23

ചൂ​ട് കാ​ല​മാ​യ​തി​നാ​ല്‍ ദാ​ഹം തോ​ന്നി​യി​ല്ലെ​ങ്കി​ലും ധാ​രാ​ളം വെ​ള്ളം കു​ടി​ക്ക​ണ​മെ​ന്ന് സംസ്ഥാന ആ​രോ​ഗ്യ​വ​കു​പ്പ്. സു​ര​ക്ഷി​ത​മ​ല്ലാ​ത്ത വെ​ള്ള​വും ഭ​ക്ഷ​ണ​വും ക​ഴി​ക്ക​രു​ത്. കു​പ്പി വെള്ള​ത്തി​ന്‍റെ ശു​ദ്ധ​ത ഉ​റ​പ്പ് വ​രു​ത്താ​നാ​യി പ​രി​ശോ​ധ​ന​ക​ള്‍ കൂ​ടു​ത​ല്‍ ശ​ക്ത​മാ​ക്കുമെന്നും ആ​രോ​ഗ്യ​വ​കു​പ്പ് അറിയിച്ചു.

ജി​ല്ല​ക​ളി​ല്‍ ഭ​ക്ഷ്യ സു​ര​ക്ഷാ അ​സി​സ്റ്റ​ന്‍റ് ക​മ്മീ​ഷ​ണ​ര്‍​മാ​രു​ടെ നേ​തൃ​ത്വ​ത്തി​ലു​ള്ള സ്‌​ക്വാ​ഡു​ക​ളാ​ണ് പ​രി​ശോ​ധ​ന ന​ട​ത്തു​ന്ന​ത്. വ​ഴി​യോ​ര​ങ്ങ​ളി​ലു​ള്ള ചെ​റി​യ ക​ട​ക​ള്‍ മു​ത​ല്‍ എ​ല്ലാ ക​ട​ക​ളിലും പ​രി​ശോ​ധന നടത്തുന്നുണ്ട്.

ഷ​വ​ര്‍​മ ഉ​ള്‍​പ്പെ​ടെ​യു​ള്ള ഭ​ക്ഷ്യ വ​സ്തു​ക്ക​ള്‍ വി​ല്‍​ക്കു​ന്ന സ്ഥാ​പ​ന​ങ്ങ​ള്‍ കേ​ന്ദ്രീ​ക​രി​ച്ച് ഭ​ക്ഷ്യ സു​ര​ക്ഷാ പ​രി​ശോ​ധ​ന​ക​ള്‍ ശ​ക്ത​മാ​യി തു​ട​രും.

ഐ​സാ​ണ് വി​ല്ല​ൻ

വേ​ന​ല്‍ കാ​ല​ത്ത് ഏ​റ്റ​വും അ​പ​ക​ട​മാ​കു​ന്ന​ത് ജ്യൂ​സി​ല്‍ ഉ​പ​യോ​ഗി​ക്കു​ന്ന ഐ​സാ​ണ്. മ​ലി​ന​മാ​യ വെ​ള്ള​ത്തി​ല്‍​നി​ന്നു​ണ്ടാ​ക്കു​ന്ന ഐ​സ് കാ​ര​ണം പ​ല രോ​ഗ​ങ്ങ​ളും ഉ​ണ്ടാ​കാം. അ​തി​നാ​ല്‍ ശു​ദ്ധ​ജ​ലം ഉ​പ​യോ​ഗി​ച്ച് മാ​ത്ര​മേ ഐ​സ് ഉ​ണ്ടാ​ക്കാ​ന്‍ പാ​ടു​ള്ളൂ.

ക​ട​ക​ളി​ലും പാ​ത​യോ​ര​ങ്ങ​ളി​ലും ജ്യൂ​സ് വി​ല്‍​ക്കു​ന്ന​വ​ര്‍ ശു​ദ്ധ​ജ​ല​ത്തി​ല്‍​നി​ന്നു​ള്ള ഐ​സാ​ണെ​ന്ന് ഉ​റ​പ്പ് വ​രു​ത്തു​ക. ആ​ഹാ​ര സാ​ധ​ന​ങ്ങ​ള്‍ ചൂ​ടു​കാ​ല​ത്ത് പെ​ട്ടെ​ന്നു കേ​ടാ​കു​മെ​ന്ന​തി​നാ​ല്‍ എ​ല്ലാ​വ​രും പ്ര​ത്യേ​കം ശ്ര​ദ്ധി​ക്ക​ണം.

ഭ​ക്ഷ​ണ​വും വെ​ള്ള​വും അ​ട​ച്ചു സൂ​ക്ഷി​ക്ക​ണം. ഭ​ക്ഷ​ണ പാ​ഴ്‌​സ​ലി​ല്‍ തീ​യ​തി​യും സ​മ​യ​വും രേ​ഖ​പ്പെ​ടു​ത്തി​യ സ്റ്റി​ക്ക​റും പ​തി​പ്പി​ച്ചി​രി​ക്ക​ണം. നി​ശ്ചി​ത സ​മ​യം ക​ഴി​ഞ്ഞ ഭ​ക്ഷ​ണം ക​ഴി​ക്ക​രു​ത്.

