ക്ഷേ​ത്ര​പ്ര​വേ​ശ​ന വി​ളം​ബ​ര​ത്തി​ന്‍റെ ആ​ത്മാ​വി​നെ ഒ​ന്നു നോ​ക്കു​ക​പോ​ലും ചെ​യ്യാ​തെ അ​തി​ന്‍റെ 90ാം വാ​ർ​ഷി​ക​വും നാം ​ആ​ച​രി​ക്കു​ന്നു. അ​ടി​മ​ത്ത​വും വ​ർ​ണ​വി​വേ​ച​ന​വും നി​രോ​ധി​ച്ച ലോ​ക​ത്തെ എ​ല്ലാ ഔ​ദ്യോ​ഗി​ക പ്ര​ഖ്യാ​പ​ന​ങ്ങ​ളും നേ​രി​ട്ട ദു​ർ​വി​ധി​യാ​ണി​ത്. വി​പ്ല​വ​ങ്ങ​ളു​ടെ​യും സ​മ​ര​ങ്ങ​ളു​ടെ​യും രാ​ഷ്‌​ട്രീ​യ-​മ​ത അ​നി​വാ​ര്യ​ത​ക​ളു​ടെ​യും ഭാ​ഗ​മാ​യി നി​യ​മ​ങ്ങ​ളു​ണ്ടാ​കും. പ​ക്ഷേ, മേ​ൽ​ക്കോ​യ്മ​യോ​ട് ആ​ർ​ത്തി​യു​ള്ള സ​വ​ർ​ണാ​ധി​കാ​രം തു​ല്യ​ത​യെ അം​ഗീ​ക​രി​ക്കി​ല്ല. 1936 ന​വം​ബ​ർ 12നാ​യി​രു​ന്നു താ​ഴ്ന്ന ജാ​തി​ക്കാ​രാ​യ ഹി​ന്ദു​ക്ക​ൾ​ക്ക് തി​രു​വി​താം​കൂ​റി​ലെ ക്ഷേ​ത്ര​ത്തി​ൽ പ്ര​വേ​ശി​ക്കാ​മെ​ന്ന വി​ളം​ബ​ര​മു​ണ്ടാ​യ​ത്. പ​ക്ഷേ, പ്രാ​ർ​ഥി​ക്കാ​ന​ല്ലാ​തെ പൂ​ജാ​രി​യാ​കാ​ൻ ഇ​ന്നും ത​ട​സ​മാ​ണ്. 90 വ​ർ​ഷം​കൊ​ണ്ട് നാം ​ഒ​ര​ടി മു​ന്നോ​ട്ടു വ​ച്ചി​ല്ല. ന​മ്മു​ടെ ന​വോ​ത്ഥാ​ന​ങ്ങ​ൾ​ക്കു വാ​ർ​ഷി​ക​ങ്ങ​ളേ​യു​ള്ളൂ; തു​ട​ർ​ച്ച​യി​ല്ല.

ആ​ധു​നി​ക തി​രു​വി​താം​കൂ​റി​ന്‍റെ മാ​ഗ്ന​കാ​ർ​ട്ട എ​ന്ന​റി​യ​പ്പെ​ട്ട ക്ഷേ​ത്ര​പ്ര​വേ​ശ​ന വി​ളം​ബ​ര​ത്തി​ൽ ഒ​പ്പു​വ​ച്ച​ത് തി​രു​വി​താം​കൂ​ർ മ​ഹാ​രാ​ജാ​വാ​യി​രു​ന്ന ശ്രീ ​ചി​ത്തി​ര തി​രു​നാ​ൾ ബാ​ല​രാ​മ​വ​ർ​മ​യാ​ണ്. അ​വ​ർ​ണ​ർ​ക്കും ദ​ളി​ത്-​ആ​ദി​വാ​സി വി​ഭാ​ഗ​ങ്ങ​ൾ​ക്കും തി​രു​വി​താം​കൂ​റി​ലെ എ​ല്ലാ ഹൈ​ന്ദ​വ ക്ഷേ​ത്ര​ങ്ങ​ളി​ലും പ്ര​വേ​ശി​ക്കാ​നും ആ​രാ​ധ​ന ന​ട​ത്താ​നു​മു​ള്ള അ​വ​കാ​ശ​മാ​യി​രു​ന്നു അ​ത്.

