19

തി​രു​വ​ന​ന്ത​പു​രം: ഫെ​ഫ്ക​യി​ൽ നി​ന്നും രാ​ജി​വ​ച്ച​തി​ന് പി​ന്നാ​ലെ ന​ടി​യെ ആ​ക്ര​മി​ച്ച കേ​സി​ന്‍റെ കോ​ട​തി വി​ധി​യി​ൽ പ്ര​തി​ക​ര​ണ​വു​മാ​യി ഡ​ബ്ബിം​ഗ് ആ​ർ​ട്ടി​സ്റ്റും ന​ടി​യു​മാ​യ ഭാ​ഗ്യ​ല​ക്ഷ്മി.

അ​തി​ജീ​വി​ത ഈ ​ദി​വ​സ​ങ്ങ​ളി​ൽ വ​ലി​യ പ്ര​യാ​സ​ത്തി​ലാ​യി​രു​ന്നു​വെ​ന്നും അ​യാ​ൾ​ക്കു വേ​ണ്ടി​യൊ​രു​ക്കി​യ സ്വീ​ക​ര​ണ​ങ്ങ​ളും വാ​ക്കു​ക​ളു​മെ​ല്ലാം അ​തി​ജീ​വി​ത​യെ വേ​ദ​നി​പ്പി​ച്ചു​വെ​ന്നും ഭാ​ഗ്യ​ല​ക്ഷ്മി പ​റ​ഞ്ഞു.

അ​വ​ൾ​ക്കൊ​പ്പം നി​ന്ന​ത് മാ​ധ്യ​മ​ങ്ങ​ളും സ​മൂ​ഹ​വും മാ​ത്ര​മാ​ണ്. ചു​രു​ക്കം ചി​ല ആ​ളു​ക​ൾ മാ​ത്രം അ​യാ​ൾ​ക്കൊ​പ്പം നി​ന്നു. ഇ​പ്പോ​ൾ വ​ന്ന​ത് അ​ന്തി​മ വി​ധി അ​ല്ല. ഇ​നി​യി​യും കോ​ട​തി​ക​ളു​ണ്ട്. ദി​ലീ​പ് ഇ​പ്പോ​ഴും കു​റ്റാ​രോ​പി​ത​നാ​ണ്.

എ​തി​രാ​ളി ശ​ക്ത​നും സ​മ്പ​ന്ന​നും സ്വാ​ധീ​ന​മു​ള്ള​വ​നു​മാ​ണ്. ഫെ​ഫ്ക​യി​ൽ നി​ന്ന് താ​ന്‍ ഔ​ദ്യോ​ഗി​ക​മാ​യി രാ​ജി​വ​ച്ചു. ഇ​തെ​ല്ലാ​തെ മ​റ്റൊ​ന്നും ചെ​യ്യാ​നി​ല്ല. ന​ട​ൻ ദി​ലീ​പി​നെ സം​ഘ​ട​ന​ക​ളി​ലേ​ക്ക് തി​രി​ച്ചെ​ടു​ക്കാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ചാ​ണ് ഫെ​ഫ്ക​യി​ൽ രാ​ജി​വ​യ്ക്കു​ന്ന​ത്.

കു​റ്റാ​രോ​പി​ത​ൻ എ​ന്ന് പ​റ​യാ​ൻ ത​ന്നെ​യാ​ണ് ഞാ​ൻ ആ​ഗ്ര​ഹി​ക്കു​ന്ന​ത്. ഒ​രു ബ​ന്ധു തി​രി​ച്ചു വ​രു​ന്ന​ത് പോ​ലെ​യാ​ണ് സി​നി​മ മേ​ഖ​ല​യി​ലെ ആ​ളു​ക​ൾ പെ​രു​മാ​റി​യ​ത്. വി​ധി വ​ന്ന​തി​ന് ശേ​ഷം അ​വ​ളു​റ​ങ്ങി​യി​ല്ല, ഞാ​നും ഉ​റ​ങ്ങി​യി​ല്ല. എ​ന്ത് ചെ​യ്യു​മെ​ന്ന് ഓ​ർ​ത്തി​രു​ന്നു.

