​യി​ൽ 48.09 ശ​ത​മാ​ന​വും പ​ന്പ​യി​ൽ 39.9 ശ​ത​മാ​ന​വു​മാ​ണ് ഇ​ന്ന​ല​ത്തെ ജ​ല​നി​ര​പ്പ്. വൃ​ഷ്ടി​പ്ര​ദേ​ശ​ങ്ങ​ളി​ൽ മ​ഴ ല​ഭി​ക്കു​ന്നു​ണ്ടെ​ങ്കി​ലും ജ​ല​നി​ര​പ്പ് നി​ല​വി​ലെ സാ​ഹ​ച​ര്യ​ത്തി​ൽ ഭീ​ഷ​ണി ഉ​യ​ർ​ത്തു​ന്നി​ല്ല. ഇ​ക്കൊ​ല്ലം വേ​ന​ൽ​മ​ഴ​യി​ലെ കു​റ​വും ജൂ​ൺ മാ​സ​ത്തി​ൽ സാ​ധാ​ര​ണ ല​ഭി​ക്കാ​റു​ള്ള മ​ഴ ല​ഭി​ക്കാ​തി​രു​ന്ന​തും കാ​ര​ണം പ്ര​ധാ​ന സം​ഭ​ര​ണി​ക​ൾ ഭീ​ഷ​ണി​യാ​യി​ട്ടി​ല്ല. 2018ൽ ​ക​ക്കി, പ​ന്പ സം​ഭ​ര​ണി​ക​ൾ തു​റ​ന്ന് വെ​ള്ളം ഒ​ഴു​ക്കേ​ണ്ട സാ​ഹ​ച​ര്യ​ത്തി​ലാ​ണ് പ്ര​ള​യ​ക്കെ​ടു​തി​ക​ൾ അ​തി​രൂ​ക്ഷ​മാ​യ​ത്.

ശ​ബ​രി​ഗി​രി പ​ദ്ധ​തി​യി​ലെ ഉ​ത്പാ​ദ​ന​ശേ​ഷം പു​റ​ന്ത​ള്ളു​ന്ന വെ​ള്ളം സം​ഭ​രി​ക്കു​ന്ന മൂ​ഴി​യാ​റി​ലാ​ണ് പി​ന്നീ​ടു​ള്ള വ​ലി​യ ഡാം. ​വൃ​ഷ്ടി പ്ര​ദേ​ശ​ങ്ങ​ളി​ലെ നീ​രൊ​ഴു​ക്കി​ലൂ​ടെ വേ​ലു​ത്തോ​ട്ടി​ൽ നി​ന്നു​ള്ള വെ​ള്ളം കൂ​ടി സം​ഭ​ര​ണി​യി​ലെ​ത്തു​ന്നു​ണ്ട്. ഇ​ന്ന​ലെ രാ​വി​ലെ ജ​ല​നി​ര​പ്പ് പൂ​ർ​ണ​ശേ​ഷി​യി​ലെ​ത്തി​യ​തോ​ടെ റെ​ഡ് അ​ല​ർ​ട്ട് ന​ൽ​കു​ക​യും ഉ​ച്ച​യോ​ടെ മൂ​ഴി​യാ​റി​ലെ ഒ​രു ഷ​ട്ട​ർ 15 സെ​ന്‍റി​മീ​റ്റ​ർ തു​റ​ക്കു​ക​യും ചെ​യ്തു.

സം​ഭ​ര​ണി​യു​ടെ ജ​ല​നി​ര​പ്പ് പ​ര​മാ​വ​ധി നി​ല​യാ​യ 192.63 മീ​റ്റ​ർ എ​ത്തി​യ​തോ​ടെ​യാ​ണ് ഡാ​മി​ന്‍റെ ഷ​ട്ട​ർ ഉ​യ​ർ​ത്തി​യ​ത്. ഇ​തോ​ടെ ക​ക്കാ​ട്ടാ​റ്റി​ൽ ജ​ല​നി​ര​പ്പ് നേ​രി​യ​തോ​തി​ൽ ഉ​യ​ർ​ന്നു. ചെ​റു​കി​ട പ​ദ്ധ​തി​ക​ളാ​യ അ​ള്ളു​ങ്ക​ലി​ലും കാ​രി​ക്ക​യ​ത്തും സം​ഭ​ര​ണി​ക​ൾ തു​റ​ന്നു​വ​ച്ചി​രി​ക്കു​ക​യാ​ണ്. വെ​ള്ളി​യാ​ഴ്ച രാ​ത്രി മ​ഴ​യി​ൽ പ​ദ്ധ​തി​ക​ളു​ടെ പ്ര​വ​ർ​ത്ത​നംത​ന്നെ ത​ട​സ​പ്പെ​ട്ടി​രു​ന്നു. മ​ണി​യാ​റി​ലും നി​ല​വി​ൽ വെ​ള്ളം സം​ഭ​രി​ക്കു​ന്നി​ല്ല. ശ​ബ​രി​ഗി​രി പ​ദ്ധ​തി​ക​ളു​ടെ സം​ഭ​ര​ണി​ക​ൾ പി​ന്നി​ട്ടാ​ൽ കാ​ര്യ​മാ​യി വെ​ള്ളം ത​ട​യ​പ്പെ​ടാ​തെ വ​ന്ന​തോ​ടെ​യാ​ണ് ശ​ക്ത​മാ​യ ഒ​ഴു​ക്ക് പ​ന്പ​യി​ൽ ഉ​ണ്ടാ​യ​ത്.