വൈ​ക്കം ക്ഷേ​ത്ര​ത്തി​നു ചു​റ്റു​മു​ള്ള പൊ​തു​വ​ഴി​ക​ളി​ലൂ​ടെ താ​ഴ്ന്ന ജാ​തി​ക്കാ​ർ​ക്കും അ​വ​ർ​ണ​ർ​ക്കും സ​ഞ്ചാ​ര​സ്വാ​ത​ന്ത്ര്യ​ത്തി​നു​വേ​ണ്ടി ന​ട​ത്തി​യ വൈ​ക്കം സ​ത്യ​ഗ്ര​ഹം (1924-25), അ​യി​ത്താ​ചാ​ര​ങ്ങ​ൾ​ക്കും ക്ഷേ​ത്ര​പ്ര​വേ​ശ​നം നി​ഷേ​ധി​ക്കു​ന്ന​തി​നും എ​തി​രാ​യി ന​ട​ത്തി​യ ഗു​രു​വാ​യൂ​ർ സ​ത്യ​ഗ്ര​ഹം (1931-32) തു​ട​ങ്ങി​യ പ്ര​ക്ഷോ​ഭ​ങ്ങ​ളു​ടെ പ​ശ്ചാ​ത്ത​ലം ക്ഷേ​ത്ര​പ്ര​വേ​ശ​ന വി​ളം​ബ​ര​ത്തി​നു പ്രേ​ര​ക​മാ​യി. പ​ക്ഷേ, പെ​ട്ടെ​ന്നു​ള്ള വി​ളം​ബ​ര​ത്തി​നു കാ​ര​ണം വേ​റെ​യു​ണ്ട്.

ഇ​തു തി​രു​വി​താം​കൂ​റി​ലെ മാ​ത്രം കാ​ര്യ​മാ​യി​രു​ന്നി​ല്ല. ജാ​തി​വ്യ​വ​സ്ഥ​യും അ​യി​ത്ത​വും ഹി​ന്ദു​മ​ത​ത്തി​നു​ള്ളി​ൽ നി​ന്നു​കൊ​ണ്ട് പ​രി​ഷ്ക​രി​ക്കാ​നാ​വി​ല്ലെ​ന്ന തി​രി​ച്ച​റി​വ് ഡോ. ​ബി.​ആ​ർ. അം​ബേ​ദ്ക​റെ ക​ടു​ത്ത തീ​രു​മാ​ന​ങ്ങ​ൾ​ക്കു പ്രേ​രി​പ്പി​ച്ചു. ഒ​രു ഹി​ന്ദു​വാ​യി ജ​നി​ച്ച താ​ൻ ഹി​ന്ദു​വാ​യി മ​രി​ക്കി​ല്ലെ​ന്ന് അ​ദ്ദേ​ഹം 1935ൽ ​പ്ര​ഖ്യാ​പി​ച്ചു. ആ​ത്മാ​ഭി​മാ​ന​വും സ​മ​ത്വ​വും സ്വാ​ത​ന്ത്ര്യ​വും നേ​ട​ണ​മെ​ങ്കി​ൽ മ​തം മാ​റ​ണ​മെ​ന്ന് അ​ദ്ദേ​ഹം അ​ധഃ​സ്ഥി​ത ജ​ന​വി​ഭാ​ഗ​ങ്ങ​ളോ​ട് ആ​ഹ്വാ​നം ചെ​യ്തു. കേ​ര​ള​ത്തി​ൽ സി.​വി. കു​ഞ്ഞു​രാ​മ​നും സ​ഹോ​ദ​ര​ൻ അ​യ്യ​പ്പ​നു​മൊ​ക്കെ ഇ​തേ ച​ർ​ച്ച​ക​ൾ സ​ജീ​വ​മാ​ക്കി.

