2

കല്‍പ്പറ്റ: പെണ്‍കുട്ടിയെ പീഡിപ്പിച്ച കേസില്‍ ഒളിവിലായിരുന്ന പ്രതി പിടിയില്‍. മലപ്പുറം വേങ്ങാട് മൂര്‍ഖനാട് മമ്മാറന്‍ ജലീലിനെയാണ്(35)കഴിഞ്ഞ ദിവസം ഒലവക്കോടുനിന്ന് വയനാട് സ്‌പെഷ്യല്‍ മൊബൈല്‍ സ്‌ക്വാഡ് അറസ്റ്റുചെയത്ത്.

വൈത്തിരി പൊലിസ് സ്റ്റേഷന്‍ പരിധിയിലെ ഊരിലുള്ള പെണ്‍കുട്ടിയെ കുറച്ചുകാലം മുമ്പ് പ്രലോഭിപ്പിച്ച് പടിഞ്ഞാറത്തറയിലെ റിസോര്‍ട്ടിലും മൈസൂരുവിലെ ഹോട്ടലിലും എത്തിച്ചാണ് പീഡിപ്പിച്ചത്. ഇതുസംബന്ധിച്ച പരാതിയില്‍ പൊലിസ് കേസെടുത്തത് അറിഞ്ഞ പ്രതി ഒഡിഷയിലേക്ക് കടന്നു. പിന്നീട് കൊച്ചിയില്‍ എത്തിയ പ്രതി തിരികേ പോകുന്നതിനിടെയാണ് പിടിയിലായത്.

85 കിലോഗ്രാം കഞ്ചാവ് കേരളത്തിലേക്ക് കടത്തിയതിന് കര്‍ണാടകയില്‍ ജലീലിനെതിരേ കേസുണ്ട്. സംസ്ഥാനത്ത് മാത്രം അഞ്ച് ലഹരിക്കേസുകളില്‍ ഇയാള്‍ പ്രതിയാണ്. ഡിവൈഎസ്പി ഷജു ജോസഫ്, എസ്‌ഐ ആന്‍റണി, എഎസ്‌ഐമാരായ ബിജു വര്‍ഗീസ്, ബിന്ദു, ബൈജു എസ്‌സിപിഒമാരായ ഷാലു ഫ്രാന്‍സിസ്, ജിയോ തോമസ് എന്നിവരടങ്ങുന്ന സംഘമാണ് പീഡനക്കേസ് അന്വേഷിച്ചത്.

Tags : Accused Arrested SexualAssault Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash