തിരുവനന്തപുരം : പ്രതിപക്ഷ ഉപനേതാവ് സ്ഥാനം വേണമെന്ന ആവശ്യം വിട്ടിട്ടില്ലെന്നും വിഷയത്തിൽ പാർട്ടി ഉറച്ചുനിൽക്കുകയാണെന്നും സിപിഐ സംസ്ഥാന സെക്രട്ടറി ബിനോയ് വിശ്വം. പ്രതിപക്ഷ ഉപനേതാവ് സ്ഥാനം ഒരു പദവിയല്ല. എന്നാൽ മുന്നണിയിൽ പാലിക്കപ്പെടേണ്ട സമീപനം ഉണ്ടാകണം.
ഇക്കാര്യത്തിൽ യഥാസമയം തന്നെ തീരുമാനമുണ്ടാകും. ഇടതുമുന്നണി നിയമസഭാ കക്ഷി യോഗം ഉടൻ ചേരാൻ കഴിയുമെന്നാണു വിചാരിക്കുന്നതെന്നും ബിനോയ് വിശ്വം പറഞ്ഞു. തെരഞ്ഞെടുപ്പിൽ കനത്ത പരാജയമാണ് ഉണ്ടായത്. പരാജയത്തിന്റെ കാരണങ്ങൾ സംസ്ഥാന കൗണ്സിൽ വിശദമായി തന്നെ പരിശോധിച്ചു.
ഇടതുമുന്നണിയുടെ തെരഞ്ഞെടുപ്പു മുദ്രാവക്യങ്ങളിലടക്കം വലിയ പാളിച്ചയുണ്ടായി. ആഗോള അയ്യപ്പ സംഗമവും യുപി മുഖ്യമന്ത്രിയുടെ സന്ദേശം വായിക്കലുമൊക്കെ ഇടതുപക്ഷത്തിനു ചേർന്നതല്ലായിരുന്നു. ഇക്കാര്യങ്ങളിലെല്ലാം വലിയ വീഴ്ചയാണ് ഉണ്ടായതെന്നും ബിനോയി വിശ്വം പറഞ്ഞു.
Tags : Binoy Viswam cpi Opposition Deputy Leader