ഇ​ത് ഹി​ന്ദു​മ​ത നേ​താ​ക്ക​ളെ​യും ഭ​ര​ണാ​ധി​കാ​രി​ക​ളെ​യും ആ​ശ​ങ്ക​യി​ലാ​ക്കി​യെ​ന്ന​താ​ണ് യാ​ഥാ​ർ​ഥ്യം. താ​മ​സി​യാ​തെ ക്ഷേ​ത്ര​പ്ര​വേ​ശ​ന വി​ളം​ബ​രം ന​ട​ത്താ​ൻ രാ​ജാ​വ് നി​ർ​ബ​ന്ധി​ത​നാ​യി. ഇ​തോ​ടെ വ​ലി​യൊ​രു വി​ഭാ​ഗം ആ​ളു​ക​ൾ മ​ത​പ​രി​വ​ർ​ത്ത​ന നീ​ക്ക​ങ്ങ​ളി​ൽ​നി​ന്നു പി​ന്മാ​റി. എ​ന്നാ​ൽ, കൊ​ച്ചി​യി​ലെ​യും മ​ല​ബാ​റി​ലെ​യും പി​ന്നാ​ക്ക ജാ​തി​ക്കാ​ർ​ക്ക് ഇ​ന്ത്യ​ക്കു സ്വാ​ത​ന്ത്ര്യം കി​ട്ടു​വോ​ളം കാ​ത്തി​രി​ക്കേ​ണ്ടി​വ​ന്നു.

എ​ന്താ​ണ് ഇ​ന്ന​ത്തെ സ്ഥി​തി? ദേ​വ​സ്വം റി​ക്രൂ​ട്ട്‌​മെ​ന്‍റ് ബോ​ർ​ഡ് പി​ന്നാ​ക്ക​വി​ഭാ​ഗ​ക്കാ​രെ ശാ​ന്തി, ക​ഴ​കം ത​സ്തി​ക​ക​ളി​ൽ നി​യ​മി​ക്കു​മ്പോ​ൾ ചി​ല ക്ഷേ​ത്ര​ങ്ങ​ളി​ൽ ഉ​യ​ർ​ന്ന ജാ​തി​ക്കാ​രു​ടെ പ്ര​തി​ഷേ​ധ​ങ്ങ​ളും ബ​ഹി​ഷ്ക​ര​ണ​ങ്ങ​ളും ഉ​ണ്ടാ​കു​ന്നു. വ​ട​ക്ക​ൻ കേ​ര​ള​ത്തി​ലെ ചി​ല പ്ര​ത്യേ​ക സ​മു​ദാ​യ​ങ്ങ​ളി​ലെ തെ​യ്യ​ങ്ങ​ൾ​ക്ക് ക്ഷേ​ത്ര​മു​റ്റ​ത്ത് പ്ര​വേ​ശ​നം ന​ൽ​കാ​ൻ ഇ​ന്നും മ​ടി​യാ​ണ്.

പൊ​തു​ച​ട​ങ്ങു​ക​ളി​ൽ ആ​ചാ​ര​ങ്ങ​ളു​ടെ പേ​രി​ൽ ദ​ളി​ത് വി​ഭാ​ഗ​ത്തി​ൽ​പെ​ട്ട ജ​ന​പ്ര​തി​നി​ധി​ക​ളെ​പ്പോ​ലും മാ​റ്റി​നി​ർ​ത്തി​യ സം​ഭ​വ​ങ്ങ​ളു​ണ്ടാ​യി. ഏ​റ്റ​ക്കു​റ​ച്ചി​ലു​ണ്ടാ​കാ​മെ​ങ്കി​ലും എ​ല്ലാ മ​ത​ങ്ങ​ളി​ലും രാ​ഷ്‌​ട്രീ​യ​ധാ​ര​ക​ളി​ലും മേ​ൽ​ക്കോ​യ്മ​യു​ടെ വൈ​റ​സു​ക​ൾ സ​ജീ​വ​മാ​ണ്. ജാ​തി​യി​ല്ലെ​ന്ന് അ​വ​കാ​ശ​പ്പെ​ടു​ന്ന മ​ത​വി​ശ്വാ​സി​ക​ളി​ലും പു​രോ​ഗ​മ​ന രാ​ഷ്‌​ട്രീ​യ​ക്കാ​രി​ലും മ​ഹാ​ഭൂ​രി​പ​ക്ഷ​വും വി​വാ​ഹ​ത്തി​ലു​ൾ​പ്പെ​ടെ ഒ​രു വി​ട്ടു​വീ​ഴ്ച​യും ന​ട​ത്താ​റി​ല്ല.

