29

തൊ​ടു​പു​ഴ: മു​ല്ല​പ്പെ​രി​യാ​ര്‍ വി​ഷ​യ​ത്തി​ല്‍ കേ​ര​ളം-​ത​മി​ഴ്‌​നാ​ട് സം​സ്ഥാ​ന​ങ്ങ​ളി​ലെ ജ​ല​വി​ഭ​വ വ​കു​പ്പ് സെ​ക്ര​ട്ട​റി​മാ​ര്‍ പ​ങ്കെ​ടു​ക്കു​ന്ന അ​ന്ത​ര്‍സം​സ്ഥാ​ന ച​ര്‍ച്ച ഇ​ന്ന് മൂ​ന്നാ​ര്‍ വൈ​ബ് റി​സോ​ര്‍ട്ടി​ല്‍ ന​ട​ക്കും.

ജ​ല​വി​ഭ​വ -പാ​ര്‍ല​മെ​ന്‍റ​റി സ്റ്റാ​ന്‍ഡിം​ഗ് ക​മ്മി​റ്റി​യു​ടെ നേ​തൃ​ത്വ​ത്തി​ലാ​ണ് ച​ര്‍ച്ച ന​ട​ക്കു​ന്ന​ത്. ക​മ്മി​റ്റി ചെ​യ​ര്‍മാ​ന്‍ രാ​ജീ​വ് പ്ര​താ​പ് എം​പി​യു​ടെ അ​ധ്യ​ക്ഷ​ത​യി​ലാ​ണ് യോ​ഗം. ഇ​രു സം​സ്ഥാ​ന​ങ്ങ​ളു​ടെ​യും പ്ര​തി​നി​ധി​ക​ളും യോ​ഗ​ത്തി​ല്‍ പ​ങ്കെ​ടു​ക്കും. പാ​ര്‍ല​മെ​ന്‍റ​റി ക​മ്മി​റ്റി​യി​ൽ എം​പി​മാ​രാ​യ ഡീ​ൻ കു​ര‍്യാ​ക്കോ​സ്, ജെ​ബി മേ​ത്ത​ർ എ​ന്നി​വ​രും അം​ഗ​ങ്ങ​ളാ​ണ്.

കേ​ര​ള​വും ത​മി​ഴ്‌​നാ​ടും ത​മ്മി​ല്‍ പ​തി​റ്റാ​ണ്ടു​ക​ളാ​യി നി​ല​നി​ല്‍ക്കു​ന്ന മു​ല്ല​പ്പെ​രി​യാ​ര്‍ ത​ര്‍ക്ക​ത്തി​ല്‍ അ​ണ​ക്കെ​ട്ടി​ന്‍റെ സു​ര​ക്ഷ, ജ​ല​നി​ര​പ്പ്, പു​തി​യ അ​ണ​ക്കെ​ട്ടി​ന്‍റെ ആ​വ​ശ്യ​ക​ത തു​ട​ങ്ങി​യ വി​ഷ​യ​ങ്ങ​ളാ​ണ് പ്ര​ധാ​ന ച​ര്‍ച്ചാ​വി​ഷ​യ​ങ്ങ​ള്‍.

