തിരുവനന്തപുരം: പോലീസിന്റെ ഓപറേഷൻ തൂഫാനൊപ്പം എക്സൈസ് നടപ്പാക്കുന്ന ഓപറേഷൻ തണ്ടറിന്റെ ഭാഗമായി സംസ്ഥാന വ്യാപകമായി എക്സൈസ് നടത്തിയ പരിശോധനയിൽ 24 മണിക്കൂറിനിടെ 341 കേസുകൾ രജിസ്റ്റർ ചെയ്തു.
103 പേരെ അറസ്റ്റ് ചെയ്തു. ഇതിൽ 77 കേസുകൾ അബ്കാരി നിയമപ്രകാരവും 34 കേസുകൾ എൻഡിപിഎസ് നിയമപ്രകാരവും 230 കേസുകൾ കോപ്റ്റ നിയമപ്രകാരവുമാണ് രജിസ്റ്റർ ചെയ്തത്.
അനധികൃതമായി സൂക്ഷിച്ച 171 ലിറ്റർ ഇന്ത്യൻ നിർമിത വിദേശ മദ്യവും മൂന്നു കിലോ കഞ്ചാവും ഏഴു ഗ്രാം ഹാഷിഷ് ഓയിലും 1005 കിലോഗ്രാം നിരോധിത പുകയില ഉത്പന്നങ്ങളും പിടിച്ചെടുത്തു.
Tags : Excise's ' 'Operation Thunder'