ന​ദി​ക​ളി​ൽ ജ​ല​നി​ര​പ്പ് ഉ​യ​ർ​ന്നുത​ന്നെ

പ​ന്പ, അ​ച്ച​ൻ​കോ​വി​ൽ, മ​ണി​മ​ല ന​ദി​ക​ളി​ൽ ഇ​ന്ന​ലെ രാ​വി​ലെ​യു​ള്ള ക​ണ​ക്കെ​ടു​പ്പി​ൽ എ​ല്ലാ​യി​ട​ത്തും ജ​ല​നി​ര​പ്പ് ഉ​യ​ർ​ന്നു നി​ൽ​ക്കു​ക​യാ​ണ്. രാ​ത്രി​യി​ൽ പെ​യ്ത ശ​ക്ത​മാ​യ മ​ഴ​യാ​ണ് ന​ദി​ക​ളി​ലെ ജ​ല​നി​ര​പ്പ് വ​ർ​ധി​പ്പി​ച്ച​ത്.

പ​ന്പ - അ​യി​രൂ​രി​ൽ 8.63 മീ​റ്റ​റാ​ണ് ഇ​ന്ന​ലെ രാ​വി​ലെ ജ​ല​നി​ര​പ്പ്. ആ​റ​ന്മു​ള​യി​ൽ 8.1 മീ​റ്റ​ർ വെ​ള്ള​മു​ണ്ട്. ത​ലേ​ന്ന് 8.2 മീ​റ്റ​റു​ണ്ട​യി​രു​ന്നു. മാ​ല​ക്ക​ര​യി​ൽ 7.33 മീ​റ്റ​ർ വെ​ള്ള​മു​ണ്ട്. 2018ൽ ​ആ​റ​ന്മു​ള​യി​ൽ 10.38 മീ​റ്റ​റി​ലും മാ​ല​ക്ക​ര​യി​ൽ 9.58 മീ​റ്റ​റി​ലും ജ​ല​നി​ര​പ്പെ​ത്തി​യി​രു​ന്നു. ഏ​ഴ് മീ​റ്റ​റി​ൽ ജ​ല​നി​ര​പ്പ് അ​ധി​ക​രി​ച്ചാ​ൽ സാ​ധാ​ര​ണ നി​ല​യി​ൽ റെ​ഡ് അ​ല​ർ​ട്ട് ന​ൽ​കാ​റു​ണ്ട്. വി​സ്തൃ​തി കു​റ​വാ​യ മാ​ട​മ​ൺ ഭാ​ഗ​ത്ത് 102 മീ​റ്റ​റാ​ണ് ജ​ല​നി​ര​പ്പ്. കേ​ന്ദ്ര ജ​ല​ക​മ്മീ​ഷ​നാ​ണ് ന​ദി​ക​ളി​ലെ വെ​ള്ള​ത്തി​ന്‍റെ അ​ള​വ് കൃ​ത്യ​മാ​യി രേ​ഖ​പ്പെ​ടു​ത്തി ന​ൽ​കു​ന്ന​ത്. മ​ണി​മ​ല​യി​ൽ വ​ള്ളം​കു​ള​ത്ത് 6.36 മീ​റ്റ​റും ക​ല്ലൂ​പ്പാ​റ​യി​ൽ 7.33 മീ​റ്റ​റി​ലെ​ത്തി​യ​തോ​ടെ റെ​ഡ് അ​ല​ർ​ട്ട് ന​ൽ​കി​യി​രി​ക്കു​ക​യാ​ണ്. അ​ച്ച​ൻ​കോ​വി​ലാ​റ്റി​ൽ പ​ന്ത​ള​ത്ത് 84.7 മീ​റ്റ​റാ​ണ് ജ​ല​നി​ര​പ്പ്. മ​ണ്ണീ​റ​യി​ൽ 105. 88 മീ​റ്റ​റും താ​വ​ള​പ്പാ​റ​യി​ൽ 70.58 മീ​റ്റ​റു​മാ​ണ് ജ​ല​നി​ര​പ്പ്.

Tags : nattu vishesham Water levels Sabarigiri