ഇ​തി​നി​ടെ മു​ല്ല​പ്പെ​രി​യാ​ര്‍ അ​ണ​ക്കെ​ട്ട് വി​ഷ​യ​ത്തി​ല്‍ പു​തി​യ അ​ണ​ക്കെ​ട്ട് നി​ര്‍മി​ക്ക​ണ​മെ​ന്ന കേ​ര​ള​ത്തി​ന്‍റെ ആ​വ​ശ്യം പാ​ര്‍ല​മെ​ന്‍റ​റി ക​മ്മി​റ്റി​ക്കു മു​മ്പാ​കെ ശ​ക്ത​മാ​യി അ​വ​ത​രി​പ്പി​ക്കു​മെ​ന്ന് മ​ന്ത്രി മോ​ന്‍സ് ജോ​സ​ഫ് തൊ​ടു​പു​ഴ​യി​ല്‍ പ​റ​ഞ്ഞു. മു​ല്ല​പ്പെ​രി​യാ​ര്‍ വി​ഷ​യ​ത്തി​ല്‍ കേ​ര​ള​ത്തി​ന്‍റെ പ്ര​ധാ​ന ആ​ശ​ങ്ക ജ​ന​ങ്ങ​ളു​ടെ സു​ര​ക്ഷ​യാ​ണെ​ന്നും നി​ല​വി​ലെ അ​ണ​ക്കെ​ട്ടി​ന്‍റെ സു​ര​ക്ഷ​യെ​ക്കു​റി​ച്ചു​ള്ള ആ​ശ​ങ്ക​ക​ള്‍ പ​രി​ഗ​ണി​ച്ചാ​ണ് പു​തി​യ അ​ണ​ക്കെ​ട്ട് നി​ര്‍മി​ക്ക​ണ​മെ​ന്ന നി​ല​പാ​ട് സം​സ്ഥാ​നം തു​ട​ക്കം മു​ത​ല്‍ സ്വീ​ക​രി​ച്ചി​ട്ടു​ള്ള​തെ​ന്നും ഈ ​നി​ല​പാ​ടി​ല്‍ മാ​റ്റ​മി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി.

മൂ​ന്നാ​റി​ല്‍ ഇ​ന്നു ന​ട​ക്കു​ന്ന അ​ന്ത​ര്‍ സം​സ്ഥാ​ന ച​ര്‍ച്ച തു​ട​ര്‍ന​ട​പ​ടി​ക​ള്‍ക്ക് വ​ഴി​യൊ​രു​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് മ​ന്ത്രി പ​റ​ഞ്ഞു. ച​ര്‍ച്ച​യെ​ക്കു​റി​ച്ച് ശു​ഭ​പ്ര​തീ​ക്ഷ​യു​ണ്ടെ​ന്നും ത​മി​ഴ്‌​നാ​ട് ഇ​തു​വ​രെ അ​വ​രു​ടെ നി​ല​പാ​ട് ആ​വ​ര്‍ത്തി​ക്കു​ക മാ​ത്ര​മാ​ണ് ചെ​യ്തി​ട്ടു​ള്ള​തെ​ന്നും മ​ന്ത്രി പ​റ​ഞ്ഞു. ത​മി​ഴ്‌​നാ​ട് നി​ല​പാ​ട് കൂ​ടു​ത​ല്‍ ക​ടു​പ്പി​ച്ച​താ​യി തോ​ന്നു​ന്നി​ല്ല. ഇ​രു സം​സ്ഥാ​ന​ങ്ങ​ളും പ​ര​സ്പ​ര ബ​ഹു​മാ​ന​ത്തോ​ടെ ച​ര്‍ച്ച​യി​ല്‍ പ​ങ്കെ​ടു​ക്കു​മെ​ന്നാ​ണ് പ്ര​തീ​ക്ഷ​യെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

മു​ല്ല​പ്പെ​രി​യാ​ര്‍ വി​ഷ​യ​ത്തി​ല്‍ കേ​ര​ള​ത്തി​ന്‍റെ ഔ​ദ്യോ​ഗി​ക നി​ല​പാ​ട് പാ​ര്‍ല​മെ​ന്‍റ​റി ക​മ്മി​റ്റി​ക്ക് മു​ന്നി​ല്‍ വ്യ​ക്ത​മാ​യി അ​വ​ത​രി​പ്പി​ക്കു​മെ​ന്നും ജ​ന​ങ്ങ​ളു​ടെ ജീ​വ​നും സ്വ​ത്തി​നും സു​ര​ക്ഷ ഉ​റ​പ്പാ​ക്കു​ന്ന പ​രി​ഹാ​ര​മാ​ണ് സം​സ്ഥാ​ന സ​ര്‍ക്കാ​ര്‍ ല​ക്ഷ്യ​മി​ടു​ന്ന​തെ​ന്നും മ​ന്ത്രി പ​റ​ഞ്ഞു.

Tags : Mullaperiyar Inter-state discussions