അ​യി​ത്ത​ത്തി​ന്‍റെ പൂ​ർ​വ​മു​ഖ​മാ​ണ് അ​ടി​മ​ത്തം. 1863ലാ​ണ് അ​മേ​രി​ക്ക​യി​ൽ ഏ​ബ്ര​ഹാം ലി​ങ്ക​ൺ അ​ടി​മ​വി​മോ​ച​ന പ്ര​ഖ്യാ​പ​ന​ത്തി​ൽ ഒ​പ്പു​വ​ച്ച​ത്. പ​ക്ഷേ, 100 വ​ർ​ഷ​ത്തി​നു​ശേ​ഷം അ​മേ​രി​ക്ക​യു​ടെ ത​ല​സ്ഥാ​ന​ത്തെ ലി​ങ്ക​ൺ സ്മാ​ര​ക​ത്തി​നു മു​ന്നി​ൽ നി​ന്നു​കൊ​ണ്ട് മാ​ർ​ട്ടി​ൻ ലൂ​ഥ​ർ കിം​ഗി​നു പ്ര​സം​ഗി​ക്കേ​ണ്ടി​വ​ന്നു, വെ​ളു​ത്ത​വ​രും ക​റു​ത്ത​വ​രും ഒ​ന്നി​ച്ചി​രു​ന്ന് അ​ത്താ​ഴം ക​ഴി​ക്കു​ന്ന ദി​വ​സ​ത്തെ​ക്കു​റി​ച്ച് സ്വ​പ്നം കാ​ണു​ന്നു​വെ​ന്ന്. വീ​ണ്ടും 63 വ​ർ​ഷ​ങ്ങ​ൾ ക​ഴി​ഞ്ഞി​രി​ക്കു​ന്നു. ഒ​ന്നി​ച്ച് അ​ത്താ​ഴം ക​ഴി​ക്കാ​റു​ണ്ട്. പ​ക്ഷേ, ക​റു​ത്ത​വ​രു​ടെ ജീ​വി​ത​ത്തി​നും പ്രാ​ധാ​ന്യ​മു​ണ്ടെ​ന്ന് അ​വ​ർ​ക്ക് നി​ര​ന്ത​രം ഓ​ർ​മി​പ്പി​ക്കേ​ണ്ടി​വ​രു​ന്നു.

ബ്രി​ട്ടീ​ഷ് പാ​ർ​ല​മെ​ന്‍റ് അ​ടി​മ​ത്തം നി​രോ​ധി​ച്ച​ത് 1833ലാ​ണ്. പ​ക്ഷേ, പി​ന്നീ​ടും അ​ടി​മ​ക്ക​ച്ച​വ​ടം ന​ട​ത്തി. 1794ൽ ​ഫ്രാ​ൻ​സ് അ​ടി​മ​ത്തം നി​രോ​ധി​ച്ചെ​ങ്കി​ലും നെ​പ്പോ​ളി​യ​ൻ അ​ത് പു​നഃ​സ്ഥാ​പി​ച്ചി​രു​ന്നു. പി​ന്നീ​ട് 1848 ഏ​പ്രി​ൽ 27ന് ​വീ​ണ്ടും പ്ര​ഖ്യാ​പി​ച്ചു. പ​ക്ഷേ, വ്യ​വ​സ്ഥ തു​ട​ർ​ന്നു. ഐ​ക്യ​രാ​ഷ്‌​ട്ര​സ​ഭ 1948 ഡി​സം​ബ​ർ 10നാ​ണ് അ​ടി​മ​വ്യ​വ​സ്ഥ നി​രോ​ധി​ച്ച​ത്. 1950ൽ ​സ്വ​ത​ന്ത്ര ഇ​ന്ത്യ​യു​ടെ ഭ​ര​ണ​ഘ​ട​ന​യു​ടെ 14, 15, 16, 17 വ​കു​പ്പു​ക​ൾ രാ​ജ്യ​മാ​കെ തു​ല്യ​ത​യു​ടെ കാ​വ​ലാ​യി. പ​ക്ഷേ, ഇ​ന്നും ദ​ളി​ത​രും ആ​ദി​വാ​സി​ക​ളും കൊ​ടി​യ ദു​രി​ത​ങ്ങ​ളി​ലൂ​ടെ ക​ട​ന്നു​പോ​കു​ന്നു.