കു​ടി​ക്കു​ന്ന​തു ശു​ദ്ധ​മാ​യ വെ​ള്ള​മാ​ണെ​ന്ന് ഉ​റ​പ്പ് വ​രു​ത്ത​ണം. തി​ള​പ്പി​ച്ചാ​റ്റി​യ വെ​ള്ളം കു​ടി​ക്കാ​ന്‍ ശ്ര​ദ്ധി​ക്ക​ണം. യാ​ത്രാ വേ​ള​യി​ല്‍ ഒ​രു കു​പ്പി വെ​ള്ളം ക​രു​തു​ന്ന​ത് ന​ല്ല​താണ്.

കു​പ്പി വെ​ള്ളം വാ​ങ്ങു​മ്പോ​ൾ

അം​ഗീ​കൃ​ത​മ​ല്ലാ​ത്ത​തും വ്യാ​ജ​വു​മാ​യ കു​പ്പി​വെ​ള്ളം വി​റ്റാ​ല്‍ ഭ​ക്ഷ്യ​സു​ര​ക്ഷാ നി​യ​മ​പ്ര​കാ​രം ക​ര്‍​ശ​ന ന​ട​പ​ടി സ്വീ​ക​രി​ക്കും. ക​ട​ക​ളി​ല്‍​നി​ന്നു വാ​ങ്ങു​ന്ന കു​പ്പി​വെ​ള്ളം കു​ടി​ക്കു​മ്പോ​ള്‍ ചി​ല കാ​ര്യ​ങ്ങ​ള്‍ പ്ര​ത്യേ​കം ശ്ര​ദ്ധി​ക്ക​ണം.

കു​പ്പി​വെ​ള്ളം വാ​ങ്ങു​ന്ന​വ​രും വി​ല്‍​ക്കു​ന്ന​വ​രും ശ്ര​ദ്ധി​ക്കേ​ണ്ട കാ​ര്യ​ങ്ങ​ള്‍

• പ്ലാ​സ്റ്റി​ക് ബോ​ട്ടി​ലി​ന്‍റെ സീ​ല്‍ പൊ​ട്ടി​ച്ചി​ട്ടി​ല്ല എ​ന്നും ഉ​റ​പ്പ് വ​രു​ത്ത​ണം.
• കു​പ്പി​യു​ടെ അ​ട​പ്പി​ലെ സീ​ല്‍ പൊ​ട്ടി​യ നി​ല​യി​ലു​ള്ള കു​ടി​വെ​ള്ളം ഉ​പ​യോ​ഗി​ക്കാ​തി​രി​ക്കു​ക.
• വ​ലി​യ കാ​നു​ക​ളി​ല്‍ വ​രു​ന്ന കു​ടി​വെ​ള്ള​ത്തി​നും സീ​ല്‍ ഉ​ള്ള​താ​ണെ​ന്ന് ഉ​റ​പ്പു വ​രു​ത്ത​ണം.
• ക​ട​ക​ളി​ല്‍ വെ​യി​ലേ​ല്‍​ക്കു​ന്ന രീ​തി​യി​ല്‍ കു​പ്പി​വെ​ള്ള​മോ ശീ​ത​ള പാ​നീ​യ​ങ്ങ​ളോ സൂ​ക്ഷി​ക്കാ​തി​രി​ക്കു​ക. അ​ത്ത​രം പാ​നീ​യ​ങ്ങ​ള്‍ വാ​ങ്ങി​ക്കാ​തി​രി​ക്കു​ക.

• കു​ടി​വെ​ള്ളം, മ​റ്റ് ശീ​ത​ള പാ​നീ​യ​ങ്ങ​ള്‍ നി​റ​ച്ച പ്ലാ​സ്റ്റി​ക് കു​പ്പി​ക​ള്‍ എ​ന്നി​വ വെ​യി​ലേ​ല്‍​ക്കു​ന്ന രീ​തി​യി​ല്‍ ക​ട​ക​ളി​ല്‍ തൂ​ക്കി​യി​ടാ​നും വെ​യി​ലേ​ല്‍​ക്കു​ന്ന രീ​തി​യി​ല്‍ വാ​ഹ​ന​ങ്ങ​ളി​ല്‍ വി​ത​ര​ണ​ത്തി​നാ​യി കൊ​ണ്ട് പോ​കാ​നും പാ​ടി​ല്ല.

  ഇ​ത്ത​രം കു​പ്പി​ക​ളി​ലെ വെ​ള്ളം കു​ടി​ക്കു​ന്ന​ത് ആ​രോ​ഗ്യ പ്ര​ശ്‌​ന​ങ്ങ​ളു​ണ്ടാ​ക്കും.

Tags : drinking water benefits family health ice