അ​വ​ൾ​ക്ക് വേ​ണ്ടി ആ​രും യോ​ഗം ചേ​ർ​ന്നി​ല്ല. എ​ന്നാ​ല്‍ ഇ​ന്ന​ലെ അ​ടി​യ​ന്ത​ര യോ​ഗം ചേ​ർ​ന്നു. ശ​രി​യോ​ടൊ​പ്പ​വും തെ​റ്റി​നോ​ടൊ​പ്പ​വും എ​ങ്ങ​നെ ഒ​രു​മി​ച്ച് നി​ൽ​ക്കാ​നാ​വും?. സം​ഘ​ട​ന​യി​ൽ നി​ന്ന് എ​ന്നെ ആ​രും വി​ളി​ച്ചി​ല്ല. വി​ധി ഇ​ങ്ങ​നെ ആ​കാ​ൻ കാ​ര​ണം എ​ന്താ​ണെ​ന്ന് പ​ഠി​ച്ചു​കൊ​ണ്ടി​രി​ക്കു​ക​യാ​ണ്.

മെ​മ്മ​റി കാ​ർ​ഡ് രാ​ത്രി ഇ​രു​ന്ന് ക​ണ്ടി​ട്ടു​ണ്ട്. ഹാ​ഷ് വാ​ല്യൂ മാ​റി​യി​ട്ടു​ണ്ട്. കൂ​റ് മാ​റി​യി​ട്ടു​ണ്ട്. അ​ങ്ങ​നെ ഒ​രു​പാ​ട് കാ​ര്യ​ങ്ങ​ൾ ഇ​തി​ൽ ഉ​ണ്ടാ​യി​ട്ടു​ണ്ട്. ഞ​ങ്ങ​ൾ ഉ​ണ്ട് നി​ന്‍റെ കൂ​ടെ എ​ന്ന് പോ​ലും സം​ഘ​ട​ന​യി​ലെ ആ​രും പ​റ​ഞ്ഞി​ല്ല.

അ​മ്മ​യി​ൽ സ്ത്രീ​ക​ൾ ത​ല​പ്പ​ത്തി​രു​ന്ന​ത് കൊ​ണ്ട് കാ​ര്യ​മി​ല്ലെ​ന്ന് ഇ​ന്ന് മ​ന​സി​ലാ​യി. അ​യാ​ൾ​ക്കൊ​പ്പം ത​ന്നെ​യെ​ന്ന് പ​റ​യാ​തെ പ​റ​യു​ന്നു. മ​ഞ്ജു​വി​ന്‍റെ പേ​ര് ഇ​ന്ന​ലെ പ​റ​ഞ്ഞ​തി​ന് പി​ന്നി​ൽ ഭ​യ​മു​ണ്ട്. മ​ഞ്ജു​വി​നോ​ട് എ​തി​രാ​ളി ശ​ക്ത​നെ​ന്നും ക​രു​തി​യി​രി​ക്ക​ണ​മെ​ന്നും ഞാ​ൻ പ​റ​ഞ്ഞി​ട്ടു​ണ്ട്. രാ​ഷ്ട്രീ​യ​ക്കാ​രും സം​ഘ​ട​ന​ക​ളും എ​ല്ലാം അ​യാ​ൾ​ക്കൊ​പ്പ​മാ​ണ്. സൂ​പ്പ​ർ സ്റ്റാ​റു​ക​ളൊ​ന്നും അ​വ​ൾ​ക്കൊ​പ്പ​മാ​യി​രു​ന്നി​ല്ലെ​ന്നും ഭാ​ഗ്യ​ല​ക്ഷ്മി പ​റ​ഞ്ഞു.

Tags : Bhagyalakshmi actress assult case case court dileep