ഉ​ത്ത​രേ​ന്ത്യ​യി​ലെ സ്ഥി​തി കൂ​ടു​ത​ൽ ദ​യ​നീ​യ​മാ​ണ്. വ​ഴി​ന​ട​ക്കാ​ൻ, ഒ​രേ പാ​ത്ര​ത്തി​ൽ​നി​ന്നു വെ​ള്ളം കു​ടി​ക്കാ​ൻ, കി​ണ​റ്റി​ൽ​നി​ന്നു വെ​ള്ളം കോ​രാ​ൻ, ക​ണ​ക്കു​പ​റ​ഞ്ഞു കൂ​ലി ചോ​ദി​ക്കാ​ൻ നി​വൃ​ത്തി​യി​ല്ല. സാ​മൂ​ഹി​ക ഭ്ര​ഷ്‌​ടു​ക​ൾ തു​ട​രു​ക​യാ​ണ്... ഒ​രു തു​ല്യ​ത​യു​മി​ല്ല. രാ​ജ്യ​സ​ഭ​യി​ൽ സ​മ​ർ​പ്പി​ച്ച നാ​ഷ​ണ​ൽ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കു​ക​ൾ പ്ര​കാ​രം, 2023ൽ 53,372 ​കേ​സു​ക​ളും 2024ൽ 48,669 ​കേ​സു​ക​ളും പ​ട്ടി​ക​ജാ​തി-​പ​ട്ടി​ക​വ​ർ​ഗ അ​തി​ക്ര​മം ത​ട​യ​ൽ നി​യ​മ​പ്ര​കാ​രം ര​ജി​സ്റ്റ​ർ ചെ​യ്തി​ട്ടു​ണ്ട്. ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, മ​ധ്യ​പ്ര​ദേ​ശ്, ബി​ഹാ​ർ സം​സ്ഥാ​ന​ങ്ങ​ളി​ലാ​ണ് ഏ​റ്റ​വും കൂ​ടു​ത​ൽ കേ​സു​ക​ൾ.

ക്ഷേ​ത്ര​പ്ര​വേ​ശ​ന വി​ളം​ബ​ര​ത്തി​ന്‍റെ 90-ാം വാ​ർ​ഷി​കം ആ​ധു​നി​ക നാ​ഗ​രി​ക​ത​യോ​ട് ആ​വ​ശ്യ​പ്പെ​ടു​ന്ന​ത്, താ​ഴ്ന്ന ജാ​തി​ക്കാ​രി​ൽ​നി​ന്നു ക​വ​ർ​ന്നെ​ടു​ത്ത അ​ന്ത​സ് ഉ​ൾ​പ്പ​ടെ എ​ല്ലാം ഇ​നി​യെ​ങ്കി​ലും ഉ​ട​മ​ക​ൾ​ക്കു തി​രി​കെ​ക്കൊ​ടു​ക്കാ​നാ​ണ്. ഭ​ര​ണ​കൂ​ട​ങ്ങ​ളും മ​ത​ങ്ങ​ളും പ്ര​സം​ഗ​ങ്ങ​ളു​ടെ പു​ക​മ​റ​യി​ൽ​നി​ന്നു പു​റ​ത്തു​വ​ര​ണം. ജാ​തി​വി​വേ​ച​നം നി​ല​നി​ൽ​ക്കു​ന്നു എ​ന്ന​തി​ന്‍റെ ആ​ദ്യ അ​ർ​ഥം വി​ദ്യാ​ഭ്യാ​സം പ​രാ​ജ​യ​പ്പെ​ട്ടു എ​ന്ന​താ​ണ്. പ്രീ ​പ്രൈ​മ​റി മു​ത​ൽ കു​ട്ടി​ക​ളെ തു​ല്യ​ത പ​രി​ശീ​ലി​പ്പി​ക്ക​ണം, ശി​ക്ഷ​ണ​വും ശി​ക്ഷ​യു​മു​ണ്ടാ​ക​ണം. ഭ​ര​ണ​ഘ​ട​നാ മൂ​ല്യ​ങ്ങ​ൾ പാ​ഠ്യ​പ​ദ്ധ​തി​യി​ൽ ഉ​ൾ​പ്പെ​ടു​ത്ത​ണം.

ജാ​തി​ബോ​ധം കൊ​ണ്ടു​ന​ട​ക്കു​ന്ന അ​ധ്യാ​പ​ക​രെ പു​റ​ത്താ​ക്കാ​ൻ നി​യ​മ​നി​ർ​മാ​ണം ന​ട​ത്ത​ണം. കു​ട്ടി​ക​ൾ​ക്കു മാ​ത്ര​മ​ല്ല, രാ​ഷ്‌​ട്രീ​യ-​മ​ത നേ​താ​ക്ക​ൾ​ക്കും ബോ​ധ​വ​ത്ക​ര​ണം ന​ട​ത്ത​ണം. കോ​ട​തി​ക​ൾ ക​ർ​ശ​ന​മാ​യി ഇ​ട​പെ​ട​ണം. ദ​ളി​ത​ർ​ക്കും ആ​ദി​വാ​സി​ക​ൾ​ക്കും തു​ല്യ അ​വ​സ​ര​ങ്ങ​ളും സാ​ന്പ​ത്തി​ക ശ​ക്തീ​ക​ര​ണ​വും ഉ​റ​പ്പാ​ക്ക​ണം. പ​ട്ടി​ക​ജാ​തി-​പ​ട്ടി​ക​വ​ർ​ഗ വ​കു​പ്പ് ഔ​ദാ​ര്യ​ങ്ങ​ളു​ടെ വി​ത​ര​ണ​ത്തി​നു​ള്ള​ത​ല്ല; അ​വ​കാ​ശ​ങ്ങ​ളു​ടെ പു​നഃ​സ്ഥാ​പ​ന​ത്തി​നു​ള്ള​താ​ണ്.

ന​വോ​ത്ഥാ​നം ച​രി​ത്ര​സ്മ​ര​ണ​യ​ല്ല, കാ​ലി​ക​മാ​യ ഉ​ത്ത​ര​വാ​ദി​ത്വ​ങ്ങ​ളു​ടെ ആ​ർ​ക്കു​മൊ​ഴി​വി​ല്ലാ​ത്ത നി​ര​ന്ത​ര​മാ​യ ഏ​റ്റെ​ടു​ക്ക​ലാ​ണ്. സ​മ​ഗ്ര​പ​ദ്ധ​തി​യി​ല്ലെ​ങ്കി​ൽ ക്ഷേ​ത്ര​പ്ര​വേ​ശ​ന വി​ളം​ബ​ര​ത്തി​ന്‍റെ 100-ാം വാ​ർ​ഷി​ക​ത്തി​ലും നാം ​പ്ര​സം​ഗി​ച്ചു​കൊ​ണ്ടി​രി​ക്കും; യാ​തൊ​രു കു​റ്റ​ബോ​ധ​വു​മി​ല്ലാ​തെ.

Tags : DEEPIKA EDITORIAL